Авторизация
 

Святкаванне ў Міёрах 100-годдзя камісіі па справах непаўналетніх

 Святкаванне 100-годдзя камісіі па справах непаўналетніх. Так вызначылі тэму пасяджэння службы, якая цэлы век змагаецца за радасці дзяцінства. Звычайна на пасяджэннях КСН размаўляюць у строгіх танах, прызначаюць штрафы за правапарушэнні, прымаюць рашэнні забраць дзяцей у нядобранадзейных бацькоў. На гэта раз усё было па-іншаму. 

Адбылася ўрачыстасць у тэрытарыяльным цэнтры. Запрасілі былых супрацоўнікаў КСН, выхаванцаў школы мастацтваў і артыстаў РДК.


 14 СТУДЗЕНЯ 1918 ГОДА Дэкрэт Савета Народных Камісарыятаў зацвердзіў камісію па справах непаўналетніх. Перад службай стаяла няпростая і важная задача — клапаціцца пра дзяцей і падлеткаў, ратаваць іх ад жорсткасці і зла. Мінула сто год. Галоўны арыенцір не змяніўся. Па-ранейшаму ёсць дзеці, якія маюць патрэбу ў абароне сваіх правоў. У нашым раёне 129 хлопчыкаў і дзяўчынак з 61 сям'і знаходзяцца ў сацыяльна небяспечным становішчы. Пра гэта расказала намеснік старшыні камісіі па справах непаўналетніх райвыканкама Сафія Цыркіна.


У ЯКІ КОЛЕР афарбаваны будні КСН? Яны бываюць светлымі, калі з прытулку вяртаюцца дадому дзеці, калі сям'ю здымаюць з уліку нядобранадзейнасці, калі ўдаецца дастукацца да свядомасці бацькоў. За гэтым стаіць пастаянная, бесперарыўная, нават кругласутачная праца.


Старшыня раённага Савета дэпутатаў Марыя Баніфатава добра ведае ўсе адметнасці работы камісіі і заўважае, што тут няма месца для абыякавасці:


 —Перажывалі за дзяцей, прапускалі праз сябе кожную сітуацыю. А як па-іншаму?
За супрацоўніцтва падзякавала членам камісіі — педагогам, медыкам, праваахоўнікам, работнікам культуры, кіраўнікам грамадскіх аб'яднанняў — намеснік старшыні райвыканкама Таццяна Стальмачонак. Раённую службу захавальнікаў дзяцінства яна ўзначальвае з 2014 года.


 ЗАСЛУЖАНЫ дадатак да добрых слоў і пажаданняў — узнагароды. Ганаровую грамату раённага Савета дэпутатаў атрымала галоўны спецыяліст аддзела адукацыі, спорту і турызму Валянціна Пятрова. Райвыканкам адзначыў высокай узнагародай добрасумленную работу дырэктара Дзісенскай СШ Таццяны Ромель і педагога сацыяльнага Чапукоўскай ДС-СШ Алены Летахіцкай. Удзячнасць райвыканкама аб'яўлена намесніку старшыні КСН Сафіі Цыркінай і яе папярэдніцы Вользе Чапулёнак. А таксама былым работнікам службы — галоўнаму спецыялісту аддзела адукацыі, спорту і турызму райвыканкама Чаславе Віктараўне Васюцёнак, намесніку старшыні КСН Ніне Міхайлаўне Федуковіч.


Ад раённай камісіі па справах непаўналетніх атрымалі ўзнагароды дырэктары Туркоўскай ДС-СШ Святлана Максіменка і Сіцькоўскай — Аксана Шараг, намеснік начальніка ўпраўлення па працы, занятасці і сацыяльнай абароне райвыканкама Ірына Іванова, урач-педыятр ЦРБ Любоў Ажаль, былы інспектар ІСН РАУС Уладзімір Андруковіч.


СВЯТОЧНАЯ зала поўнілася цёплымі ўсмешкамі і віншаваннямі, успамінамі пра нялёгкія працоўныя будні і добрымі пажаданнямі, шчодрымі апладысментамі. На развітанне прагучала песня "Ветер перемен". Як надзея на лепшае, якую камісія па справах непаўналетніх не мае права страціць. 

Фота аўтара.

Кацярына РЫНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 83 518
  • 0

Інвестыцыйны форум

  • 23 сентябрь 2011, 10:05
  • 49 423
  • 1

Кандыдатамі жадаюць стаць

  • 21 август 2012, 15:30
  • 21 829
  • 0

Пераброддзе 2012. Погляд вучонага

  • 31 август 2012, 15:19
  • 21 141
  • 0

  • 11 февраль 2011, 11:20
  • 20 018
  • 0

Злавілі рыбку, ды… залатую

  • 28 февраль 2011, 16:16
  • 18 835
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 11 644
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 февраля 2018
Александр, Анатолий, Арсений, Василий, Дмитрий, Иван, Максим, Севастьян, Юлиан, Кристина, Мария, Марфа

Именины 18 февраля 2018
Антон, Макар, Михаил, Александра, Василиса

Госці краін
free counters
Партнеры сайта