Авторизация
 

У Міёрскай ЦРБ стартаваў конкурс на навагодняе афармленне

68

 Упрыгожылі елку ў цэнтральнай раённай бальніцы зайчыкі, шарыкі, сняжынкі, ліхтарыкі і іншыя цацкі. Гэта конкурсныя работы медыкаў, сярод якіх не знойдзеш дзвюх аднолькавых. Па-за конкурсам у аддзяленнях аформлены навагоднія фотазоны.


– Творчыя навагоднія конкурсы – наша традыцыя. Сёлетні назвалі «Упрыгожым елку самі». Усе падраздзяленні прынялі ўдзел і падрыхтавалі арыгінальныя работы, – расказвае старшыня прафсаюзнай пярвічкі Святлана Карпеза. – Вынікі падвядзём бліжэй да Новага года, а пакуль любуемся і здзіўляемся прыгажосці, створанай сваімі рукамі.


Здзівіцца ёсць чаму. Супрацоўнікі рэнтгенкабінета змайстравалі шар з адпрацаванай рэнтгенплёнкі. Урач-інфекцыяніст Таццяна Масла з дапамогай фарбы і пэндзліка ператварыла лямпачку ў сімпатычнага зайчыка. У дзісненскіх медыкаў елка з ваты аздоблена каляровымі крышачкамі з-пад флаконаў ад антыбіётыкаў. У загадчыка Даўгінаўскай амбулаторыі Ганны Блажэвіч прыгожыя шышкі з духмяным водарам. Пасля конкурсу імі пачастуюцца з чаем.


Супрацоўніца клініка-дыягнастычнай лабараторыі Надзея Атопкіна змайстравала зайчыка-смяшарыка Кроша, якому знайшлося месца пад елкай. У лабараторыі аформіла казачную фотазону з камінам, елкай, аленямі і снегавіком. У цэнтры – сімвал года Зайчык, асновай для якога стаў паветраны шар.


Кацярына РЫНКЕВІЧ.

Фота Казіміра БЛАЖЭВІЧА.

 

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2023
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2023
Максим, Петр, Марфа, Афанасий, Яков

Госці краін

free counters
Партнеры сайта