Авторизация
 

Міярчане ўдзельнічалі ў "Славянскім базары"

 Шматлікія абласныя конкурсы і мерапрыемствы прайшлі падчас ХХХ Міжнароднага фестывалю мастацтваў «Славянскі базар у Віцебску» з 15 па 18 ліпеня. Актыўны ўдзел прынялі ў іх міярчане. 

На кірмашы рамёстваў «Горад майстроў» прадстаўлялі свае вырабы майстры Дзісненскага гарадскога Дома рамёстваў Людміла Ганебная, Наталля Валенцік і Яўгенія Козел, кіраўнік клуба «Святліца» Алена Батарчук.


Цікавым зместам напоўнілі тэматычную брэндавую пляцоўку Міёрскага раёна. Тут ладзілі выставу старой мэблі супрацоўнікі гісторыка-этнаграфічнага музея, размясцілі разнастайныя вырабы майстры Дзісненскага гарадскога Дома рамёстваў. Выставу-продаж распісных пернікаў праводзіла кіраўнік ініцыятывы «Распісныя пернікі Міёршчыны» Ксенія Маскаленка. Прапаноўвалі сувеніры супрацоўнікі тэрытарыяльнага цэнтра сацыяльнага абслугоўвання насельніцтва. Клуб нацыянальнай кухні і фальклору «Цвецінскія прысмакі» сярод рознай смакаты прадставіў клёцкі. Гэтая страва адносіцца да нематэрыяльнай гісторыка-культурнай спадчыны. На канцэрце ў абарону брэнда Міёршчыны выступалі «Дзісенчукі», змешаная вакальная група Дзісненскага ГЦК і харэаграфічны калектыў «Натхненне». У сцэнарый уключылі расповяды пра адметнасці Міёрскага раёна, у тым ліку Дзісны.


У адкрытым абласным свяце-конкурсе майстроў народнай цацкі і лялькі «Забава-2021» прынялі ўдзел больш за 80 творцаў. Сярод іх дзісненскія майстрыцы Наталля Валенцік і Яўгенія Козел. Іх работы адзначылі дыпломам за адраджэнне і папулярызацыю традыцыйнай культуры і мастацтва.


На адкрытым турніры нацыянальных танцаў «Танчым разам» ва ўзроставай катэгорыі ад 16 да 30 гадоў паспаборнічалі і выйшлі ў фінал Дзіяна Маляўка і Аляксей Рачыцкі. Менш пашанцавала Анастасіі Густавай і Андрэю Ражанскаму. У катэгорыі ад 30 да 50 гадоў выступалі Марына Дзям’янава і Сяргей Пілецкі, Алеся Барысоўская і Яўген Кажан. Апошняя пара прайшла ў фінал.


Трэцяе месца ў абласным конкурсе аркестраў народных інструментаў, аркестраў баянаў і акардэонаў «Спяваем з аркестрам» заняў узорны аркестр баянаў і акардэонаў Міёрскай дзіцячай школы мастацтваў пад кіраўніцтвам Ігара Лаўца. Дарэчы, вядучымі конкурсу сталі міярчане Аляксей Рачыцкі і Алеся Барысоўская.


Падрыхтавала Кацярына РЫНКЕВІЧ.

Фота Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 июля 2021
Аркадий, Лев, Елена, Ольга

Именины 23 июля 2021
Александр, Антон, Георгий, Даниил, Леонтий, Петр

Госці краін

free counters
Партнеры сайта