Авторизация
 

Першае слова — галоўнае Восем гадоў назад паступіла прапанова ад аддзела ЗАГС 14 кастрычніка — у Дзень маці — наведваць раддом. З той пары гэта стала добрай традыцыяй. Нядаўна на свята сюды завіталі начальнік аддзела ЗАГС Ірына Леанідаўна Гушча, маладзёжны лідар Марына Кашкур і галоўны спецыяліст РА ГА “Белая Русь” Анастасія Бунта. Да іх далучыліся ўрач Людміла Васільеўна Жук, намеснік галоўнага ўрача ЦРБ Святлана Васільеўна Бірукова і старшая акушэрка аддзялення Жанна Уладзіміраўна Стэфановіч.

 

Цяпер у аддзяленні адноснае зацішша, усяго два нованароджаныя. Асноўная ж частка родаў прыйшлася на ліпень — на свет з’явілася 27 новых чалавечкаў. Сёлета ўжо нарадзілася 133 малых (летась за ўвесь год было 114). Праўда, у гэтым “заслуга” і браслаўскіх жанчын, якіх накіроўвалі сюды падчас рамонту. Была адна парадзіха з Расіі. Жанна Уладзіміраўна адзначыла, што перамагае сяброўства — хлопчыкаў і дзяўчынак нараджаецца амаль аднолькава, перавага ў 3-4 чалавекі. І што самае цікавае, бацькі сур’ёзна ставяцца да выбару імя, ўжо ў аддзяленні ведаюць як назавуць малога.

 

Прыемна, што ў апошні час жанчыны аддаюць перавагу свайму раддому, іх накіроўваюць у Полацк або Віцебск толькі па стану здароўя.

У гэты дзень адбылася рэгістрацыя Дар’і Басаковай, прысутнічаў і малады тата. Даша ў сям’і першае і жаданае дзіця. Бацькі, Вольга Уладзіміраўна і Сяргей Дзяменцьевіч, атрымалі пасведчанне аб нараджэнні. Свой першы ў жыцці дакумент набыў і маленькі Макар Іваноў. Яго з мамай Зояй Анатольеўнай дома ўжо чакае маленькая сястрычка Маргарытка і тата Міхаіл Міхайлавіч.

 

Госці павіншавалі і жанчын, якія знаходзяцца ў аддзяленні на лячэнні. Усе атрымалі падарункі, а медперсаналу Ірына Леанідаўна ўручыла своеасаблівы “дыплом” — песню Алега Міцяева “Чароўны дом” у рамачцы.

 

Хочацца адзначыць — маладым мамам пашанцавала, бо побач з імі добразычлівы, згуртаваны калектыў. Вельмі прыемна, што для яго насельнікі аддзялення не проста часовыя госці, а людзі, за якіх яны хвалююцца, перажываюць. Большасць медыкаў ужо самі матулі, таму віншуем іх з цудоўным святам — Днём маці. Вы выбралі нялёгкую працу, дапамагаеце з’явіцца на свет новаму чалавеку, бачыце, як нараджаецца жыццё. Поспехаў вам у вашай нялёгкай, але такой неабходнай і адказнай працы! А матулям — цярпення, разумення сваіх дзяцей, здароўя. Са святам!

 

На здымках: Бацькам Дашы Басаковай уручае пасведчанне

аб нараджэнні дачушкі І. Л. Гушча.

 

Алена ВАРОНІНА.

 

           

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта