Авторизация
 

Рамонтныя работы ў Язненскай школе завяршаны

 Камісію па прыёмцы школы ў Язне чакаюць 10 жніўня. Да пачатку апошняга летняга месяца рамонтныя работы ва ўстанове адукацыі завяршылі. 

 

– Касметычны рамонт у класах робім штогод. Згодна з санітарнымі правіламі, цяпер шпалеры ў школьных навучальных кабінетах не рэкамендуюцца. Пакрысе замяняем іх на пафарбаваныя сцены. Сёлета зрабілі так у адным з класаў для вучняў-пачаткоўцаў, – расказвае загадчык гаспадаркі Вольга Семяняка. – Падлогу кожны год фарбуем як у кабінетах, так і ў калідорах. Агульная плошча – 1 280 метраў квадратных. Асвяжылі колеры на вулічнай спартыўнай пляцоўцы. Фарбай цалкам забяспечыла СУП «Цітова», за што вельмі ўдзячны. За ўласныя сродкі адрамантавалі дах у гаражы, зрабілі касметычны рамонт у лабаранцкай кабінета фізікі і некаторых класах.

 
Вольга Пятроўна праводзіць экскурсію па класных кабінетах. Паўсюль блішчыць падлога. Паху фарбы не адчуваецца. Прыемны водар свежага рамонту. Цікавае тэматычнае афармленне ў кабінеце англійскай мовы, дзе гаспадарыць настаўніца Таццяна Шчарбіцкая. Кабінет геаграфіі, замацаваны за педагогам Святланай Сімановіч, два гады таму быў пераможцам раённага агляду-конкурсу. Тады і з’явілася тут мультымедыйная ўстаноўка – зручны сучасны памочнік настаўніка на ўроках. Акуратна і ўтульна ў кабінеце рускай мовы, дзе вядзе ўрокі Кацярына Альхімовіч.

 
Рыхтаваць школу да новага навучальнага года пачалі адразу пасля выпускнога і за паўтара месяца справіліся. Дружна працавалі тэхнічныя работнікі Наталля Яўгенаўна Шыман, Наталля Фёдараўна Шыман, Таццяна Валынец, Алена Ластоўская, Ірына Радзюшка, Алена Вайцяховіч. Дзякуючы іх старанням выхаванцы лагера «Сонейка», што распачаў работу з 2 жніўня, прыйшлі адпачываць у абноўленую школу.
Усё лета шмат клопатаў на школьным двары.

 
– Прышкольная тэрыторыя каля трох гектараў. Трэба пастаянна абкошваць. У мінулым годзе ад аддзела па адукацыі атрымалі электрагазонакасілку, якая значна аблягчае працу рабочых Андрэя Гінько і Юрыя Пазіка, – заўважае Вольга Пятроўна. – Клапоцімся пра эстэтычны выгляд тэрыторыі. Кветкамі займаецца настаўніца біялогіі і геаграфіі Святлана Сімановіч. Дапамагае ёй дворнік Ірына Гінько. У спякоту палівалі некалькі разоў на дзень.

 
Дарэчы, расаду кветак і гародніны школа рэалізуе мясцоваму насельніцтву. Па словах Вольгі Семяняка, даход маюць нядрэнны. Частку сродкаў выкарысталі на сёлетнія рамонтныя работы. Прыёмку школы загадчык гаспадаркі чакае з хваляваннем. Для яе гэта свайго роду экзамен, хоць паспяхова здае яго не ўпершыню. Працуе з 2016 года. Перапынкам стаў водпуск па доглядзе дзіцяці, адкуль вярнулася ў лістападзе мінулага года.

 
– Апошні тыдзень перад прыёмкай падводзім фінальныя штрыхі. Прыбіраем, мыем, чысцім. Прыводзім класы ў належны стан, згодна з санітарнымі нормамі і правіламі, – гаворыць суразмоўніца. – Калектыў працавіты, згуртаваны. Гэта вельмі важна. Разам падрыхтавалі школу да новага навучальнага года, і яна гатова сустракаць вучняў.

 

Кацярына РЫНКЕВІЧ

Фотаматэрыял Казіміра БЛАЖЭВІЧА. 

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 мая 2022
Адриан, Арсений, Иван

Именины 20 мая 2022
Антон, Давид, Иван, Иосиф, Михаил, Степан, Фаддей, Семен

Госці краін

free counters
Партнеры сайта