Сёлета першай павіншавалі маладую маці Дзіяну Казачонак з Дзісны. 12 кастрычніка яна нарадзіла дачушку. Дзяўчынка з'явілася на свет вагой у 3400 кг і ростам 52 см.

—Імя выбіралі разам з мужам,—гаворыць шчаслівая матуля.—Назвалі Златай, бо нарадзілася ў залатую асеннюю пару. Гэта наша другое дзіця. Старэйшай дачушцы Соні тры з паловай гады. 

Начальнік аддзела загса Вольга Галімбоўская і галоўны спецыяліст Вольга Пашкоўская ўручылі маці першы дакумент дачушкі—пасведчанне аб нараджэнні—і віншавальную паштоўку. Прадстаўнік раённай арганізацыі ГА "Белая Русь" Ганна Ліскова—падарунак для нованароджанай. 

Далей накіраваліся ў палату да Яўгеніі Жыгалка. У калысцы спала маленькая Анечка, што нарадзілася 11 кастрычніка. Дома ў Браславе чакае маму і сястрычку старэйшы сынок Кірыл, якому хутка споўніцца два гады.

Усяго ў радзільным аддзяленні 14 кастрычніка знаходзілася 8 жанчын. Усіх павіншавалі са святам, пажадалі здароўя ім і дзеткам.

Старшая акушэрка Жанна Сцефановіч заўважыла, што першая палова кастрычніка не вельмі багатая на немаўлят, толькі трое дзетак нарадзілася. Затое напрыканцы месяца ў медперсаналу чакаюцца напружаныя дні. У верасні ў сценах радзільнага аддзялення з'явілася на свет 12 немаўлят.