Авторизация
 

Асцярожна, пляткар!

 Тэма далёка не з прыемных. Аднак літаральна прымусіла сябе ўзяцца за пяро. Палічыла за неабходнасць. Што ж, мяркуйце самі.


Давайце пракруцім у памяці час: мінулыя падзеі, стасункі, размовы. Напэўна, не памылюся, калі нагадаю, што хоць аднойчы, а хутчэй не раз і не два вам даво- дзілася чуць, як нехта ў размове спрабуе ліць бруд на галаву іншага чалавека. І добра, калі ў вас хапіла мужнасці абарваць гэты прыкры маналог, перапыніць, у рэшце рэшт змяніць тэму, павярнуцца і пайсці прэч. Не ў кожнага хопіць крытычнага аналізу, каб прапусціць пачутае праз фільтр розуму, рэальна ацаніць абстаноўку з уласнага пункту гледжання. Бясспрэчна адно – перад вамі тая асоба, якая жадае ўласна сцвердзіцца за кошт ганьбавання іншага чалавека, вобразна кажучы, растоптвання яго. І самае прыкрае, што такія асобы існуюць і заваёўваюць сімпатыю ў сабе падобных. Можна толькі здагадвацца пра тэматыку іх сяброўскіх размоў. Пачынаючы з надвор’я ды хвароб, яны міжволі акунаюцца ў родную для іх стыхію «перамывання касцей» суседзям ды агульным знаёмым. Толькі вось самі яны нічога ганебнага ў гэтым не бачаць, нават свядома дабавяць «смажаных» фактаў дзеля яскравасці і «праўдзівасці».


– А гэта людзі гавораць! – горача сцвярджае такая пляткарка. Хаця да ліку ўзгаданых людзей адносіцца яна сама, ды пару «паслухмяных» слухачоў, якія засумавалі ў плыні шэрых будняў па вострых сюжэціках. Толькі і сюжэцікі тыя больш надуманыя чым рэальныя. Рэальныя ж – нецікава, а вось «перапрацаваныя» – зусім іншая справа. Слодыч ад іх не толькі зацікавіць, а і пераканае ў «праўдзівасці». А гэта якраз тое, што трэба.
У лік слухачоў даводзілася трапляць і мне. У рэальным жыцці пазбегнуць такога немагчыма. Толькі вось усю пачутую інфармацыю аналізавала з крытычнага пункту гледжання. А праз гадзіну-другую забывалася аб тым канчаткова. Але ж «здольнасці» падобных інфарматараў павінны сур’ёзна насцярожваць, бо іх ілжывыя сведчанні спрацуюць абавязкова. Атмасфера варожых адносін паміж людзьмі будзе забяспечана, асабліва, калі пляткару гэтага вельмі хочацца. І няважна, што ахвяра нават не здагадваецца аб велічы прыпісанага ёй неіснуючага граху. Галоўнае, што пляткар адчувае сябе пераможцам.


Вядома і тое, што ідэальных людзей амаль не існуе. У кожнага могуць быць свае памылкі, слабасці. У такім выпадку варта далікатна, без прыцягнення ўвагі іншых асоб, у дастаткова мяккай форме ўказаць на пралікі, на тое, што неабходна выправіць. Але ні ў якім разе не прыніжаць годнасць чалавека, не крыўдзіць яго ў грубай форме. І зрабіць гэта трэба адзін на адзін, без ніякіх пасрэднікаў.
Ну, а калі ён гэтае папярэ- джанне прыме ў штыкі, то гэта ўжо яго праблема, яго ўзровень. І перашкаджаць яму ў тым не варта. Не ўсім жа дадзена зразумець рэальнасць так, як належыць.


Даўно мне спадабаўся трапны выраз: спрачаешся з дурнем – значыць, вас ужо двое.
І ўсё ж, асцерагайцеся пляткароў. Хай пачуты негатыў пра кагосьці не вельмі цешыць вас. Будзьце ўпэўнены, што ўжо заўтра гэты пляткар прыпаднясе «порцыю смажанага» менавіта пра вас камусьці іншаму.
Выснова адна: ніколі не імкніцеся зрабіць камусьці дрэнна. Міне час і жыццё расставіць усё па сваіх месцах.


Эвеліна БАГДАНОВІЧ

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 января 2022
Антон, Виктор, Георгий, Иван, Павел, Савелий, Антонина

Именины 29 января 2022
Иван, Максим, Петр, Неонила

Госці краін

free counters
Партнеры сайта