Авторизация
 

Час ад часу сніцца армія

8 верасня — Дзень танкіста

 

Время от времени снится армия
Здаецца, што кіраваць танкам вельмі складана. Такая вялізная машына! Тут і сіла патрэбна, і ўменне, і спрыт.

 

Усё там проста, гаворыць Аляксандр Пальчэх.

За рычагі танка ён упершыню сеў у 18 год. Было гэта ў 1995-м у Пячах. Туды на вучобу салдат-навабранцаў накіравалі адразу пасля прысягі.

 

Время от времени снится армия
— Нас вучылі танкамі ўпраўляць, — успамінае Аляксандр сваё "баявое хрышчэнне". — Хоць тады былі праблемы з палівам, аднак ездзілі мы даволі часта. Займаліся тэхнічным абслугоўваннем машын. Дзесьці каля паўгода ў Пячах былі, потым у сваю часць вярнуліся. Служыў я ў Полацку. Цяпер той вайсковай часці няма, расфарміравалі ў 2011-м. Раней на яе тэрыторыі знаходзілася база захавання тэхнікі.

 

Не так даўно Аляксандру зноў давялося сустрэцца з баявой машынай. На пачатку лета з саслужыўцам Уладзімірам Шульгой, з якім разам працуюць на камбікормавымзаводзе, былі на зборах у Лепельскім раёне. Займаліся абслугоўваннем тэхнікі: заменай паліва, тэхнічным мантажом. "Пракаціцца" на танку не давялося, але за рычагі патрымаўся.

— Столькі часу прайшло… З 1995-га па 2013-ы з танкамі справы не меў, — гаворыць былы танкіст. — Цяпер не так проста ўспомніць тыя даўно атрыманыя навыкі.

Са збораў Аляксандр і Уладзімір прывезлі асвежаныя ўспаміны пра армейскую службу, атрыманыя новыя ўменні і адчуванні і лісты-падзякі ад камандавання вайсковай часці за добрасумленныя адносіны да выканання пастаўленых задач.

 

Аляксандр прызнаецца, што Дзень танкіста не адзначае, але пра гэтую дату каляндара памятае.

— У нас не так, як у ВДВ, — гаворыць ён. — З саслужыўцамі адразу пасля арміі адносіны падтрымлівалі, а потым у кожнага свае справы з'явіліся — дом, сям'я, дзеці.

Такімі ж клопатамі заняты і сам Аляксандр. Яго сям'я — жонка Наталля і дачка-шасцікласніца Оля. Сваю другую палавінку сустрэў падчас армейскай службы. У адным са звальненняў пазнаёміўся з полацкай дзяўчынай Наташай. Вяселле згулялі праз чатыры гады, у 2000-м.

 

Прайшло ўжо амаль 17 год з таго часу, калі Аляксандр Пальчэх змяніў салдацкую форму на звычайнае адзенне. Але і цяпер час ад часу сніцца армія. Па словах былога салдата, тыя падзеі запамінаюцца на ўсё жыццё. А падаграваюць гэтыя ўспаміны фотаздымкі, якія захоўваюцца ў альбомах і памяці камп'ютара.

 

Фота з уласнага архіва. Далёкі 1995-ы ў Пячах.

 

Кацярына СУРАВЕЦ.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 июля 2021
Василий, Владимир, Петр

Именины 27 июля 2021
Иван, Ираклий, Константин, Николай, Петр, Степан, Федор

Госці краін

free counters
Партнеры сайта