Авторизация
 

У міёрскім РДК запісалі спектакль «Свавольствы Бабы Ягі»

 Традыцыйны дабрачынны ранішнік у раённым Доме культуры эпідсітуацыя правесці не дазволіла. Між тым супрацоўнікі ўстановы і іх юныя памочнікі падрыхтавалі навагодні падарунак для ўсіх дзяцей. У суполцы РДК ва «УКантакце» даступны для прагляду спектакль «Свавольствы Бабы Ягі». Карэспандэнту газеты пашанцавала паглядзець пастаноўку падчас запісу.

 

Заснежаныя дрэвы, гурбы снегу, на елках мішура і вялікія каляровыя шары. Дэкарацыі зімовай казкі – асобны складнік навагодняга настрою.

 
Вясёлым танцам распачынаюць прадстаўленне юныя выхаванкі раённага Цэнтра дзяцей і моладзі. Сціхае музыка, і ў цэнтры ўвагі гледача аказваецца Баба Яга. Сумна ёй у вясёлыя зімовыя дні. Марыць замуж выйсці. Даўні сябар Кашчэй падказвае, што найлепшай кандыдатурай будзе Дзед Мароз. Статны і багаты жаніх.

 
З дапамогай сваіх злых чар нячысцікі выкрадаюць Марозку, якога чакае на навагоднія святы дзятва. Смелы хлопчык Ваня разам са Снягуркай і Лесавічком скіроўваюцца на пошукі. Па дарозе сустракаюць Лесуна, што даўно закаханы ў Бабу Ягу. Нявеста між тым наводзіць прыгажосць. У гэтым ёй дапамагае Кікімара.

 
 Ці атрымаецца ў герояў выратаваць Дзеда Мароза, ці паспее ён да дзетак на свята? Даведаецеся ў фінале. Добрымі песнямі падтрымаюць настрой салісты Ягор Абалевіч, Вікторыя Савейка, Аліна Федуковіч, Валерыя Бунта і Ягор Шокель.

 
Рэжысёрам навагодняй казкі выступіла Марына Дзям’янава, яе ж пазнаеце ў ролі Кікімары. Баба Яга – удалае амплуа Алены Шангіной, у шубе Дзеда Мароза – Аляксей Гайдзель, у вобразе Снягурачкі – Аляксандра Васіна. Роля Лесавічка ўдалася Анастасіі Ільніцкай, Кашчэя сыграў Аляксей Рачыцкі, Лесуна – Іосіф Вільчынскі, хлопчыка Ваню – Максім Шчабол.
Рэжысёр і артысты жадаюць гледачам прыемнага прагляду.

 

Кацярына РЫНКЕВІЧ

Фота аўтара

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 января 2021
Василий, Виктор, Владимир, Георгий, Григорий, Дмитрий, Евгений, Емельян, Иван, Илья, Михаил, Юлиан, Василиса, Доминика

Именины 20 января 2021
Василий, Иван, Афанасий

Госці краін

free counters
Партнеры сайта