Авторизация
 

Лялькі — адзін з брэндавы вырабаў Дзісенскага гарадскога Дома рамёстваў

 Лялькі-сувеніры з Дзісенскага гарадскога Дома рамёстваў раз’язджаюцца па розных беларускіх гарадах і замежжы.


Доўгая льняная каса, какошнік з атласнымі стужкамі, блакітныя вочкі і акуратныя чырвоныя вусны, белая блузка з дэкаратыўнымі элементамі, каляровая камізэлька і доўгая спадніца ў клетку. Вось асноўныя штрыхі да партрэта лялькі-Дзіснянкі — брэнда самага маленькага горада Беларусі і Міёрскага раёна.

— Лялек завём і дзіснянкамі, і міярчанкамі. Мы хоць і знаходзімся ў Дзісне, аднак на абласных святах, на выставах у іншых гарадах прадстаўляем Міёрскі раён. Таму ў лялек два імені, — удакладняе дырэктар Дзісенскага гарадскога Дома рамёстваў Алена Балаш.


ГІСТОРЫЯ лялек пачалася ў 2013 годзе. Перад майстрамі паставілі задачу стварыць брэнд Дзісны. Яны вырашылі, што гэта будзе лялька.

 Першыя атрымаліся вышынёй 15 сантыметраў. Асновай для тулава служылі шпулькі ад швачных нітак, а галава — тэнісны шарык.


— Закупіць спецыяльныя матэрыялы не маглі, таму карысталіся тым, што пад рукой. Са шпулькамі, сінтэпонам, абрэзкамі тканіны дапамагала былы кіраўнік мясцовага цэха “Віцябчанкі” Ганна Воюш, — расказвае Алена Фадзееўна. — Пасля замест шпулек паспрабавалі выкарыстоўваць трубкі з-пад алюмініевай фольгі, харчовай плёнкі і да т.п., а тэнісныя шарыкі замянілі на тканіну. Для цвёрдасці некалькі разоў апрацоўвалі клеем. Малявалі твар спецыяльнымі фарбамі.


 У БРЭНДА Дзісны і Міёрскага раёна першы юбілей. За пяць год лялька падрасла. З невялікай сувенірнай дзяўчынкі ператварылася ў статную прыгажуню. Як гавораць стваральнікі, разам з лялькай расло і іх майстэрства. Дадавалі новыя дэталі. Ёсць у калекцыі лялькі з каромыслам, з вяночкамі на галаве і ў хусцінках.


Дзісенскі сувенір цяпер часта прысутнічае на важных раённых мерапрыемствах. Нядаўна дзесяць лялек-міярчанак падарылі гасцям, якія ўдзельнічалі ў адкрыцці новай раённай бальніцы. Яшчэ раней уручылі падарунак на памяць дэлегацыі з Егіпта, што наведвалася ў раён. Ёсць такія лялькі ў Латвіі.


 ДЫРЭКТАР Дома рамёстваў заўважае, што над вырабам брэнда працуе ўвесь калектыў. Знутры лялька цяпер драўляная. На спецыяльным станку выточвае галаву і тулава Уладзімір Майсяёнак. Фігуру стварае Наталля Валенцік. Яна шые камізэльку і кашулю, апранае ляльку. Спадніца і дэкор усяго строю – справа Людмілы Ганебнай. Косы заплятае Алена Балаш. На словах усё хутка і проста. На справе, каб зрабіць адну ляльку, патрэбны цэлы працоўны тыдзень.


 Нядаўна калекцыя лялек з Дзісны адправілася на конкурс народнай цацкі і лялькі “Забава”, які праходзіць у Віцебску з 27 чэрвеня да 31 ліпеня. Наш брэнд ацэняць госці “Славянскага базару”.


Прадставіць сваю прадукцыю Дом рамёстваў на свяце горада. У творчым багажы — лялькі, тэкстыльныя цацкі, тканыя паясы, журавінавыя пацеркі, купальскія вянкі і шмат іншых вырабаў ручной работы.


ДАРЭЧЫ. Лялькі — не адзіны брэндавы выраб Дзісенскага гарадскога Дома рамёстваў. Сюды можна аднесці журавінавыя пацеркі з тканіны. Па словах майстроў, на экалагічным свяце “Жураўлі і журавіны Міёрскага краю” на гэтае ўпрыгожванне звяртаюць асаблівую ўвагу. Цікавяцца тканымі паясамі. Зараз распрацоўваюць яшчэ адзін дзісенскі брэнд – гіпсавыя магніцікі з выявай ладдзі. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 641
  • 0

Інвестыцыйны форум

  • 23 сентябрь 2011, 10:05
  • 56 846
  • 1

Пераброддзе 2012. Погляд вучонага

  • 31 август 2012, 15:19
  • 25 144
  • 0

Кандыдатамі жадаюць стаць

  • 21 август 2012, 15:30
  • 24 529
  • 0

  • 11 февраль 2011, 11:20
  • 23 997
  • 0

Злавілі рыбку, ды… залатую

  • 28 февраль 2011, 16:16
  • 21 140
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 578
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июля 2018
Александр, Дмитрий, Николай, Федор

Именины 20 июля 2018
Герман, Лукьян, Павел, Сергей, Евдокия

Госці краін
free counters
Партнеры сайта