Авторизация
 

Дырыжор і выкладчык Міёрскай школы мастацтваў Зінаіда ПУЧКОЎСКАЯ

 Ёй было 25, калі прызначылі дырэктарам музычнай школы. На руках дыплом сталічнай кансерваторыі (сучасная акадэмія музыкі), у працоўнай кніжцы — чатыры гады выкладання ў Дзісне, наперадзе — стварэнне калектыву "Мёрыца", будаўніцтва новай школы, сотні заняткаў і дзясяткі канцэртаў. 

Дырыжор дзіцячага хору і выкладчык сальфеджыа Зінаіда Іванаўна ПУЧКОЎСКАЯ аддае перавагу жывой музыцы і лічыць, што развіццё музычнага слыху пачынаецца з матулінай калыханкі.

У ХАРАКТАРЫ Зінаіды Іванаўны ёсць доля здаровага авантурызму. Інакш наўрад ці напярэдадні выпускнога дзясятага класа з роднай вёскі Іст паехала б да старэйшага брата ў Бурацію.


 — Брат — ваенны, служыў у горадзе Кяхта. Гэта на граніцы з Манголіяй. Прапанаваў год пажыць разам з яго сям'ёй,—расказвае субяседніца. — Пра той час засталіся цёплыя, светлыя ўспаміны. Шмат сяброў знайшла. Цяжкасці з вучобай узнікалі, аднак школу амаль на адны "пяцёркі" скончыла.


Куды аднесці атэстат, ведала дакладна. З малых гадоў падабалася спяваць, быць на сцэне. У сям'і любілі музыку. Тата і чацвёра з пяцярых дзяцей асвоілі двухрадны гармонік. Маці — актыўная ўдзельніца калектыву "Іставіца". Старэйшая сястра вучылася ў Наваполацкім музычным вучылішчы. Туды паступіла і Зінаіда. Іншай справы для сябе не бачыла.


ПЕРШЫ выкладчыцкі вопыт набывала ў музычнай школе ў Дзісне. Завочна вучылася ў кансерваторыі ў Мінску. У 1983 годзе атрымала дыплом і павышэнне — пасаду дырэктара Міёрскай музычнай школы. Памятае, як вясной у класах стаяла вада, што капала на падлогу са столі, дошкі прагіналіся ад сырасці. Напрыканцы васьмідзясятых пачалі ўзводзіць новы будынак школы. У студзені 1992 года справілі наваселле, а ў лістападзе святкавалі 25-годдзе ўстановы, якая ўжо называлася школай мастацтваў. Будаўніцтва прыпала на пераломны гістарычны момант. Распад Савецкага Саюза, эканамічныя цяжкасці.


 — Калі б не паспелі да 1992 года, напэўна, праект замарозілі. Не хапала будаўнічых матэрыялаў. З цяжкасцю даставалі мэблю ў класы, шторы на вокны, — успамінае Зінаіда Іванаўна. — Думалі, як аздобіць калідоры, каб яны выглядалі эстэтычна і ўтульна. Дапамаглі фантазія і ўмелыя рукі Баляслава Чарняўскага. Люстэркі і дошчачкі надалі памяшканням прывабнасць.


У няпростыя 90-я дырэктар школы мастацтваў ездзіла на цягніку ў Маскву за домрамі. Хапіла смеласці папрасіць з раённага бюджэту чатыры тысячы долараў на канцэртны баян. Інструмент служыць і цяпер.


— Нельга сказаць, што мне было складана, а цяпер усё проста. Любы час мае свае праблемы і цяжкасці, — заўважае Зінаіда Іванаўна.
У 2006-м ГОДЗЕ перадала дырэктарскія паўнамоцтвы Баляславу Чарняўскаму. Засталіся сальфеджыа, дзіцячы хор і ансамбль "Мёрыца", які ўжо меў званне народнага пасля перамогі ў рэспубліканскім конкурсе вакальна-харавых калектываў.


— Думкі пра творчы калектыў былі з першых год дырэктарства, — гаворыць субяседніца. — Спачатку спявалі акапэльна невялікай групай. Затым пазнаёмілася з пастаўскім калектывам "Паазер'е" і вырашыла, што трэба стварыць падобны ў нас. Першая назва "Світанак" хутка змянілася на "Мёрыцу". Касцяк склалі педагогі школы. Спявалі з намі Людміла Войтава, Сяргей Філіпаў, Леанід Мятла і іншыя самадзейныя артысты горада. Выконвалі беларускія народныя, эстрадныя і нават польскія кампазіцыі. "Мёрыцу" можна назваць аб'яднаннем энтузіястаў. Матэрыяльных выгод удзельнікі практычна не мелі.


ЦЯПЕР Зінаіда Пучкоўская выходзіць на сцэну толькі з дзіцячым хорам. Дазволіць сабе хваляванне не можа. Інакш яго адчуюць выхаванцы. Настройвае сябе, што ўсё атрымаецца і дзеці праспяваюць на выдатна.


Скептычна ставіцца да фанаграм. Лічыць, што музычная культура выхоўваецца перш-наперш праз акапэльныя спевы і інструментальны акампанемент. Упэўнена, што маленькім дзеткам абавязкова трэба спяваць калыханкі. Жывы голас развівае музычны слых, у той час як штучная музыка яго калечыць.


 СВАІМ унукам — двухгадоваму Андрэю і на год малодшаму Арсенію — калыханак праспявала шмат. Разам з дачкой Ганнай, на два галасы. Аня прадоўжыла маміну справу. Скончыла музычнае вучылішча ў Наваполацку. Вышэйшую адукацыю атрымала ў сталічным педуніверсітэце імя М.Танка. З водпуску па доглядзе за дзіцяці маладога педагога чакаюць у Наваполацкай музычнай школе.


У Зінаіды Пучкоўскай вучыліся Марына і Насця Філіпавы. Калегамі выкладчыцы сталі Святлана Атопкіна і Яўгенія Баговіч. Высокія балы ў наваполацкім вучылішчы ў Жэні Шук. Звязаць прафесію з харавым дырыжыраваннем плануе Даша Каралькова.


— Дзеці, якія праходзяць поўны курс навучання ў школе мастацтваў — мэтанакіраваныя і адказныя. Нагрузка вялікая. Трэба і ўрокі рыхтаваць, і творчасцю займацца, — заўважае педагог.


СПЕВЫ дзяцей Зінаіда Іванаўна слухае не толькі на ўроках. Вольным часам уключае дома песні ў выкананні дзіцячых хораў. Сочыць за праектамі "Сіняя птушка" і "Талент краіны". Музыка для яе — любімы занятак, прыемны адпачынак, пастаянны спадарожнік. 

Фотаматэрыял К. БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 530
  • 0

Інвестыцыйны форум

  • 23 сентябрь 2011, 10:05
  • 49 587
  • 1

Кандыдатамі жадаюць стаць

  • 21 август 2012, 15:30
  • 21 874
  • 0

Пераброддзе 2012. Погляд вучонага

  • 31 август 2012, 15:19
  • 21 188
  • 0

  • 11 февраль 2011, 11:20
  • 20 066
  • 0

Злавілі рыбку, ды… залатую

  • 28 февраль 2011, 16:16
  • 18 848
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 653
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 февраля 2018
Василий, Геннадий, Иван, Иннокентий, Петр, Тихон

Именины 21 февраля 2018
Александр, Андрей, Захар, Макар, Петр, Сергей, Степан, Федор, Семен

Госці краін
free counters
Партнеры сайта