Канферэнцыя заслухала справаздачы старшыні, рэвізійнай і мандатнай камісій, сфарміравала кіруючыя органы абласной арганізацыі, абрала дэлегатаў на рэспубліканскую канферэнцыю. У абласны савет грамадскага аб'яднання і дэлегатам на рэспубліканскую канферэнцыю абраны старшыня Міёрскага раённага савета ветэранскай арганізацыі Ч.С. Кашкур. Дарэчы, Часлаў Станіслававіч за шматгадовую добрасумленную працу і значны асабісты ўклад ў развіццё ветэранскага руху, актыўны ўдзел у патрыятычным выхаванні моладзі ўзнагароджаны Ганаровай граматай абласнога Савета дэпутатаў.

Адразу пасля заканчэння канферэнцыі адбыўся арганізацыйны пленум наноў абранага абласнога савета  Беларускага  грамадскага аб'яднання ветэранаў. Яго старшынёй абраны палкоўнік у адстаўцы, былы начальнік аднаго з аддзелаў аблваенкамата Сяргей Іосіфавіч Альсевіч.