Авторизация
 

Эдуард Цярэшка кіруе ўласным аўтасэрвісам "Дзвіна"

+
Эдуард Терешко управляет собственным автосервисом "Двина"Эдуард Цярэшка кіруе ўласным аўтасэрвісам "Дзвіна". Там не толькі рамантуюць тэхніку, але і займаюцца лесаапрацоўкай. Акрамя таго, прадпрымальнік славуты прыдарожнай кавярняй "Эдэм" і адной з лепшых аграэкатурыстычных баз у вобласці "Мазурны бераг". Намаганнямі Эдуарда Цярэшкі ў Дзісне пастаўлена гармата як напамін пра ваенны час. Аўтапрабег па месцах баявой славы таксама праходзіць пад чуйнай арганізацыяй мясцовага актывіста. Эдуард Казіміравіч вырашае і гарадскія пытанні, бо з’яўляецца намеснікам старшыні гарвыканкама. 

Эдуард Терешко управляет собственным автосервисом "Двина"Адразу размова зайшла пра гармату. Некаторыя дзісенцы адгукаюцца пра яе ўзвядзенне адмоўна. Маўляў, на тым месцы гуляюць дзеці, колісь стаяла царква. 
—Гармату 44-га года, якая ўдзельнічала ў баях, прывёз з-пад Мінска, з пасёлка Станькава. Тры разы з'ездзіў у сталіцу, каб аформіць дакументы, дазвол падпісаў міністр абароны. Напачатку планавалі паставіць на мяжы Міёрскага і Полацкага раёнаў, дзе кавярня "Эдэм". Там праходзілі вялікія баі. Цяпер тая тэрыторыя назавецца вёскай Дзісенскі Рубеж. Але захацелася прывабіць увагу турыстаў, гасцей да нашага горада, і вырашылі ўстанавіць гармату ў Дзісне. З'явіліся негатыўныя думкі. Але ж… харошая дзіцячая пляцоўка атрымаецца ля пажарнага паста. Стэла разбуралася, таму цяпер заменена на гранітны камень. Хачу яшчэ ўстанавіць танк, а па цэнтры самалёт Міг-17 або 19. 
Эдуард Цярэшка родам з Дзісны, з часам толькі за мост пераехаў. Па спецыяльнасці Інжынер-механік і педагог. Выкладаў аўтасправу ў Дзісенскай СШ, вучэбна-вытворчым камбінаце, быў там завучам. 

Эдуард Терешко управляет собственным автосервисом "Двина"16 гадоў кіруе ўласным аўтасэрвісам "Дзвіна". Напачатку тут рамантавалі толькі калгасную тэхніку, потым і з прыватнай сталі рабіць "цукерачкі". Нямала віртуоз вырасціў вучняў, якія адчынілі ўласныя аўтарамонтныя майстэрні, шынамантаж. І сам трымаў руку на пульсе. Калі лясгас перастаў займацца дрэваапрацоўкай, насельніцтва не магло купіць дошкі. Вось і ўзяўся за справу. Адкрыў цэх, стварыў рабочыя месцы. І выйшаў на 1-е месца ў вобласці па выніках у гэтай сферы за 2008 год. Набыў два "Уралы", лесавозы, прычэп для выязнога гандлю. Прымяркоўвае да гаспадарчых патрэб ваенную тэхніку. 

У 2008-м гасцей стала прымаць сядзіба Цярэшкі "Мазурны бераг", што ў вёсцы Мазурына праз прасёлак ад шасэ. Названа па сугуччы з лазурным берагам, сусветна вядомым французскім курортам. Хоць заморскія мясціны вельмі далёкія па геаграфічных мерках з нашымі, затое падобныя ў задаволенні людзей, якія ведаюць толк у прыемным баўленні часу. Пабывалі тут не толькі расіяне і беларусы, але італьянцы, шведы…

Эдуард Терешко управляет собственным автосервисом "Двина"Месца для сваёй сядзібы гаспадар выбраў невыпадкова, любіў яго з маленства, завіхаўся тут з бацькам на сенакосе, з сябрукамі купаўся, лавіў рыбу ў рацэ.Купіў напачатку хатку ў вёсцы, адбудаваў яе, дадаў фантазіі і творчасці. Потым яш-чэ хатку, і яшчэ. Канечне, клопатаў прынесла нямала, затое  цяпер цэлы казачны падворак красуецца ў занадта маляўнічым кутку. Кожны домік асаблівы. У адным—руская печка, у другім—камін, у трэцім—лесвіца вядзе на другі паверх, адкуль адкрываюцца цікавыя пейзажы. Увесь інтэр'ер натуральны-драўляны. Ад гэтага пачуваецца тут надта камфортна, здарова. Бярвеністыя ці дашчаныя сцены, дубовыя ложкі. Стыльны лот, дарожкі, мангал, кацёл для юшкі, горка з незвычайных камянёў, дзе кожны нешта нагадвае: зуб акулы, капыл—калодку для пашыву абутку ці маршрут павозкі Напалеона па Заходняй Беларусі, які збягаў пасля паражэння ў 1812 годзе. Гаспадар звяраў сам—супадае адзін у адзін. 

Побач з "Мазурным берагам" цячэ Заходняя Дзвіна. Незвычайныя краявіды ў любую пару года. На сядзібе да паслуг адпачывальнікаў маецца ваенны кацер на 34-х чалавек. Бачылі б задавальненне беларускай групы "Дразды" падчас вандроўкі на ім па Дзвіне. Здаецца, не каталіся, а луналі па прасторах бязмежнага паветра… 

Па характары Эдуард Казі-міравіч дзейсны і гаспадарлівы. Не па чутках ведае сялянскую працу. Восьмае дзіця ў сям'і, бацькі гадавалі дзевяць. У самога адзін сын, цяпер у Наваполацку, па спецыяльнасці эканаміст. У Дзісне гаспадар жыве разам з жонкай, яна на заслужаным адпачынку, працавала інжынерам-тэхнолагам на кансервавым заводзе. Дзісенскі ініцыятар не стаіць на месцы, знаходзіць выйсце з любой сітуацыі, рухаецца наперад, заробленыя грошы па максімуму стараецца ўкласці ў справу. Цікавіцца вопытам калег. Атрымаў дадатковую адукацыю па арганізацыі і папулярызацыі турызму. Праз тое, што крочыць у нагу з часам, адпачывальнікаў у турыстычным пасёлку хапае—прыкладна 30 чалавек у месяц. 

—Кампаніямі?—пытаюся. 
—Толькі невялікімі.
І прычым, як цвёрда для сябе зразумела, вельмі прыстойнымі. Цярэшка не трывае бруду, грэблівага абыходжання са сваімі пабудовамі. Так і на тэрыторыі аграсэрвіса "Дзвіна", дзе працуюць рабочыя—абсалютная чысціня. 
—Заўважце, ніводнага акурка. Я вельмі патрабавальны да парадку, эстэтыкі, акуратнасці. Усё павінна ляжаць на сваім месцы.
Не грэбуе фізічна папрацаваць і сам. Вось і перад нашай размовай вяртаўся на грузавіку з лесу. 
Летась гасцінна расчыніла дзверы пры шашы на мяжы Міёрскага і Полацкага раёнаў кавярня "Эдэм". 

Эдуард Терешко управляет собственным автосервисом "Двина"—Як узнікла такая задума?
—Усё проста. Уявіце, доўга едзеце, а прыпыніцца няма дзе, каб перакусіць, папіць кавы, нарэшце, адпачыць. 
У прыдарожным "Эдэме" нядаўна завершаны рамонт, праведзена газавае ацяпленне. Велічная пабудова звонку скрозь з камянёў. І плот—каменны, незвычайны. Эдуард Казіміравіч па ўсёй вобласці вышуквае і прывозіць на любімым ваенным "КрАЗе-255" вялізныя камяні. Некаторыя дасягаюць 17 тон, машына вытрымлівае 23. Паміж асілкамі растуць невялікія ялінкі. Магутнасць прыроды побач з зялёным хараством. 

Што да ваеннай тэхнікі, яе набывае на аўкцыёнах. Кажа, каштуе нядорага. Кацер, напрыклад, купіў за 15 мільёнаў. Яшчэ ў арсенале бронетранспарцёры, баявыя дэсантныя машыны, "Уралы", КамАЗ.
Да ўласнай паспяховасці Эдуард Цярэшка прыйшоў праз ініцыятыўнасць, дасканаласць, працавітасць і старанне. Дзейным заўсёды расчынены свет.

Алена БАСІКІРСКАЯ.
Фота К.БЛАЖЭВІЧА. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 084
  • 0

Інвестыцыйны форум

  • 23 сентябрь 2011, 10:05
  • 84 378
  • 1

Злавілі рыбку, ды… залатую

  • 28 февраль 2011, 16:16
  • 77 332
  • 0

Пераброддзе 2012. Погляд вучонага

  • 31 август 2012, 15:19
  • 42 240
  • 0

  • 11 февраль 2011, 11:20
  • 40 698
  • 0

Кандыдатамі жадаюць стаць

  • 21 август 2012, 15:30
  • 36 399
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 538
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 февраля 2020
Георгий, Исаакий, Кирилл, Константин, Михаил, Рафаил, Федор

Именины 26 февраля 2020
Артемий, Василий, Владимир, Гавриил, Евгений, Иван, Леонтий, Мартин, Михаил, Николай, Павел, Тимофей, Анна, Вера, Зоя, Ирина, Светлана

Госці краін

free counters
Партнеры сайта
Сайт Президента Республики Беларусь Витебское областное управление МЧС Витебский областной исполнительный комитет Миорский районный исполнительный комитет СТО "Мегасервис" предлагает самые низкие цены на весь комплекс автоуслуг.