Авторизация
 

Сувязная 4-й Беларускай партызанскай брыгады Глафіра Качан адзначыла юбілей

 Мінулыя гады не сцёрлі з памяці Глафіры Васільеўны Качан яркія старонкі барацьбы з ворагам, падрабязнасці партызанскага быту, баёў і паходаў. 15 студзеня 95-годдзе адзначыла актыўная ўдзельніца падпольнага камсамольскага руху і партызанскага супраціўлення захопнікам у гады Вялікай Айчыннай вайны на Міёршчыне Глафіра Васільеўна Качан. З юбілейнай датай яе павіншавала намеснік старшыні райвыканкама Таццяна Стальмачонак. Пажадала заставацца такой жа аптымістычнай, адкрытай для зносін з цяперашняй моладдзю. Уручыла ветэрану Ганаровую грамату раённага выканаўчага камітэта.

За плячыма ветэрана цяжкі шлях, мноства выпрабаванняў, што звязаны з вялікай рызыкай для жыцця. Аднак у суровыя гады яны не зламілі ў барацьбе з ворагам камсамолку-патрыётку.


Падзякаваў Глафіры Васільеўне за тое, што ў час сустрэч, выступленняў у СМІ па-ранейшаму даносіць праўду жыцця да моладзі і дарослых, кіраўнік раённай ветэранскай арганізацыі Часлаў Кашкур. Ён прыйшоў да былой падпольшчыцы з прывітальным адрасам і сувенірамі ад калег. Да пажаданняў здароўя далучыўся раённы ваенны камісар Сяргей Жабёнак і прыпаднёс юбілярцы кветкі.


Сапраўды, у такім паважаным узросце здароўе цэніцца больш за ўсё. Толькі мінулыя гады не сцёрлі з памяці Глафіры Васільеўны незабыўныя старонкі барацьбы з ворагам, падрабязнасці партызанскага быту, баёў і паходаў. Ва ўспамінах яна дакладная і пунктуальная. Гэта яшчэ раз пацвердзіла размова гасцей з гаспадыняй за кубачкам гарбаты.


 Варта нагадаць, што Глафіра Васільеўна ўваходзіла ў склад адной з першых на тагачаснай Дзісеншчыне падпольных камсамольскіх арганізацый, якая ўтварылася ў Мікалаёўскім сельсавеце ў жніўні 1941 года. Яе двойчы арыштоўвалі і жорстка дапытвалі. Вясной 1943-га стала сувязной партызанскага атрада "Кастрычнік", а потым—сувязной і разведчыцай 4-й Беларускай партызанскай брыгады. Разам з іншай моладдзю шукала для лясных салдат зброю, удзельнічала ў баях, хадзіла ў разведку ў населеныя пункты з варожымі гарнізонамі, што не менш небяспечна. Па яе дадзеных праведзена некалькі ўдалых баявых аперацый, у тым ліку дыверсія непасрэдна ў Дзісне. Глафіра Васільеўна цудам ацалела ў час апошняй нямецкай карнай экспедыцыі, што пачалася ў маі 1944-га. Яе спецыяльна шукалі, выратаваў падрыхтаваны партызанамі дакумент на іншае прозвішча. Аднак потым ёй у поўнай меры давялося пазнаць няволю ў гітлераўскіх канцлагерах.


Глафіру Васільеўну Качан з поўным правам можна называць падпольшчыцай, сувязной, партызанкай. Аднак сама пра сябе яна кажа—была агентурнай разведчыцай.

На здымку: Здымак на памяць у дзень юбілею—Глафіра Васільеўна з унучкамі Аленай і Аксанай, намеснік старшыні райвыканкама Таццяна Стальмачонак, старшыня раённага Савета ветэранскай арганізацыі Часлаў Кашкур і раённы ваенны камісар Сяргей Жабёнак. 

Фотаматэрыял Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 880
  • 0

Інвестыцыйны форум

  • 23 сентябрь 2011, 10:05
  • 90 664
  • 1

  • 11 февраль 2011, 11:20
  • 43 639
  • 0

Пераброддзе 2012. Погляд вучонага

  • 31 август 2012, 15:19
  • 42 720
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 4 декабря 2020


Именины 3 декабря 2020
Александр, Алексей, Анатолий, Арсений, Василий, Владимир, Григорий, Емельян, Иван, Иларион, Иосиф, Исаакий, Макар, Николай, Анна, Татьяна, Фекла

Госці краін

free counters
Партнеры сайта