У Павяцці прайшла «Шырокая Масленіца»

 Гулялі ў снежкі, каталіся на санках, частаваліся блінамі на свяце «Шырокая Масленіца» ў Павяцці. Шумныя і вясёлыя забавы разгарнуліся 7 сакавіка на пляцоўцы ля мясцовага Дома культуры.

Распачалі свята бадзёрыя і вясёлыя скамарохі. Добры настрой дарылі сяльчанам удзельнікі мастацкай самадзейнасці СДК. Госці частаваліся юшкай, блінамі, пірагамі з духмяным чаем.

 
Захапіў дзяцей і дарослых традыцыйны конкурс – пацяг. Каманды фарміраваліся хутка, удзельнікі хапаліся адзін за аднаго і перацягвалі кожны ў свой бок. Самае галоўнае і чаканае спаборніцтва – «узяцце слупа», за што чакалі прызы. Каб увесь год быў шчаслівым і багатым, спалілі пудзіла.

Галіна БЛАЖЭВІЧ, мастацкі кіраўнік Павяцкага СДК.

Фотаматэрыял прадастаўлены Павяцкім СДК.