Авторизация
 

Не ныць і не тужыць умеюць міёрскія бажэнаўцы

 Клуб "Бажэна" не мае патрэбы ў паслугах тамады. Тут умеюць ладзіць запамінальныя і цёплыя сустрэчы, дзе кожны адчувае сябе ва ўтульным коле сяброў. "Бажэнаўцы" мелі тры нагоды сабрацца разам у лістападаўскі дзень. Па-першае, наведаць асенні кірмаш. Па-другое, павіншаваць імяніннікаў. І галоўнае — адзначыць юбілей сяброўкі-актывісткі Анастасіі Лукоўскай.

АСЕННІ кірмаш справілі супрацоўнікі цэнтральнай бібліятэкі. Ролі скамарохаў удаліся Святлане Матэленак і Вользе Арцімовіч. Бойкімі гандлярамі зарэкамендавалі сябе Вольга Федуковіч і Алена Галавіна. Прапаноўвалі дары восені, натуральныя і кансерваваныя, кандытарскія вырабы, хусцінкі. Гандаль ператварыўся ў аўкцыён. Хвілін праз пятнаццаць усё распрадалі.


ЗА ВЯСЁЛЫМ і шумным кірмашом "бажэнаўцы" забыліся на традыцыйны гімн, з якога пачынаюцца пася-джэнні. Між тым музыка, песні і вершаваныя радкі сталі пастаянным фонам сустрэчы. Прысвячаліся музычныя і паэтычныя віншаванні імянінніцам лістапада, добрым сяброўкам Рэгіне Аланцьевай і Анастасіі Лукоўскай. "Замечательные люди в мир приходят в ноябре", — гэта пра іх.


 БОЛЬШ ЗА трыццаць год прысвяціла дзецям Рэгіна Васільеўна. Да яе ў групу ў садок №1 ахвотна прыводзілі бацькі сваіх сыночкаў і дачушак. Адказнасць і арганізатарскія здольнасці дапамагаюць у правядзенні пасяджэнняў "Бажэны". Штораз аматарка кулінарыі радуе сытнымі ласункамі. "З першай сустрэчы ў клубе заўважыла, што арганізатар тут Рэгіна Ва-сільеўна. Усіх бачыць, да кожнага падыдзе," —ахарактарызавала сяброўку Ала Смерцьева. Віншаванні сыпаліся на імянінніцу градам цёплых слоў і прыемных падарункаў.


ЛАВІНАЙ накрылі сюрпрызы юбілярку Анастасію Лукоўскую. Трэба заўважыць, што імені ў яе два. Анастасія — па дакументах, Надзея — для блізкіх і сяброў. Прыгожай і пазітыўнай, ёй не трэба ўтойваць свой узрост. Да пашпартных 70 год далёка. Раздзяліць радасць з Анастасіяй Ермалаеўнай прыехалі сяброўка з Мінска, стрыечная сястра з Лёзна, прыйшлі былыя калегі. Колішняя старшыня раённага Савета дэпутатаў Раіса Парфёненка прыгадала першую сустрэчу: "Я была маладым спецыялістам у калгасе "Кастрычнік". Неяк размаўлялі пра жаночую прыгажосць, а наш вадзіцель кажа: "Самая прыгожая жанчына працуе ва ўпраўленні сельскай гаспадаркі і харчавання". Калі Анастасія Лукоўская прыехала з праверкай, усе глядзелі на яе з вакна. Заўважылі вадзіцелю: "Густ у цябе ёсць." Каб хто сказаў тады, што шмат год мы будзем працаваць поплеч".


ПРЫГАЖОСЦЬ, знешняя і ўнутраная, ветлівая ўсмешка і святло ў вачах па-ранейшаму ўласцівы Анастасіі-Надзеі. Сяброўкі падрыхтавалі для яе шмат падарункаў, цікавых, жартоўных, ад душы. У вобразе султана віншаваў юбілярку Мікалай Федуковіч, вясёлыя танцы паказалі Галіна Конанава, Ніна Федуковіч і Рэгіна Аланцьева. Яшчэ ад "Бажэны" — медаль "Заслужаны юбіляр" і стракаты альбом з фотаздымкамі, куды загадзя ўпісалі пажаданні ўсе ўдзельнікі клуба. Аформіць гэты падарунак дапамаглі бібліятэкары.


Фінальнай песняй сустрэчы стаў хіт Газманава "Просто надо жить". Простыя словы прыпеву: "Просто будем жить… жить и не тужить… никогда не ныть… надо просто жить". Так "Бажэна" і жыве.

Фотаматэрыял аўтара.

Кацярына РЫНКЕВІЧ. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 692
  • 0

Інвестыцыйны форум

  • 23 сентябрь 2011, 10:05
  • 90 632
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта