Авторизация
 

Заўсёды ў творчым пошуку

Всегда в творческом поиске У росквіце сіл, поўная энергіі, аптымізму і творчых задум сустрэла юбілей настаўнік матэматыкі вышэйшай катэгорыі СШ №3 Людміла Францаўна Якаўлева, таленавіты чалавек, майстар сваёй справы. "Мая задача — не толькі растлумачыць хітраспляценні матэматычнай навукі. Яна значна шырэйшая — выхоўваць чалавечнасць, вучыць дзяцей самастойна думаць", — кажа жанчына і менавіта ў гэтым бачыць сваё прызначэнне.

 

Малая радзіма Людмілы Францаўны — вёска Лявонаўцы нашага раёна, дзе ў маі 1958 года яна з'явілася на свет у сям'і механіка МТС в. Клётаў Двор Франца Уладзіміравіча і настаўніцы беларускай мовы і літаратуры Клаўдзіі Сямёнаўны Мацук.

Клаўдзія Сямёнаўна пасля заканчэння Аршанскага настаўніцкага інстытута па размеркаванні прыехала працаваць на Міёршчыну. Вучыла роднай мове і літаратуры школьнікаў Ніўніцкай і Каменполлеўскай сямігодак, Міёрскіх СШ №2 і СШ №3.

 

Вы калі-небудзь заўважалі, што калі ў сям'і хто-небудзь працуе настаўнікам, то ўсё жыццё родных круціцца вакол яго работы? Магчыма таму ўжо ў раннім дзяцінстве быў вызначаны будучы выбар прафесіі Людмілы Францаўны.

У Лявонаўцах дзяўчына закончыла пачатковую школу. Але і цяпер яна ўзгадвае яе і сваю першую настаўніцу з цеплынёй у сэрцы. Вучобу прадоўжыла ў СШ №2, і менавіта ў гэтай школе яна атрымала шчаслівы білет у жыццё. Сям'я тады жыла ў Клётавым Двары, і на заняткі дзяўчынка хадзіла разам з маці, якая там працавала. Пазней пераехалі ў Міёры, дзе атрымалі жыллё.

 

У школе Люда была старшынёй савета атрада, членам савета дружыны піянерскай арганізацыі. Да гэтага часу памятае трапяткі і ўрачысты момант уступлення ў камсамол.

Пасля выпускнога балю сумненняў наконт выбранай прафесіі не было: ішла па шляху маці. Пяць гадоў паспяховай вучобы на фізічным факультэце Віцебскага дзяржаўнага педагагічнага інстытута імя С. М. Кірава праляцелі імгненна. Прычым, удзельнічала і ў грамадскім жыцці, паездках на сельгасработы, турпаходах і студэнцкіх "капусніках". На трэцім годзе вучобы выйшла замуж за аднакурсніка. І вось ужо больш за 30 год ідзе па жыцці разам з Юрыем Генадзьевічам — каханым мужам і клапатлівым бацькам. З дыпломам настаўніка фізікі і матэматыкі Людміла Францаўна разам з другой «палавінкай» прыязджаюць у родныя мясціны. З таго часу ў яе працоўнай кніжцы толькі адзін запіс — Міёрская СШ №3.

 

Матэматыка… Многія лічаць, што гэта сухая мова лічбаў, пэўныя азначэнні, строгія аксіёмы і тэарэмы. Аднак на кожным уроку Людміла Францаўна пераконвае вучняў у тым, што гэта навука можа быць захапляльнай і займальнай, "прыгожая сваёй прастатой", а ўменне знайсці рашэнне цяжкай задачы — сапраўднае мастацтва. Яе ўрокі не звычайныя, а кожны — як творчы пошук і радасць адкрыццяў.

Настаўніца стварае праблемныя сітуацыі, прапануе вучням заданні, якія патрабуюць не простага ўзнаўлення ведаў, а ўмення знаходзіць пераканаўчыя доказы, розныя спосабы і метады.

 

Людміла Францаўна ніколі не спыняецца на дасягнутым. У сваёй рабоце яна пастаянна выкарыстоўвае дасягненні сучаснай педагагічнай навукі, праводзіць заняткі з элементамі развівальнага і дыферэнцыраванага навучання, рэалізуе міжпрадметныя сувязі. Шмат гадоў настаўніца працавала ў класах з паглыбленым і павышаным узроўнямі вывучэння матэматыкі. Надае вялікую ўвагу таленавітым вучням. Высокі прафесіяналізм, дасканалае веданне матэматыкі і вера ў здольнасці дзяцей дапамагаюць ёй штогод адкрываць новыя "зорачкі". Сістэмны падыход у рабоце з высокаматываванымі школьнікамі дае вынік — яны становяцца прызёрамі раённых матэматычных алімпіяд, паспяхова выступалі на абласных, перамагалі ў навукова-практычных канферэнцыях.

 

Заняткі Людміла Францаўна праводзіць на базе створанага ёю кабінета матэматыкі, багатае прадметна-развівальнае асяроддзе якога дазволіла заняць першае месца ў раённым аглядзе-конкурсе прадметных кабінетаў.

Людмілу Францаўну паважаюць калегі, вучні і іх бацькі за інтэлігентнасць, добразычлівасць, аптымізм, а галоўнае — за прафесіяналізм і адданасць той справе, якой яна служыць. Настаўніца імкнецца быць цікавай дзецям, вучыць іх сябраваць, быць шчырымі ў адносінах адзін да аднаго. Вясёлая, энергічная, яна заўсёды разам са сваімі выхаванцамі — і на мерапрыемствах, і на суботніках, і на экскурсіях.

 

Жанчына актыўная ў прафсаюзным жыцці школы, выступае на спаборніцтвах па шашках.

Дзеці Людмілы Францаўны таксама выбралі педагагічныя спецыяльнасці.

"Годнасць чалавека вызначаецца тым, якім шляхам ён ідзе да мэты, а не тым, ці дасягнуў ён яе", — сцвярджае Абай Кананбаеў, казахскі паэт, філосаф, мысліцель. Менавіта гэтаму і вучыць сваіх вучняў Людміла Францаўна Якаўлева, з'яўляецца для іх прыкладам і адкрывае шлях у няпростае дарослае жыццё.

Паважаная Людміла Францаўна, хай яшчэ доўга ляцяць над Вашым лёсам гады-птушкі,  скідаючы вясною і восенню цёплае пер'е жыццёвай стойкасці, здароўя, светлага настрою і поспеху.

 

І. КАШКУР,

намеснік дырэктара

па вучэбнай рабоце.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 530
  • 0

Злавілі рыбку, ды… залатую

  • 28 февраль 2011, 16:16
  • 93 109
  • 0

Інвестыцыйны форум

  • 23 сентябрь 2011, 10:05
  • 90 149
  • 1

  • 11 февраль 2011, 11:20
  • 43 252
  • 0

Пераброддзе 2012. Погляд вучонага

  • 31 август 2012, 15:19
  • 42 668
  • 0

Кандыдатамі жадаюць стаць

  • 21 август 2012, 15:30
  • 36 714
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 817
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 31 октября 2020
Андрей, Гавриил, Давид, Иван, Иосиф, Николай, Сергей, Юлиан, Елизавета, Семен

Именины 30 октября 2020
Александр, Анатолий, Андрей, Антон, Иосиф, Кузьма, Леонтий, Сергей

Госці краін

free counters
Партнеры сайта