Авторизация
 

Міярчанін Аляксандр Ніўчык з дрэва робіць Казку

Миорчанин Александр Нивчык из дерева делает СказкуАсіна, ліпа, ясень, дуб, елка, сасна... Для кагосьці проста дрэвы, для міярчаніна Аляксандра Ніўчыка—рабочы матэрыял. Ад важкіх бярвенняў, калі здымаецца кара, з падворку гаспадара даносіцца прыемны водар. Як толькі цурбаны высыхаюць, разьбяр прымаецца за справу.

 

Миорчанин Александр Нивчык из дерева делает СказкуКалі сам не можаш трапіць у казку, пастарайся наблізіць яе да сябе,—кажа Аляксандр і дэманструе альбом фотаздымкаў добра знаёмых персанажаў. Заяц і Воўк, Чапаліна, Дзедка і рэпка, Бабка і курачка-рабка, паштальён Печкін і Кот Матроскін з Прастаквашына, Беласнежка і сем гномаў, Рыбалоў і Паляўнічы, а таксама сеньёр Памідор, выразаны з дрэва ўмелымі рукамі майстра. Гэтыя кампазіцыі рыхтаваў па заказе адміністрацыі дзіцячага санаторыя "Расінка". У маляўнічыя краявіды ля возера Абстэрна цудоўна ўпісваюцца казачныя фігуры Аляксандра Ніўчыка. Першым вырабам-кракадзілам ужо каля сямі гадоў. Пакрысе на радасць дзецям і персаналу ўстановы з'яўляліся іншыя фігуры. Найбольш уражваюць героі з Аляксандра Пушкіна "Казка пра цара Салтана"—33 волаты з дзядзькам Чарнаморам, яны устаноўлены летась.


—Вышыня самай вялікай фігуры каля двух з паловай метраў. Для вырабу ўсяго атрада спатрэбіліся 34 тоўстыя бервяны, якія апрацоўваў некалькі месяцаў розным рамесніцкім інструментам,—расказвае Аляксандр.


Миорчанин Александр Нивчык из дерева делает СказкуПадарыў майстар вырабы і дзіцячаму садку №1 у Міёрах, за што шчыра ўдзячна загадчыца дашкольнай установы Рыма Дзярко. Дзякуючы старанню і творчасці Аляксандра Васільевіча на гульнявой пляцоўцы з'явіўся вожык, прыгожы грыбок і іншае.
—Разьба па дрэве захапляе настолькі, што неўпрыкмет для сябе адточваецца майстэрства,—падкрэс-лівае Аляксандр Ніўчык.—Авалодаў азамі ў мастацкім вучылішчы. Першы раз узяў у рукі разцы па прыкладзе старэйшага брата. Ён працаваў у міліцыі, а ў вольны час захапляўся разьбой. Менавіта брат парэкамендаваў асвоіць творчую спецыяльнасць.


Миорчанин Александр Нивчык из дерева делает СказкуПасля вучылішча хлопца прызвалі ў армію. Але ён хутка аднавіў майстэрскі спрыт. Некалькі месяцаў шчыраваў у нямецкай фірме, дзе з драўляных нарыхтовак выразаў галовы аленяў і лосяў, якіх экспартавалі за мяжу. Затым у родных мясцінах, а родам ён з Валынская вобласці, што ва Украіне, выкладаў працоўнае навучанне ў васьмігадовай школе. Там і каханне спаткаў. Аднойчы трапіў на вечарыну да знаёмай. Сярод гасцей была і беларуска Люба Шэлест са Столінскага раёна. Праз пэўны час яна стала жонкай украінскага хлопца, паехалі жыць у Брэст. Дзесяць год здымалі кватэру. Некаторыя скептычна кажуць: не лёс вызначае жыццё чалавека, чалавек яго стварае. Аляксандру прымаць пэўныя рашэнні даводзілася самому, але пры гэтым заўсёды ўзнікалі нейкія абставіны, якія моцна ўплывалі на канчатковы вынік. У Брэсце нават не меркаваў, што адтуль пераселіцца на далёкую Міёршчыну. Прыехаў неяк з сям'ёй пагасцяваць да жончыных родзічаў Кавальскіх. І ціхі, прыгожы куточак лёг на душу.
Миорчанин Александр Нивчык из дерева делает СказкуЗ Любай ацанілі магчымасць купіць у Міёрах уласны дом, рашылі застацца. Сядзіба на беразе возера. Участак немалы, ёсць месца, дзе гаспадарыць. З агарода ўсё сваё. Зрабілі кветнікі. Пабудавалі прасторны гараж, які выкарыстоўваецца і для складавання цурбаноў. Ёсць лазня, дзе ўсё зроблена рукамі Аляксандра. Побач—прасторная майстэрня са шматлікімі інструментамі, нават узімку ў ёй зручна працаваць. У руках гаспадара вострае лязо з лёгкасцю выбірае палоскі і ямкі на вельмі цвёрдым цурбане.


Некаторыя думаюць, што дастаткова навучыцца трымаць у руках інструмент і дрэва адразу скарыцца. Перш чым з-пад разца выйдзе штосьці талковае, трэба вывучыць асаблівасці і ўласцівасці матэрыялу, бо кожны гатунак драўніны патрабуе "сваёй" апрацоўкі.


Миорчанин Александр Нивчык из дерева делает Сказку—Ліпы і асіна больш мяккія, лёгка паддаюцца разьбе ва ўсіх напрамках. Пачаткоўцам лепш трэніравацца на іглічных пародах (елка,сасна) альбо на бярозе. Дуб і ясень больш цвёрдыя і на выраб фігур з іх спатрэбіцца ўдвая больш часу,—адзначае рамеснік. Барэльефная і гарэльефная разьба дапамагаюць дасягнуць лепшай выразнасці форм і больш багатай гульні святлаценю. Пры гэтым мала дасканала валодаць інструментам, неабходна мастацкае ці скульптурнае разуменне выразаемых форм. Галінка вінаграду, вожык ці якая-небудзь іншая істота павінны атрымлівацца максімальна падобнымі да натуральных.


У Аляксандра і Любові двое дзяцей, у кожнага асабістая творчая жылка. Дачка Юля любіць танцаваць, нярэдка на раённай сцэне выступала. Аднак прафесію выбрала нятворчую—вучыцца ў Гомельскім медуніверсітэце. Сын Арцём—школьнік. Цікавіцца разьбой па дрэве і ўжо спрабуе працаваць самастойна. Аднак бацька пільна кантралюе працэс, бо разцы небяспечныя: адзін неасцярожны рух і можна застацца без пальцаў.
На пытанне, ці хапае сродкаў заплаціць падатак за рамесніцкую дзейнасць, Аляксандр заўважае, што ён невялікі. На думку майстра важна самому атрымліваць задавальненне ад зробленага і іншым дастаўляць радасць. Быць творцам—гэта асаблівасць душы, бо не ўсім дадзена здольнасць быць татамі Карламі і "ажыўляць" драўляныя цурбаны.


Эліза БЛАЖЭВІЧ.
Фота К. БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта