У рамках акцыі "За бяспеку разам" на Міёршчыне

Для правядзення растлумачальнай работы створана раённая міжведамасная група, якую ўзначальвае намеснік старшыні райвыканкама Леанід Лясовіч. Яго намеснікі—начальнік раённага аддзела па надзвычайных сітуацыях Сяргей Слізень і часова выконваючы абавязкі начальніка раённага аддзела ўнутраных спраў Андрэй Патапенка. Распрацаваны графік выездаў у кожны сельсавет раёна. У склад рэйдавых груп абавязкова ўваходзяць супрацоўнікі РАНС і РАУС, а таксама старшыні сельскіх Саветаў.

Разам са станам праводкі і прыбораў ацяплення ўдзельнікі рэйдаў звернуць увагу на гатоўнасць сем'яў да зімы, умовы пражывання дзяцей і іншыя моманты, ад якіх залежаць бяспека і добранадзейнасць. 

Нагадаем, рэспубліканская пажарна-прафілактычная акцыя "За бяспеку разам" стартавала ў краіне 17 кастрычніка і працягнецца да 11 лістапада.