Авторизация
 

У Дзісне з’явіўся мурал, прысвечаны мастаку Язэпу Драздовічу

 У Дзісне па ініцыятыве грамадскай арганізацыі «Ахова птушак Бацькаўшчыны» на сцяне двухпавярховага будынка па вуліцы Юбілейнай з’явіўся мурал, прысвечаны Язэпу Драздовічу. З партрэтам легендарнага беларускага жывапісца – выява яго графічнай працы «Засценак Пунькі» (1922 г.).

 

Засценак Пунькі, што на Глыбоччыне, вядомы як дом Язэпа Драздовіча, дзе ён нарадзіўся 13 кастрычніка 1888 года. Над ціхімі дахамі вясковых будынкаў – сіняя-сіняя ноч. Верхняя частка кампазіцыі сімвалічна адлюстроўвае «нябесныя бегі» – адзін з сюжэтаў драздовіцкага космасу.

 
Аўтар манументальна-дэкаратыўнага роспісу – малады беларускі мастак Яўген Сасюра, работы якога ў стылі рэалізму і мадэрнізму ўпрыгожваюць фасады будынкаў у 20-ці гарадах нашай рэспублікі, сярод якіх Мінск, Магілёў, Гродна, Пінск, Гомель.

 
З’яўленне кампазіцыі, прысвечанай Язэпу Драздовічу, менавіта ў Дзісне невыпадковае. З нашым горадам знакамітага мастака звязвае некалькі выразных штрыхоў біяграфіі: у 1906 годзе васямнаццацігадовым юнаком ён заканчвае тут школу (не гімназію); у сталым узросце падарожнічае па гарадах і вёсках нашага краю, пакідаючы нам у спадчыну цыкл графічных работ пад агульнай назвай «Дзісеншчына».
І сёння мы абавязаны знакамітаму земляку тым, што маем магчымасць убачыць родныя краявіды ў абліччы мінулага, супаставіць іх з цяперашнім часам. Творчы подзвіг жывапісца – антыпод сучаснаму прагматызму жыцця, прыклад самаадданай любові да Радзімы.
«Задыхаўся і слеп, бо тварыў апантана. Я – Драздовіч Язэп, што маё захавана?», – так пісаў, прымерваючы да сябе посах мастака-падарожніка глыбоцкі паэт А. Жыгуноў.

 
А захавана намі мастацкая спадчына глыбокага, удумлівага, чулага, заклапочанага лёсам радзімы чалавека. Захавана адчуванне еднасці з ёй, непарыўнай сувязі з яе мінулым, гордасці за яе творцаў. Легендарнага мастака, славутага нашага земляка Язэпа Драздовіча ўшаноўваюць у Мінску, Заслаўі, Германавічах. Цяпер – і ў Дзісне.

 

Ала МАЙСЯЁНАК.

Фота прадаставіла Ала Майсяёнак.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта