Авторизация
 

Даўняя гісторыя вясельных традыцый

 Захаванне народных традыцый, іх прымяненне ў дні сённяшнім — важны напрамак работы Забалоццеўскай бібліятэкі-клуба. Установа працуе па праграме “Нам засталася спадчына”. Дзейнічае музей народнага побыту, дзе сабраны рэчы хатняга ўжытку з мінулага. Адным наведвальнікам экспанаты добра знаёмы, іншыя не здагадваюцца, для чаго яны патрэбны. Як і колішнія традыцыі. 

У жніўні ў бібліятэцы-клубе святкавалі вяселле. Цяпер у ціхіх вёсачках такое здараецца нячаста. Размова пойдзе пра асобныя традыцыі, да якіх звярталіся падчас урачыстасці, і іх значэнне.

Абсыпанне маладых
Перад дарогай у загс жаніха і нявесту абсыпаюць зернем. Традыцыя мае глыбокія карані. Дождж сімвалізуе ўрадлівасць і дабрабыт. Ствараючы падобны эфект з зерня, маладым забяспечваюць матэрыяльныя выгоды ў будучым.

“Рагатка”
Традыцыя перакрываць шлях вясельнаму картэжу на Міёршчыне называецца “рагаткай”. У іншай мясцовасці распаўсюджаны выразы “драць зайца” або “закідваць зайца”. Ставяць “рагатку” мясцовыя жыхары, віншуюць маладых і патрабуюць выкуп за далейшую дарогу.


Згодна з прыкметай, калі вяселлю перагародзяць шлях, шлюб будзе трывалым і ўдача стане пастаянным спадарожнікам сямейнага жыцця. Даючы пачастункі, маладыя гавораць: “Вам — піва ды мёд, нам — шчасце ў кожны наш год”.

Сустрэча з хлебам-соллю
Сімвалам шчаслівага і бестурботнага сямейнага жыцця ў народзе лічаць каравай. З ім сустракае маладых пасля рэгістрацыі шлюбу маці жаніха. Разам з караваем перадае ласку, цеплыню, сямейны вопыт і бласлаўленне.


Па традыцыі, каравай павінен быць вялікім, круглым і з рознымі ўпрыгожаннямі, кожнае з якіх мае сваё значэнне. Так, лебедзі — сімвал вернасці, ружы і каліна азначаюць каханне, каласы пшаніцы — багацце і дабрабыт, пераплеценыя косы — перапляценне лёсаў жаніха і нявесты, вінаград — урадлівасць і працяг роду.


У даўнія часы вясельны каравай выпякала жанчына, якая шчасліва жыве ў шлюбе. Вымешваючы цеста, напявала песні пра каханне і сямейнае шчасце. Надаючы круглую форму, чытала малітвы. У печ каравай ставіў шчаслівы ў шлюбе мужчына.

Зняцце фаты
Гэты абрад мае глыбокі сэнс. Пакуль галава дзяўчыны пакрыта фатой, яна яшчэ нявеста. Павязалі хусцінку — стала замужняй жанчынай, гатовай да сямейных абавязкаў і нараджэння дзяцей. Звычайна фату здымае свякроўка, бо дзяўчына пераходзіць у сям’ю мужа. Такая традыцыя з’ядноўвае новых сваякоў.


У народнай культуры славян фату надзялялі асаблівым статусам. Лічылася, што ёй можна лячыць дзіцячыя захворванні, выкліканыя сурокам ці нядобрым словам. Калі на 15-20 хвілін пакрыць фатой дзіця, якое пакутуе ад бяссонніцы, яно спакойна засне.

Танец дачкі з бацькам
Па даўніх традыцыях, танец бацькі і дачкі на вяселлі — гэта развітанне дзяўчыны з бацькоўскім домам. Лічылі, што душа нявесты памірае ў родзе бацькі і адраджаецца наноў у родзе мужа.


ПРАЗ стагоддзі звяртаючыся да народных традыцый, вывучаем культуру нашых далёкіх продкаў, імкнёмся зразумець глыбокі сэнс абрадавых дзеянняў, дакрануцца да векавой мудрасці і спадчыны.

Фота для ілюстрацыі.
Людміла БЕЛАЯ, загадчык
Забалоццеўскай бібліятэкі-клуба.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 831
  • 0

Інвестыцыйны форум

  • 23 сентябрь 2011, 10:05
  • 78 706
  • 1

Злавілі рыбку, ды… залатую

  • 28 февраль 2011, 16:16
  • 52 931
  • 0

Пераброддзе 2012. Погляд вучонага

  • 31 август 2012, 15:19
  • 40 288
  • 0

  • 11 февраль 2011, 11:20
  • 39 059
  • 0

Кандыдатамі жадаюць стаць

  • 21 август 2012, 15:30
  • 35 649
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 622
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июня 2019
Василий, Константин, Павел, Федор, Ефрем

Именины 20 июня 2019
Александр, Богдан, Борис, Валентин, Василий, Вениамин, Виктор, Владимир, Григорий, Давид, Иван, Игнатий, Лев, Максим, Михаил, Николай, Павел, Петр, Степан, Тарас, Федор, Федот, Анна, Валерия, Зинаида, Калерия, Мария, Афанасий

Госці краін
free counters
Партнеры сайта