Авторизация
 

Юрый Сташулёнак з Белеўцаў: 55 гадоў - новая адметка у жыцці

 Будні электраманцёра Міёрскага аддзялення Дэпартамента аховы Юрыя Сташулёнка звычайныя. Пачынаюцца з планёркі. Затым накіроўваецца правяраць ахоўнае абсталяванне. За ім замацаваны каля трыццаці аб’ектаў у горадзе і раёне. Яшчэ сочыць за спраўнасцю сігналізацыі ў кватэрах і прыватных дамах. Юрый Генадзьевіч заўсёды можа расквеціць шэрыя будні вясёлымі жартамі, добразычлівай усмешкай, – пацвярджаюць калегі, знаёмыя і сваякі. На вяселлі яго запрашалі сватам ажно 16 разоў! На навагоднія святы ў аддзяленні аховы пераўвасабляецца ў Дзеда Мароза, весяліць і радуе падарункамі дзяцей. Нядаўна прызначаны прафсаюзным лідарам арганізацыі. 15 чэрвеня Юрый Генадзьевіч аздначае 55-годдзе.

 

Маленства юбіляра прайшло ў вёсачцы Белеўцы. У дружнай шматдзетнай сям’і Генадзя Аляксандравіча і Аліны Іосіфаўны выхоўваліся яшчэ Валерый, Міхаіл і Ірына. Калі Юрыю было каля 10 гадоў, пераехалі жыць у райцэнтр. Пасля заканчэння СШ № 1 ён вывучыўся на электраманцёра прамысловага электраабсталявання ў Маладзечанскім ПТВ. Дыплом атрымаў з адзнакай. Армія паклікала ў вайсковую часць у Печах, што пад Мінскам. Два гады нёс службу вадзіцелем. Вярнуўшыся дадому, уладкаваўся на аўтабазу.

 
Рэйсы пераважна былі на Прыбалтыку, Расію і Украіну. Прывабілі больш далёкія адлегласці, пайшоў працаваць дальнабойшчыкам. Калясіў па дарогах Заходняй Еўропы, ездзіў і на Расію. Вазілі драўніну, прадукты, тэхніку, электрапрыборы, запчасткі і іншае. Каля дзесяці гадоў таму змяніў працоўную дзейнасць: перайшоў у Міёрскае аддзяленне Дэпартамента аховы. Спачатку быў вартаўніком, пасля стаў электраманцёрам. Юрый Генадзьевіч адзначае: калі ведаеш сваю справу, то складанасцей не ўзнікае. Па сумніўных пытаннях заўсёды раіцца з калегамі.

 

Цікава ўсё, хоць і штодзённа: праца, зносіны з людзьмі. Вопытны спецыяліст прыгадвае, што раней за начное дзяжурства прыходзілася выязджаць на аб’екты па тры – чатыры разы. З новымі прыборамі стала значна лягчэй, спрацоўваюць не так часта. Трэба адзначыць, што  Юрыя Сташулёнка неаднаразова ўзнагароджвалі падзякамі за добрасумленную працу. Удзельнічае ў інтэлектуальных спаборніцтвах, што праводзяцца ў аддзяленні. Найбольш яму па душы шахматы, па іх займае прызавыя месцы.

 
Юрый з жонкай Наталляй выхавалі дваіх сыноў. Старэйшы Марк скончыў Ваенную акадэмію, магістратуру пры ёй і працуе камендантам пагранатрада ў Гродне. З дочкамі Сафіяй і Дар’яй прыязджаюць у Міёры бавіць вольны час. Малодшы Павел пасля сталічнага інстытута ўладкаваўся на ММПЗ інжынерам па абслугоўванні абсталявання.

 
Дом сям’і Сташулёнкаў размяшчаецца непадалёк ад райцэнтра ў Блажках. Вясковае жыццё складана ўявіць без гаспадаркі. У парадку і прысядзібная тэрыторыя, і тэхніка. Пакуль гаспадары на працы, вартаўнік тут нямецкая аўчарка Арчы. Дарэчы, сабакі – адно з любімых захапленняў гаспадара. Сам іх выхоўвае і дрэсіруе, нават дае парады і дапамагае знаёмым у гэтых пытаннях.

 
Гісторыя цікаўнасці даўняя. Захацелася пародзістага сабаку завесці. Купілі нямецкую аўчарку коштам звыш 100 долараў. З Ланцай у Полацку на міжнароднай выставе занялі трэцяе прызавое месца. Раззнаёміўся са спецыялістамі, стаў цікавіцца больш сабакамі. Спрэзентавалі і другога чатырохногага сябра, назваў Глэдзіс, дрэсіраваў. На наступнай выставе занялі з ім першае месца, а праз год былі на другой прыступцы п’едэстала.

 

Вольга ВІШНЕЎСКАЯ,

Фота аўтара і з архіва Юрыя Сташулёнка.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 24 июля 2021
Аркадий, Лев, Елена, Ольга

Именины 23 июля 2021
Александр, Антон, Георгий, Даниил, Леонтий, Петр

Госці краін

free counters
Партнеры сайта