Авторизация
 

Саракакватэрны дом № 27 на вуліцы Лермантава паскорана рыхтуецца да здачы

 Напрасіўся паглядзець кватэру работніка рэдакцыі, якую ён павінен атрымаць у доме № 27 па вуліцы Лермантава ў райцэнтры. Набліжаецца час здачы гэтай пяціпавярхоўкі ў эксплуатацыю.

 

Трохпакаёвая кватэра нумар 40 пад самым дахам. Уваходных і міжпакаёвых дзвярэй яшчэ няма, аднак вокны на месцы, зроблена бетонная сцяжка на падлозе, сцены атынкаваны, батарэі цёплыя, электраправады выведзены ў каробкі пад разеткі. Асаблівых прэтэнзій да якасці работ у будучага гаспадара няма.

 
У кватэры не прадугледжана ўнутраная аддзелка, гэтым уладальнік будзе займацца сам як спецыяліст тынковачна-плітачных спраў. Цяпер у ёй яшчэ вільготна, таму ўстанаўліваць унутраныя дзверы, шпатляваць сцены, фарбаваць, класці керамічную плітку і клеіць шпалеры давядзецца пазней.

 
Між тым, цяпер дом № 27 звонку і ўнутры нагадвае патурбаваны мурашнік. Як сцвярджае прараб ПМК-55 Аляксандр Рубанік, у ім штодзень працуюць да васьмідзесяці чалавек. Дзесяць мясцовых аддзелачнікаў шпатлююць сцены ў кватэрах і на лесвічных клетках, вядуць расшыўку стаякоў, афарбоўку. Хапае спраў у другім пад’ездзе васьмі сталярам-бетоншчыкам. Будаўнікам з Міёрскага ПМК дапамагаюць аддзелачнікі з РВА ЖКГ. Вопытныя плітачнікі з Докшыц займаюцца тратуарамі.

 
 Будаўнікі Браслаўскай ПМК-42 заканчвалі мураваць падпорныя сценкі пад дах над уваходам у першы пад’езд. Спецыялісты фірмы «Гравілат» укладвалі ў кватэрах з поўнай аддзелкай керамічную плітку ў кухнях, ванных і туалетах. Навапалачане дастаўляюць і ўстанаўліваюць уваходныя дзверы ва ўсіх кватэрах, а міжпакаёвыя – толькі ў жыллі з поўнай аддзелкай. Сантэхнікі «Белсантэхмантажу» асноўнае зрабілі – цяпло пададзена, каналізацыя зманціравана, вада да размеркавальнага пункта падведзена. Як установяць паўсюдна запорную арматуру, ванны, унітазы і іншае, вада паступіць і ў кватэры.

 
Пяціпавярховы саракакватэрны жылы дом на вуліцы Лермантава паскорана рыхтуецца да здачы. На апошнім тыдні лістапада тут яшчэ выдзяляліся сцены з сілікатных блокаў, якія звонку патрабавалі ўцяплення і атынкоўкі, не было цвёрдага пакрыцця на пад’язной дарозе, толькі пачалося добраўпарадкаванне навакольнай тэрыторыі. Таму разам з навасёламі чакаем дату афіцыйнага ўводу будынка.

 

Леанід МАТЭЛЕНАК

Фотарэпартаж Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 января 2021
Галактион, Илья, Макар, Петр, Татьяна

Именины 24 января 2021
Виталий, Владимир, Иосиф, Михаил, Николай, Степан, Терентий, Федор

Госці краін

free counters
Партнеры сайта