Авторизация
 

Аграсядзіба «Антонаўка» у вёсцы Мілашова: цікавы дэкор, яблыневы сад і сасновы бор

 Арэлі пачынаюць свой разбег, і ніяк не стрымаць вокліч захаплення і радасці. Рукі мацней сціскаюць поручні, позірк імкнецца ў блізкую азёрную сінечу, а душа проста ляціць. Палёт у лета. Туды, дзе распарадак вольных дзён запаўняюць купанне ў возеры і сонечныя ванны ў шэзлонгу, рыбалка і прыгатаванне юшкі на кастры, пляжны валейбол і веласіпедныя прагулкі. За такім адпачынкам едуць у вёску Мілашова на аграсядзібу «Антонаўка».

 

Цікавы дэкор, яблыневы сад і сасновы бор

Гушкацца на шырокіх арэлях, любуючыся маляўнічым азёрным пейзажам, можна доўга. Між тым у «Антонаўцы» яшчэ шмат чаго цікавага. Ля берага лодка і катамаран. Крыху наводдаль пляцоўка з валейбольнай сеткай і баскетбольным кольцам. Адразу ля пірса месца адпачынку з лавачкамі пад высокім драўляным парасонам. Яшчэ адзін пірс метраў за пятнаццаць спецыяльна для рыбалкі. Ёсць дзе зварыць юшку і пасмажыць шашлык.

 
На прасторным падворку падрастаюць яблыневы сад і сасновы бор. Цешаць вока дэкаратыўныя кампазіцыі: металічная карэта і драўляны вазок з петуніямі, хатка Бабы Ягі. Для дзіцячых забаў пясочніца і горка ў выглядзе казачнага замка. Для ўтульных пасядзелак – драўляная альтанка.

 
Праз дарогу зручная паркоўка з камянёў. Адразу за ёй агародчык, парэчкавы сад і спуск да сажалкі, дзе красуюць дэкаратыўныя лілеі, плавае пенапластавы лебедзь і куды часам прылятае жывая чапля. Побач альтанка, адкуль удзень цікава назіраць за палётамі буслоў, што пасяліліся на дрэве ў суседнім двары, а ўвечары слухаць канцэрты жаб і конікаў пад плёскат рыбы. Увесь дваровы дэкор гаспадары Анатоль і Таццяна Тычко прадумвалі і стваралі самі. Будаўнік па спецыяльнасці Анатоль шмат чаго ўмее рабіць сваімі рукамі. Вось і бацькоўскую сядзібу ператварыў у прывабнае месца адпачынку.

 

Памяць пра Антонавіча

Ідэю адчыніць аграсядзібу прапанавала мужу Таццяна.
– Шмат чытала пра аграэкатурызм у СМІ. Задумала паспрабаваць сябе ў гэтай сферы, – расказвае яна. – Уяўленне пра аграсядзібу ў мяне спачатку іншае было. Думала, што абавязковымі складнікамі ўнутранага афармлення павінны быць калаўрот, лавы, вязаныя дыванкі і іншыя прадметы даўніны і сельскага быту. Аднак сучаснаму адпачывальніку патрэбны і камфортны ложак, і інтэрнэт, і душ з гарачай вадой, нягледзячы на блізкасць возера.

 
Рэканструкцыю дома ў Мілашове пачалі ў 2013 годзе. Падмацавалі фундамент, памянялі дах. Адрамантавалі на сучасны лад і толькі ў адным пакоі пакінулі зробленыя бацькам Эдуардам Антонавічам столь і падлогу. Як памяць пра дарагога чалавека і ўмелага майстра. Дарэчы, менавіта яго імя па бацьку стала асновай назвы «Антонаўка». У маладым яблыневым садзе цяпер растуць побач антонаўка і яблыня сорту «Алена». Так звалі маці Анатоля.

 

Па прынцыпе «ўсё ўключана»

Першых гасцей Анатоль і Таццяна прынялі ў 2016 годзе. Сям’і з Санкт-Пецярбурга адпачываць у беларускай глыбінцы вельмі спадабалася. Пасябравалі з гаспадарамі і сталі наведвацца кожнае лета. Шкадуюць, што з-за складанай эпідсітуацыі не змаглі прыехаць сёлета.
Аграсядзіба «Антонаўка» пазіцыяніруе сябе як месца для сямейнага адпачынку. Працуе круглы год, найбольш адпачывальнікаў цёплай парой.

 
 – Здаём два дамы. Адзін на восем чалавек, другі разлічаны на чатырох. Нядаўна мінчане адпачывалі, у трэці раз прыязджала сям’я з Барысава, – расказваюць гаспадары. – Аддаём перавагу тым, хто застаецца на тыдзень ці даўжэй. Прымаць гасцей толькі на выхадныя даволі турботна. Працуем па прынцыпе «ўсё ўключана». За пражыванне заплацілі, астатняе – мангалы, вуды для рыбалкі, спартыўны інвентар, веласіпеды, лодка і катамаран, гародніна і садавіна – у поўным распараджэнні адпачывальнікаў. Гатуюць яны самі.

 
Адны ўвесь час бавяць на сядзібе, іншыя скіроўваюцца ў вандроўкі па ваколіцах. Ёсць што паглядзець. У Мілашове – адрэстаўраваная сядзіба, у Ідолта – прыгожы касцёл. Пяць кіламетраў да вадаспаду на рацэ Вята. Некаторыя і на разбураную сядзібу ў Дзедзіна дабіраюцца, і на экасцежку на Ельні.

 

Поўны тэкст вы можаце знайсці ў нумары №60 "Мёрскіх навін" на сайце https://belkiosk.by.

  

Кацярына РЫНКЕВІЧ

Фотаматэрыял аўтара.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 мая 2022
Адриан, Арсений, Иван

Именины 20 мая 2022
Антон, Давид, Иван, Иосиф, Михаил, Степан, Фаддей, Семен

Госці краін

free counters
Партнеры сайта