Авторизация
 

Верш. Свае і чужыя

 Каго людзі клічуць — свае?
Таго, хто ім блізкі і родны,
Хто матчынай мовай пяе,
З кім дзелім мы лёс свой народны.

Ды толькі ці ўсе мы — свае?
А можа, бывае іначай?
І хтосьці жыццё аддае,
А хто перад ворагам скача…
А што людзі клічуць вайной?
Вайной вымяраецца неба,
Каштоўнасць дарогі зямной
І вартасць скарыначкі хлеба.
Вайной вымяраюць сваіх.
Сваіх, хто памерці гатовы
За долю Радзімы, за ўсіх,
Спявае хто матчынай мовай;
І тым, каму хочацца жыць
Так моцна, што ім і не трэба
Ніякіх сваіх бараніць—
Лепш біць галавою аб глебу,
Гнуць спіну ў пакоры нямой
Прад ворагам, зверам і катам.
Не бачыць, як кроўю сваёй
Зямлю паліваюць салдаты.
Наўмысна не бачыць, не чуць
Дзіцячага енку і плачу.
Такія не могуць адчуць,
Што слова свае для іх значыць.
Такія свае горш за тых,
Каго людзі клічуць чужымі.
Не дай бог такіх вось “сваіх”
З сапраўднымі зблытаць сваімі.
Каго людзі клічуць — свае?
Таго, хто такім застаецца
І ў міры, і на вайне
Да ўдару апошняга сэрца.

Фота для ілюстрацыі.

Ірына РАДЗІХОЎСКАЯ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2021
Адриан, Ирина, Яков

Именины 17 мая 2021
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта