Авторизация
 

Бенефіс Саламеі і клуба "Вера. Надзея. Любоў" прайшоў у Язне

  Студзеньскім вечарам у Язненскім СДК дапазна святкавалі 10-годдзе клуба «Вера. Надзея. Любоў». Калісьці ініцыявала яго стварэнне Саламея Сіняўская – былая медсястра на заслужаным адпачынку. Яна называе сябе авантурысткай у найлепшым значэнні гэтага слова: неадкладна спрабуе рэалізаваць незвычайныя грамадска карысныя задумы. Як правіла, у яе знаходзяцца памочнікі. 

Саламея Антонаўна прыводзіць у прыклад першую сваю ідэю: устанавіць у Язне паклонныя крыжы пры ўездзе ў аграгарадок і на месцы былога касцёла. Пытанне спачатку ўзгаднілі з мясцовай уладай, потым яго падтрымаў кіраўнік меліярацыйнай арганізацыі Пётр Радзюк і яго падначаленыя, адобрылі вяскоўцы.


Неяк нечакана адзін з вершаў шаркаўшчынскай паэтэсы Кацярыны Сосна пра тое, як прыгожа зацвіў сад, прымусіў задумацца над арганізацыяй на добрыя справы вясковых пенсіянерак. Зноў жа, з ідэяй стварэння клуба звярнулася ў сельсавет, да мясцовых культработнікаў Ларысы Бервячонак і Ларысы Карпавай, да суседак-каляжанак Любові Жойдзік, Валянціны Мароз, Тамары Амбросенак, Іі Кавалёнак, Яўгеніі Дарашкевіч, Алы Марозавай. Хто ж адмовіцца ад прапановы цікава арганізаваць свой вольны час, ды яшчэ з карысцю. Пры гэтым ініцыятар не перакладвае цяжар непасрэдных спраў на кагосьці. Сама наперадзе, праграму прапануе, сцэнарый распрацоўвае з самымі актыўнымі жанчынамі – Евай Астроўскай, Ліліяй Паршута, Вольгай Шчарбіцкай, Ганнай Казлоўскай і іншымі.


Поўную падтрымку ініцыятыве аказала старшыня сельскага Савета Валянціна Фядзьковіч. Яна прапанавала арганізацыйнае пасяджэнне правесці ў будынку сельвыканкама. На яго сабралася дзясятак – паўтара жанчынак-ветэранаў, а потым удзельнікаў болела, у тым ліку і маладзейшых вяскоўцаў. Далучыліся, напрыклад, мясцовыя Алена Радзюк і Алена Серагова, навапалачане Вольга і Сяргей Барышнікавы. Нярэдка на пасяджэнні збіраецца паўсотні і больш чалавек.


Сустрэчы праводзяць з нагоды святаў ці юбілеяў, арганізоўвалі паездкі ў Нясвіж, Мір, на канцэрт арганнай музыкі ў Полацк. Займаліся добраўпарадкаваннем, у тым ліку могілак. Дапамагалі сяброўкам на агародах і ў капанні бульбы.


 У кожным мерапрыемстве павінна быць нешта асаблівае. На іх запрашалі кіраўніка паэтычнага аб’яднання з Шаркаўшчыны Кацярыну Сосна, рэдактара часопіса «Алеся», паэтэсу і амаль што зямлячку Тамару Бунта. Артыст, аўтар-выканаўца і паэт-гумарыст Леанід Гомельскі спецыяльна напісаў песню пра Язна. З ёй ансамбль «Язынка» заняў першае месца ў раённым аглядзе мастацкай творчасці. Стужку госця клуба прымервалі мастачка-мінчанка Святлана Мельнікава і іншыя цікавыя людзі. Калі самі ініцыятыўныя і крэатыўныя, гэта прыцягвае такіх жа паблізу і здалёку.


На стары Новы год пры падтрымцы ўдзельнікаў мастацкай творчасці ў сельскім Доме культуры аграгарадка прайшоў спектакль «Прыгоды ў навагоднюю ноч». Ролі ў ім выконвалі ініцыятары аб’яднання «Вера. Надзея. Любоў». Усе спявалі, танцавалі, спаборнічалі ў розных конкурсах, абменьваліся віншаваннямі. У тым ліку цяперашні кіраўнік КУП «Язна» Аляксей Даражынскі і яго папярэднік Леанід Марозаў з жонкамі. Вядучай традыцыйна заставалася Саламея Сіняўская пры падтрымцы Дзеда Мароза, ролю якога выконваў Міхаіл Карпаў.


Наперадзе яшчэ адзін юбілей – сёлета Язна святкуе 545-годдзе першага ўпамінання ў пісьмовых крыніцах. У падрыхтоўцы і правядзенні самы актыўны ўдзел прымуць культработнікі, самадзейныя артысты Язненскага СДК, творчыя калектывы «Язынка», «Іставіца» і, канешне, клуб «Вера. Надзея. Любоў».

Фотаматэрыял з асабістага архіва Саламеі СІНЯЎСКАЙ.

Леанід МАТЭЛЕНАК.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 070
  • 0

Інвестыцыйны форум

  • 23 сентябрь 2011, 10:05
  • 84 252
  • 1

Злавілі рыбку, ды… залатую

  • 28 февраль 2011, 16:16
  • 76 889
  • 0

Пераброддзе 2012. Погляд вучонага

  • 31 август 2012, 15:19
  • 42 177
  • 0

  • 11 февраль 2011, 11:20
  • 40 639
  • 0

Кандыдатамі жадаюць стаць

  • 21 август 2012, 15:30
  • 36 395
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 532
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 февраля 2020
Антон, Аркадий, Василий, Геннадий, Герман, Григорий, Иван, Марк, Петр, Порфирий, Прохор, Анна, Валентина, Галина, Карп, Семен

Именины 22 февраля 2020
Василий, Геннадий, Иван, Иннокентий, Петр, Тихон

Госці краін

free counters
Партнеры сайта