Авторизация
 

Тэатральна-харэаграфічнае аддзяленне Міёрскай школы мастацтваў

 Тэатральна-харэаграфічнае аддзяленне Міёрскай дзіцячай школы мастацтваў роўна напалову маладзей за саму ўстанову. Яму споўнілася 25 год. Выхаванцы тэатральна-харэаграфічнага адзялення ДШМ — пастаянныя ўдзельнікі гарадскіх і раённых мерапрыемстваў. Штораз юныя танцоры ўносяць у святочную канву яркія фарбы і пластычныя рухі. За гэтым стаіць нястомная праца педагогаў і дзяцей.

У танцы самае складанае — усмешка
ПРАСТОРНЫ кабінет на першым паверсе з вялікімі люстэркамі і поручнямі уздоўж сцен. Педагог Наталля Варанько вядзе ўрок народнага танца ў шостым класе. У агульнаадукацыйнай школе яе вучаніцы — сямі-васьмікласніцы.
— Усе памятаюць, што трэба зрабіць пасля блінчыкаў, каб перайсці на пераскок? — пытаецца настаўніца.


Дзяўчаты дружна ківаюць і па чарзе кружацца па зале, расставіўшы рукі ўбокі і перабіраючы нагамі.
НА УРОКУ можна пачуць шмат цікавых выразаў, сэнс якіх зразумелы толькі самім танцорам. "Трымаць сябе лакцямі", "пакруціць блінчыкі", "не спісваць з чужых ног", "трымаць кропку". Блінчыкі на мове харэаграфіі — танцавальны рух. Трымаць кропку азначае на штосьці арыентавацца, каб не збіцца з траекторыі.


На заняткі дзяўчаты прыходзяць штодня, нягледзячы на шэсць-сем урокаў у звычайнай школе. Гавораць, што музыка і рух праганяюць негатыўныя эмоцыі, прымушаюць забыцца на непрыемнасці. Адзначаюць, што самае складанае ў танцы — усмешка.
ВУЧАНІЦЫ малодшай групы пагаджаюцца, што танцаваць і ўсміхацца — няпроста. Асабліва падчас выступлення на сцэне. Пакуль у іх звычайны ўрок класічнага танца з Аляксандрай Катышавай. Замест прывітання — паклон. Затым паўтарэнне асноўных рухаў.
— Танец — гэта прыгожа, — адказвае юная танцорка на пытанне пра абранае захапленне.
— Мне на сцэне выступаць падабаецца, — дадае другая.
— Праз танец можна адлюстраваць свае пачуцці, — усміхаецца трэцяя.

 Сем нот для танцора
У ГЭТЫМ навучальным годзе ў тэатральна-харэаграфічным аддзяленні 128 выхаванцаў.
— Набіраем дзетак з шасці год. Дзейнічае падрыхтоўчая студыя для маленькіх танцораў ад чатырох год. Цяпер дзесяць груп. У кожнай свая назва — "Дзьмухаўцы", "Задорынкі", "Тапатушкі" і іншыя, — расказвае загадчыца аддзялення Аляксандра Катышава. — За сем год навучання дзеці двойчы здаюць экзамены. Перавадны пасля чацвёртага класа і выпускны — у сёмым. Згодна з вучэбнай праграмай, павінны ведаць усе віды танцаў. І тэарэтычна, і на практыцы.


У РАСКЛАДЗЕ заняткаў — асновы класічнага танца, гісторыка-бытавы танец, гісторыя харэаграфічнага мастацтва, народна-сцэнічны танец. Да таго ж, выхаванцы аддзялення вывучаюць музычную грамату і на выбар музычны інструмент. Як правіла, большасць аддае перавагу фартэпіяна.


Аляксандра Яраславаўна падрабязней знаёміць з прадметамі вучэбнай праграмы. Становіцца зразумелым, што нумары, з якімі выступаюць дзіцячыя калектывы—толькі вяршыня харэаграфічнага айсберга.


— Асновы класічнага танца — для дзяцей навука складаная. Між тым, гэта як сем нот у музыцы. Ведаеш іх — будзеш якасна іграць і спяваць. Так і з танцам. Трэба вучыцца цягнуць насок пад вызначаным вуглом, прыгожа адводзіць руку, правільна трымаць спіну і так далей. Гісторыка-бытавы танец — прадмет пазнавальны. Вывучаем віды танцаў, пачынаючы ад 16 стагоддзя. Не толькі рухі, але і танцавальныя касцюмы, — расказвае педагог. — Дзецям найбольш падабаюцца сучасныя танцы. Іх няма ў праграме. Ідзём насустрач выхаванцам і знаходзім час для заняткаў. Пасля ўрокаў рыхтуемся да канцэртаў. Вельмі ўдзячны бацькам, што адпускаюць дзяцей на дадатковыя рэпетыцыі.
Разам з класічнымі і сучаснымі танцамі ў харэаграфічнай скарбонцы беларускія народныя "Лявоніха", "Крыжачок", "Бульба", усе разнавіднасці полькі, рускія "Барыня", "Калінка" і "Кадрыль", украінскі "Гапак".


КОЖНЫ ТАНЕЦ — не да аўтаматызму завучаныя рухі і не дзяжурная ўсмешка. Гэта працяглая работа, жаданне вучыцца, перамога над сабой. Гэта асалода, якую адчуваеш, калі рух і музыка зліваюцца ў адзінае гарманічнае цэлае.


— Танец выхоўвае працавітасць, вынослівасць, дысцыплінуе і вучыць заўважаць тых, хто побач з табой, — гаворыць Аляксандра Катышава. — Танцавальны нумар доўжыцца тры з паловай хвіліны. Рыхтуемся да выступлення ад трох да шасці месяцаў. Заўсёды прыемна, калі гучаць апладысменты.

 Час у рытме танца
ХУТКА і незаўважна, як канцэртны нумар, пралятаюць дні ў настаўнікаў тэатральна-харэаграфічнага аддзялення. На чарговым выпускным ім зноў не верыцца, што са школай развітваюцца ўчарашнія першакласнікі.


Для некаторых выхаванцаў танец становіцца прафесіяй. Ганарацца ў школе Леанідам Сарокіным, удзельнікам ансамблю танца, музыкі і песні "Талака". Любаваліся яго выступленнем на сёлетнім мерапрыемстве да дня работнікаў сельскай гаспадаркі. Павіншаваць родную школу з юбілеем прыязджала выкладчык харэаграфіі Браслаўскай дзіцячай школы мастацтваў Лідзія Блажэвіч.


ПАМЯТАЮЦЬ калегі былую загадчыцу аддзялення Святлану Касцюкевіч. Нямала год вучылі дзетак танцам цяперашнія галоўны спецыяліст аддзела ідэалагічнай работы, культуры і па справах моладзі райвыканкама Наталля Пяткевіч і супрацоўніца раённага аддзела па надзвычайных сітуацыях Вольга Платонава (Савейка). У сталіцы працягвае харэаграфічную справу Марына Драба.


— Кожны педагог вылучаўся прафесійным майстэрствам, пакінуў у школе часцінку сваёй душы, — адзначае Аляксандра Яраславаўна.
ЦЯПЕР у тэатральна-харэаграфічным аддзяленні трое выкладчыкаў. Танцавальныя вопыт і стаж Аляксандры Катышавай і Наталлі Варанько вымяраюцца не адным дзясяткам год і сотнямі выступленняў. Юлія Лабуць — малады спецыяліст.


Можна не сумнявацца, што ў новым годзе выхаванцы і педагогі тэатральна-харэаграфічнага аддзялення не раз парадуюць гледачоў яркімі і запамінальнымі нумарамі. З сінхроннымі рухамі і шчырымі ўсмешкамі. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 82 932
  • 0

Інвестыцыйны форум

  • 23 сентябрь 2011, 10:05
  • 47 590
  • 1

Кандыдатамі жадаюць стаць

  • 21 август 2012, 15:30
  • 21 028
  • 0

Пераброддзе 2012. Погляд вучонага

  • 31 август 2012, 15:19
  • 20 226
  • 0

  • 11 февраль 2011, 11:20
  • 19 102
  • 0

Злавілі рыбку, ды… залатую

  • 28 февраль 2011, 16:16
  • 18 215
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 070
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 января 2018
Галактион, Илья, Макар, Петр, Татьяна

Именины 24 января 2018
Виталий, Владимир, Иосиф, Михаил, Николай, Степан, Терентий, Федор

Госці краін
free counters
Партнеры сайта