Именины 20 апреля 2024
Именины 19 апреля 2024
Удзячнасць
Асенняе свята “Пакровы” —
Адбітак пяшчотнай тугі,
Усіх маці яно ўшаноўвае,
Дзень для ўсіх нас дарагі.
Мы ім удзячны давеку
(Ці ж зможам аддзячыць за ўсё),
Бо маці дала чалавеку
Свет цэлы — існаванне, жыццё!
А калі ўжо сыйдзем у вечнасць,
І пакаленні на змену прыйдуць,
Ад дзяцей сваіх маці ўдзячнасць
Заўжды ў падарунках знайдуць.
Дзядзька
Як дзядзьку роднага свайго
Антося памятаю змалку.
Было мне восем усяго,
Пачуў пра леснікову хатку.
Малому мне здалось,
Што я ў гасцях
І родны дзядзька мне — Антось
Вітае ў сянях.
Бо і ў нас усё так вялось,
І печ у хаце ў куце,
І пад паветкай вось,
І сад па вокнамі цвіце...
Цяпер упэўнены — не памыліўся:
У Беларусі ён усім радня!
У светаўспрыняцці парадніўся,
І мова нас радніць, мы ўсе — сям’я.