Авторизация
 

У Чэраскім сельскім Доме культуры

 У Чэраскі сельскі Дом культуры з нядаўняга часу ходзяць не толькі на рэпетыцыі і канцэрты. З энтузіязмам вясковыя дзяўчаты і жанчыны займаюцца ёгай.

Сабака, жаба, дрэва, стралец… Гэтыя словы для аматараў ёгі ма- юць іншае значэнне. Так называюцца статычныя практыкаванні. Дакладней сказаць, асаны. Выконваць іх спачатку складана, а пасля прыемна. Цела становіцца больш падцягнутым і гібкім, галава ачышчаецца ад негатыўных думак.

БУДНІ дзень. Амаль дзесяць гадзін раніцы. У фае Чэраскага СДК дзве дзяўчынкі-школьніцы і дзве дарослыя жанчыны. Прыйшлі на гурток ёгі.


— Усяго гурткоўцаў шаснаццаць. У першай палове дня многія на працы. З імі заняткі ў сем вечара, — расказвае дырэктар СДК Сняжана Аксёнава. — Сустракаемся тройчы на тыдзень. Па аўторках і чацвяргах дзелімся на дзве групы, у нядзелю вечарам займаемся ўсе разам. Уваход свабодны, заняткі бясплатныя.


На сцэне рассцілаем дыванкі і прыступаем да заняткаў. Вялікі плюс ёгі — спакой і ніякіх рэзкіх рухаў. Плаўна становімся ў кожную асану. Заміраючы на 30-40 секунд у прынятай позе, адчуваеш, як расцягваюцца мышцы. Для адной асаны — па чатыры падыходы. Дыханне спакойнае. Практыкаванні прадуманы так, што “прачынаюцца” ўсе групы мышц. Здзіўляе, што затрымацца ў статычнай позе — таксама значная і ў дадатак прыемная фізічная нагрузка.


— Сваё цела трэба даглядаць, трымаць яго ў тонусе, — заўважае падчас заняткаў Сняжана Мікалаеўна. — Не перажывайце, калі не ўсё адразу атрымліваецца. З часам вынікі будуць паляпшацца.


ГУРТОК ёгі дзейнічае ў СДК з пачатку ліпеня. Пастаянныя наведвальніцы ўжо заўважылі станоўчыя змяненні.


— Пасля заняткаў адчуваю лёгкасць у целе і на душы, — расказвае 54-гадовая Ірына. — Раней спрабавала займацца ёгай дома з дапамогай інтэрнэту. Але штораз перашкаджалі тэрміновыя справы. Ды і нецікава адной. Таму выбрала гурток. За месяц пазбавілася ад трох кілаграм і спіна перастала балець.


— Мне 66 год, на ёгу прыйшла за здароўем, — заўважае Ала. — Перасталі непакоіць суставы, і ўвогуле самаадчуванне палепшылася.
Летняй парой у вёсцы не так проста знайсці час для сябе. Аднак сяльчанкі пераконваюць, што гэта магчыма. Галоўнае — жаданне. Да таго ж заняткі ёгай — дадатковая крыніца энергіі.


 ДЫРЭКТАР Чэраскага СДК Сняжана Аксёнава рада, што новы гурток для вяскоўцаў стаў цікавым і карысным. Прызнаецца, не чакала такой колькасці наведвальнікаў.


— Касцяк гурткоўцаў склалі ўдзельніцы клуба “Суседачкі”, што дзейнічае пры ўстанове. Затым спрацавала “сарафаннае радыё”. Далучыліся іншыя сяльчанкі, некалькі чалавек з Міёр прыязджаюць, — расказвае яна. — Як і любое іншае хобі, ёга мае прыхільнікаў і наадварот. Асабіста мне вельмі падабаецца. Займаюся дзе- сяць месяцаў. Штораніцы па 45 хвілін на пусты страўнік. Пазбавілася ад дзесяці кілаграм, навучылася прасцей глядзець на праблемы. З упэўненасцю магу сцвярджаць, што ёга падцягвае цела і разгружае галаву.


ЦАЛКАМ згодна са словамі субяседніцы. Нават пасля першых заняткаў з’явілася лёгкасць у целе і да канца дня захоўваўся пазітыўны настрой. Цяпер дакладна ведаю, з чаго пачынаць свой дзень. 

Фотаматэрыял аўтара.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 88 763
  • 0

Інвестыцыйны форум

  • 23 сентябрь 2011, 10:05
  • 61 534
  • 1

Пераброддзе 2012. Погляд вучонага

  • 31 август 2012, 15:19
  • 29 270
  • 0

  • 11 февраль 2011, 11:20
  • 28 101
  • 0

Кандыдатамі жадаюць стаць

  • 21 август 2012, 15:30
  • 27 742
  • 0

Злавілі рыбку, ды… залатую

  • 28 февраль 2011, 16:16
  • 24 406
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 16 719
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 сентября 2018
Александр, Илья, Корнилий, Леонтий, Лукьян, Николай, Петр, Степан, Юлиан

Именины 25 сентября 2018
Алексей, Даниил, Иван, Николай, Федор, Юлиан, Афанасий, Семен

Госці краін
free counters
Партнеры сайта