Авторизация
 

Урачыстыя праводзіны Масленіцы адбыліся ў Міёрах

 Святочныя мерапрыемствы  ў праграме праводзін зімы і ўшанавання Масленіцы прайшлі ў Дзісне ў суботу, 17 лютага, на рыначнай плошчы. Дырэктар гарадскога Цэнтра культуры Аляксей Астукевіч па тэлефоне расказаў:

 — Свята выклікала цікавасць гараджан, сабралася шмат людзей не толькі дзеля пакупак. Вядома, індывідуальныя прадпрымальнікі і работнікі гандлю прывезлі свае тавары і пяклі традыцыйныя гарачыя бліны. Культарганізатар Галіна Мялешка таксама кіравалася нашай абраднасцю, арганізавала конкурсы і гульні, загадвала загадкі. З поспехам выступіла вакальная група "Дзісенчукі". Як заўсёды, давялося спяваць мне з сынам Данілам, паасобку і разам. Заўсёды карыстаецца сімпатыяй слухачоў і гледачоў дуэт Ядвігі Ганебнай і Людмілы Тарубаравай. Дружныя апладысменты заслужыў танцавальны калектыў "Натхненне" пад кіраўніцтвам мастацкага кіраўніка Наталіі Астукевіч. Дырэктар спартыўнай школы Валерый Дуброўскі арганізаваў спартыўныя спаборніцтвы па перацягванні каната, штурханні гіры, выяўленні мацнейшых у баях мяшкамі, у хакейным матчы. Пераможцы атрымалі прызы. Дзяцей і дарослых каталі на санях два вазкі з УП "Цвеціна". Кульмінацыйны момант — спальванне пудзіла Зімы. Адным словам, Дзісна святкавала гучна і весела.


 У райцэнтры свята праходзіла ў нядзелю, 18 лютага, на плошчы перад рынкам. Паступова сюды сабраліся выбаршчыкі, якія толькі што наведалі ўчасткі для галасавання. Абмяркоўвалі перадвыбарныя праграмы і персаналіі кандыдатаў у мясцовыя Саветы. Пры гэтым не абдзялялі ўвагай гандлёвыя рады, што пачына-ліся не такімі частымі выездамі некаторых прадпрыемстваў і арганізацый. Дзісенскі лясгас прапаноўваў па даволі прывабных цэнах мёд, і літровыя слоікі паступова разышліся; нядоўга прастаяла машына з бярозавымі дрывамі. Газавікі рэалізоўвалі пажыўныя грунты для агароднікаў і кветкаводаў. Фірма "Капіталдрэўпрадукт" расхвальвала стол з натуральнай бярозы, хаця прапаноўвала і іншае — плінтусы, рэйкі, дошкі. Драўляную мэблю, дошкі, агаловак для калодзежа можна было набыць і ў індывідуальнага прадпрымальніка Ільі Цімафеева.


 Святочныя праграмы "Гурмана" з прадукцыяй мясакамбіната і хлебазавода з уласнымі вырабамі мы рэкламавалі загадзя. Iх рэалізацыя зацікавіла спажыўцоў. Народ тоўпіўся не толькі ля палаткі з гарачымі блінамі і дэгустацыяй каўбас ды вяндліны. Вабілі гарачая каша ад райспажыўтаварыства, майстар-клас па афармленні пірожных і тартоў, свежыя пончыкі, навінкі выпечкі. Прапаноўвалі ўласныя вырабы народныя ўмельцы.


 Рытмічным танцам пачалі праграму культработнікі. Ля мікрафона расказваў пра падтрымку ўмелых гаспадароў Хатнік-Дамавы, казачныя персанажы апраналі ляльку-Масленіцу, рэйд правёў Дзед Мароз. Свае правы Зіма перадала Вясне. Выступалі спевакі, моладзь і дзеці вадзілі карагоды. Пачаліся конкурсы і забавы. Пасля іх разгарнуліся жартаўлівыя і даволі сур'ёзныя спартыўныя спаборніцтвы.
Заключным момантам сталі ўрачыстыя праводзіны Масленіцы. 

Больш здымкаў у фотаальбомах груп "Міёрскія навіны" ў сацыяльных сетках https://ok.ru/merskyanav

https://vk.com/club93032809

https://www.facebook.com/groups/Groups.miory/

Фота Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 153
  • 0

Інвестыцыйны форум

  • 23 сентябрь 2011, 10:05
  • 65 390
  • 1

Пераброддзе 2012. Погляд вучонага

  • 31 август 2012, 15:19
  • 32 030
  • 0

  • 11 февраль 2011, 11:20
  • 30 829
  • 0

Кандыдатамі жадаюць стаць

  • 21 август 2012, 15:30
  • 30 137
  • 0

Злавілі рыбку, ды… залатую

  • 28 февраль 2011, 16:16
  • 26 871
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 164
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 октября 2018
Авраам, Ефим, Константин, Максим, Петр, Яков

Именины 21 октября 2018
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Госці краін
free counters
Партнеры сайта