Авторизация
 

нет заглавия на бел языке

У мінулае з настальгіяй

 

У кожнага з нас ёсць магчымасць параўнаць цяперашняе з мінулым. Вось і я хачу паразважаць пра ўзаемаадносіны бацькоў і дзяцей гадоў 30 таму і зараз. Тады вучні вучыліся больш старанна, паводзілі сябе лепш, бацькі прыходзілі на сходы ў школу, прыслухоўваліся да парад настаўнікаў. Цяпер паводзіны дзяцей так сабе, вучоба яшчэ горш, на бацькоўскія сходы не дазвацца, а для асобнай катэгорыі дарослых настаўнік стаў ворагам нумар адзін. 

 

Што ж здарылася?

Здаецца, праблема ў кожным з нас. Я разумею, што няма двух аднолькавых людзей, але ёсць аднолькавыя прынцыпы, на якіх трымаецца наша жыццё: дабрыня, любоў, павага, працавітасць. І ў першую чаргу менавіта бацькі з ранніх гадоў павінны прывіваць іх сваім дзецям.

 

Памяняліся адносіны людзей да жыцця. Як ні шкада, усё больш становіцца так званых прыстасаванцаў — тых, хто хоча нешта мець, і нічога не рабіць для гэтага. Раней нашы бацькі працавалі не менш, але і мы былі дагледжаны, і ўрокі вывучаны, і па дому паспявалі дапамагаць, і вольны час займалі карыснымі справамі. Цяпер, вядома, працаваць трэба не менш, асабліва на сяле, але ж дзеці часта ўрокі не вучаць, маюць неахайны знешні выгляд і вольны час на карысць не выкарыстоўваюць: гэтага не хачу, а тое не буду. У бацькоў на такую сітуацыю адказ адзін — некалі, амаль увесь час на працы, ды і адпачыць калісьці трэба. А свайго агародчыка нават не маюць.

 

Не разумею, як можна жыць у вёсцы і не мець нічога свайго, усё купляць у магазіне. Быў бы заробак нейкі завоблачны, ды не, звычайны. Вось і ўспамінаецца анекдот: у калгас прыязджае камісія і пытаецца чаму бульба не вырасла як у суседзяў, а ім у адказ — каб пасадзілі, дык і ў нас вырасла б. Ці не ўся прычына ў гэтым? Более сем’яў, дзе дзеці не прывучаны да працы, і грошай там заўсёды не хапае. Няўжо зноў вінаваты настаўнік?

 

Не падумайце, што ўсё так дрэнна. Ды не, пакуль не ўсё, але ж параўноўваючы з мінулым даводзіцца сцвярджаць, што і не так добра, як хацелася б.

Кожны чалавек — каваль свайго шчасця. Значыць, кожны з бацькоў куе шчасце свайму дзіцяці. І, на маю думку, яно не ў тым, каб дзіця было апранута ў супермоднае адзенне ці спажывала экзатычныя стравы. Асабіста я бачу сваё малеча шчаслівым тады, калі яно ўмее працаваць і цаніць вынікі свайго старання, паважае старэйшых, не крыўдзіць малодшых, прыйдзе на дапамогу. А галоўнае, каб усё гэта разумелі самі дзеці. Атрымаўшы ўсе названыя якасці ў сваім дзяцінстве, мне, здаецца, удалося стаць Чалавекам, за што вялікі дзякуй маім бацькам. Хочацца верыць, што праз колькі гадоў і мне, і многім іншым бацькам давядзецца пачуць словы падзякі ад сваіх дзяцей за тое, што дапамаглі ім стаць сапраўднымі людзьмі.

 

Кожны з бацькоў выхоўвае сваіх дзяцей так, як лічыць патрэбным. Галоўнае, каб за словам “выхаванне” не хавалася поўная яго адсутнасць. Бо нярэдка бывае, што бацькі і не ведаюць, чым займаецца іх дзіця, як праводзіць вольны час, што яго цікавіць.

Спадзяюся, што такая з’ява часовая, што паміж бацькамі і настаўнікамі наступіць поўнае ўзаемаразуменне, хаця б як у недалёкім мінулым.

 

М. ШЧАРБІЦКІ,

педагог сацыяльны ДУА  

“Слабадскі дзіцячы сад-базавая школа”.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 960
  • 0

Інвестыцыйны форум

  • 23 сентябрь 2011, 10:05
  • 83 332
  • 1

Злавілі рыбку, ды… залатую

  • 28 февраль 2011, 16:16
  • 74 515
  • 0

Пераброддзе 2012. Погляд вучонага

  • 31 август 2012, 15:19
  • 41 825
  • 0

  • 11 февраль 2011, 11:20
  • 40 310
  • 0

Кандыдатамі жадаюць стаць

  • 21 август 2012, 15:30
  • 36 348
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 499
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 января 2020
Галактион, Илья, Макар, Петр, Татьяна

Именины 24 января 2020
Виталий, Владимир, Иосиф, Михаил, Николай, Степан, Терентий, Федор

Госці краін

free counters
Партнеры сайта