Авторизация
 

Новае жыццё ў абмен на вечкі

 Да праекта «Новая жизнь в обмен на крышечки» педагогі і выхаванцы Туркоўскай школы далучыліся ў 2018 годзе. З таго часу змайстраваныя сваімі рукамі кантэйнеры пастаянна напаўняюцца крышачкамі.

 

Выхавацель дзіцячага садка Алена Сташкевіч перыядычна тэлефануе ў рэдакцыю з добрай навіной:
– Мы зноў крышачак набралі. Забярыце, калі ласка, калі будзеце побач праязджаць.
У чарговы раз з Туркоўскай школы перадалі два поўныя пакеты другаснай сыравіны для праекта «Новая жизнь в обмен на крышечки».
Для збору крышачак Алена Мікалаеўна змайстравала дэкаратыўны кантэйнер, які размясцілі ў школьным калідоры. Цяпер выхаванцы дзіцячага садка, вучні, педагогі, тэхнічны персанал час ад часу спыняюцца ля яго і высыпаюць з далоняў ці пакецікаў прынесеныя з дому чыстыя крышачкі з-пад ёмістасцяў для харчовых прадуктаў ці касметыкі. Такім чынам кожны робіць свой унёсак і добрую справу.
– Гэта такая простая дапамога: узяў крышачку і прынёс яе ў школу, – гаворыць Алена Мікалаеўна. – «Новая жизнь в обмен на крышечки» – цікавы і патрэбны праект. Атрымліваюць дапамогу хворыя дзеці. Прырода будзе менш забруджанай. Можна сэканоміць нафту, з прадуктаў перапрацоўкі якой вырабляюць пластыкавыя крышачкі.

 
– Здаецца, крышачкі такія маленькія, а так хутка назапашваюцца, – дадае педагог-арганізатар Алена Лапіцкая, якая дапамагае курыраваць праект у школе.
Сабраную сыравіну не ўзважваюць. Для педагогаў і выхаванцаў важная не колькасць кілаграмаў, а магчымасць дапамагаць хворым дзецям і навакольнаму асяроддзю. У школе 64 вучні і 21 выхаванец у садку. Нават калі кожны прынясе па адной крышачцы – збярэцца пакецік. Далей – больш.
– Мы крышачкі ўсёй сям’ёй збіраем, – заўважае сямікласніца Насця Сташкевіч. – Я падпісана на суполку «Новая жизнь в обмен на крышечки» у сацыяльнай сетцы «УКантакце». Сачу там за навінамі.
– Збіраць крышачкі проста і нават цікава, – дапаўняе васьмікласніца Ульяна Лапіцкая. – У нас таксама ўся сям’я ў праекце. І дзядулі з бабулямі далучыліся. Ведаем, для чаго гэта робім.
Крышачкі перасыпалі ў два вялікія пакеты – і кантэйнер зноў апусцеў. Але ненадоўга. Праз некаторы час зноў стане паўнюткі.

 

Кацярына РЫНКЕВІЧ

Фота аўтара

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 января 2022
Антон, Виктор, Георгий, Иван, Павел, Савелий, Антонина

Именины 29 января 2022
Иван, Максим, Петр, Неонила

Госці краін

free counters
Партнеры сайта