Авторизация
 

Культработнікі ў Міёрскім РДК

 Яны сатканы са слоў любові і адданасці справе, са смеху і нот. Іх прызначэнне — дарыць дабро і прыносіць радасць. Гэтыя словы прагучалі на святочным канцэрце з нагоды Дня работнікаў культуры.

 У пазаМІНУЛУЮ нядзелю сто восемдзесят сем жыхароў Міёршчыны адзначалі прафесійнае свята. Гэта дырэктары і мастацкія кіраўнікі дамоў культуры, выкладчыкі школы мастацтваў, бібліятэкары і супрацоўнікі музея, майстры дома рамёстваў. Усе, хто мае дачыненне да сферы культуры, далучае да прыгожага і вечнага, захоўвае спадчыну.


 Напярэдадні культработнікі сабраліся ў Міёрскім РДК. Прымалі віншаванні і ўзнагароды.


— Пладамі культуры мы карыстаемся, калі наведваем музеі, прыходзім у бібліятэкі, бываем на канцэртах. Прафесія культработніка складаная і бясконца творчая. Яна неабходна нашаму грамадству, — вітаў калег начальнік аддзела ідэалагічнай работы, культуры і па справах моладзі Аляксандр Тронькін.


 НА МІЁРШЧЫНЕ дзейнічаюць дваццаць клубных устаноў, дваццаць тры бібліятэкі, дзіцячая школа мастацтваў, гісторыка-этнаграфічны музей, кінавідэасетка. У іх розныя задачы і агульная мэта — весці ў дзіўны свет творчасці, дарыць яркія ўражанні і эстэтычную асалоду. Кожны год у работнікаў культуры насычаны мерапрыемствамі рознага маштабу. Ад святаў вёсак да абласных, рэспубліканскіх і міжнародных фестываляў. У ліку актывістаў культурнага жыцця ў раёне і за яго межамі Аляксандр Тронькін адзначыў фальклорныя калектывы “Язынка” і “Іставіца”, эстрадную студыю “Зараніца”, клуб народных майстроў “Святліца”, клуб нацыянальнай кухні “Цвецінскія прысмакі”, ансамбль народных інструментаў “Павятчанка”, творчыя калектывы Дзісенскага ГЦК і Перабродскага СДК. На раённых аглядах-конкурсах мастацкай самадзейнасці на высокім узроўні выступаюць Дзісенскі ГЦК, Язненскі, Наўгародскі, Павяцкі, Чэраскі, Чапукоўскі сельскія дамы культуры, Істаўскі і Мікалаёўскі клубы. У бібліятэчнай справе задаюць тон цэнтральная раённая і дзіцячая бібліятэкі.


 ЗА актыўную творчую дзейнасць і яе высокія вынікі работнікі культуры атрымалі ўзнагароды. Ганаровую грамату райвыканкама ўручылі  майстру Дзісенскага дома рамёстваў Людміле Ганебнай. Падзяка аб’яўлена бібліятэкару цэнтральнай раённай бібліятэкі Іне Януковіч. Граматы аддзела ідэалагічнай работы, культуры і па справах моладзі Аляксандр Тронькін назваў самымі роднымі ўзнагародамі. Іх атрымалі бухгалтар Фаіна Шокель, бібліятэкары Міёрскай дзіцячай бібліятэкі Анастасія Драба і Павяцкай бібліятэкі Таццяна Мутар, выкладчыкі дзіцячай школы мастацтваў Галіна Шокель і Таццяна Бялевіч, мастацкі кіраўнік Чапукоўскага СДК  Тэрэза Корсак, намеснік дырэктара Міёрскага РДК Аляксей Гайдзель, работнік гаспадарчай групы Іван Мароз.


У ПАДАРУНАК усім — святочны канцэрт, які падрыхтавалі педагогі і выхаванцы дзіцячай школы мастацтваў. Жывая музыка, прыгожыя галасы, шчырыя ўсмешкі, пазітыўная энергетыка ліліся са сцэны ў глядзельную залу, адкуль пасля кожнага нумару гучалі воклічы “Брава!” і дружныя доўгія апладысменты. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 363
  • 0

Інвестыцыйны форум

  • 23 сентябрь 2011, 10:05
  • 68 425
  • 1

Пераброддзе 2012. Погляд вучонага

  • 31 август 2012, 15:19
  • 34 625
  • 0

  • 11 февраль 2011, 11:20
  • 33 369
  • 0

Кандыдатамі жадаюць стаць

  • 21 август 2012, 15:30
  • 32 354
  • 0

Злавілі рыбку, ды… залатую

  • 28 февраль 2011, 16:16
  • 30 697
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 370
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 ноября 2018
Анатолий, Арсений, Василий, Виктор, Гавриил, Герман, Константин, Никита, Николай, Павел, Александра, Клавдия, Нина, Серафима

Именины 18 ноября 2018
Гавриил, Галактион, Григорий, Памфил, Тимофей, Тихон

Госці краін
free counters
Партнеры сайта