Авторизация
 

Жыхары вёскі Навінцы, Мікалаёўскага сельсавета, засталіся без хлеба

 У мінулы панядзелак жыхары вёскі Навінцы, што ў Мікалаёўскім сельсавеце, засталіся без хлеба. Магазін на колах не змог даехаць у аддаленае месцейка – дарога абледзянела пасля дажджлівага надвор’я, якое змянілі замаразкі. 

 

– Сёння чакалі аўталаўку ад поўдня і не дачакаліся. Машына не даехала, бо дарога слізкая. Чаму яе своечасова не падсыпалі? – пытаецца пенсіянерка Валянціна Жураўская (нумар рэдакцыі яна набрала пасля 15.00). – Паштовую машыну заўтра таксама не дачакаемся? Аўталаўка ў наступны раз толькі ў чацвер будзе. Мы і ў сельсавет тэлефанавалі, прасілі вырашыць праблему.

 
Рэдакцыя таксама звярнулася за каментарыямі да старшыні Мікалаёўскага сельскага савета Анатоля Кудрашова. Ён патлумачыў, што сітуацыю з дарогамі трымае пад увагай. Інфармуе пра праблемныя ўчасткі ДРБУ-203, на чыім абслугоўванні сельскія шляхі. Аднак па тэхнічных прычынах дарожная служба не заўсёды можа тэрмінова справіцца.

 
Па словах старшыні сельсавета, дарогу ў Навінцы падсыпалі ў панядзелак у другой палове дня. Як пасля расказала Валянціна Жураўская, пошта ў аўторак і аўталаўка ў чацвер да вёскі даехалі. Праўда, сама сяльчанка разам з аднавяскоўцамі вырашыла з’ездзіць на кані ў магазін у Туркова. Каб раптам зноў без хлеба не застацца.

 

Кацярына РЫНКЕВІЧ.

Фота для ілюстрацыі.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта