Смотр-конкурс школ Миорщины

gazeta 1-11-2016, 15:16 0 Грамадства

Cёлета ў раённым аглядзе-конкурсе на лепшае добраўпарадкаванне тэрыторый і памяшканняў устаноў адукацыі прынялі ўдзел 21 школа і дзіцячыя садкі. Увогуле ўсе гарадскія і сельскія, сярэднія і базавыя, акрамя Слабадской ДС-БШ, дзіцячыя яслі-сады і сады.

У кожнай установе ўладкоўваліся двары і будынкі намаганнямі педагагічных, вучнёўскіх і бацькоўскіх калектываў, звычайна пры падтрымцы арганізацый-шэфаў, папячыцельскіх саветаў. Прадастаўленыя матэрыялы сведчаць пра вялікія намаганні ў СШ №3, Чапукоўскай, Павяцкай, Язненскай, Сіцькоўскай, Мілашоўскай, Узмёнскай, Завуццеўскай школах, садках райцэнтра і Язна. Вось таму вызначыць лепшых для журы

было няпростай задачай.

Вынікі

Пераможцам раённага агляду-конкурсу сярод гарадскіх школ прызнана ДУА "Міёрская сярэдняя школа №3 імя Героя Савецкага Саюза Ягора Андрэевіча Томкі".

Сярод сельскіх сярэдніх—ДУА "Чапукоўская дзіцячы сад-сярэдняя школа".

Сярод базавых—ДУА "Мілашоўская дзіцячы сад-базавая школа".

Сярод дашкольных устаноў— ДУА "Міёрскі яслі-сад №1".

Гэтыя ўстановы адукацыі ўзнагароджаны Граматамі аддзела адукацыі, спорту і турызму.

Адзначана вялікая работа па навядзенні парадку ў Павяцкай і Сіцькоўскай ДС-СШ, Язненскай СШ, Узмёнскай і Завуццеўскай ДС-БШ. З мэтай удасканалення арганізацыі агляду і надання яму новых магчымасцяў прапанавана правесці ва ўстановах адукацыі конкурсы на лепшы праект па добраўпарадкаванні з удзелам настаўнікаў, вучняў, бацькоў і прадстаўнікоў шэфаў. А раённы агляд-конкурс працягваецца.

Аляксандр ЖУК, начальнік

аддзела адукацыі, спорту і турызму райвыканкама.

Фота К. БЛАЖЭВІЧА.

Жалоба