Авторизация
 

Інсульт: распазнаць і абясшкодзіць

 Самае распаўсюджанае захворванне мозгу ў дарослых і пажылых – інсульт. Гэта вынік таго, што на працягу пэўнага часу да ўчастка галаўнога мозгу не паступае кроў з-за закаркавання ці разрыву сасуда. У Беларусі на яго пакутуюць у 2 – 2,5 разы часцей, чым у еўрапейскіх краінах. Інсульт займае трэцяе месца сярод усіх прычын смяротнасці і першае – па інваліднасці.

 

У чым праяўляецца?

Першыя прыкметы інсульту – галаўны боль, слабасць, млос- насць, ванітаванне. Затым з’яўляюцца расстройствы руху, парушэнні гаворкі, адчувальнасці, свядомасці – ад лёгкай аглушанасці да страты прытомнасці.

 

Чым небяспечны

У вострай стадыі хваробы гінуць 30 – 35 % людзей, да канца першага года – больш за палову. Патрабуюць пастаяннага догляду і дапамогі з-за паралічаў, расстройстваў маўлення і парушэння каардынацыі руху 10 % тых, хто перанёс інсульт. Толькі 20 % хворых вяртаюцца да ранейшага жыцця.

 

Як пазбегнуць

Адразу звярніцеся да ўрача, калі адчуваеце:
1. Часты галаўны боль, галавакружэнні, шум у галаве;
2. Зніжэнне памяці, правалы ў памяці;
3. Кароткачасовыя адчуванні слабасці ці анямення ў руцэ, назе ці твары;
4. Рэзкае пагаршэнне зроку;
5. Цяжкасці ў маўленні;
6. Рэзкія прыступы галавакружэння і пахістванне пры хадзе.

 
Выключыце са свайго жыцця фактары рызыкі, якія спрыяюць узнікненню інсульта. Кантралюйце артэрыяльны ціск: у норме ён не павінен перавышаць 140/90. Больш высокія лічбы – ужо гіпертанія, а гэта небяспечна. Спажывайце менш солі. Пры фізічнай нагрузцы сачыце, каб не было задышкі, болю ў вобласці сэрца, арытміі. Памятайце, што актыўнае і пасіўнае курэнне значна павышаюць рызыку сардэчна-сасудзістых ускладненняў. Ешце больш фруктаў, агародніны, рыбы і морапрадуктаў. Старайцеся пазбягаць стрэсавых сітуацый.

Першая дапамога

 

Калі падазраяце, што ў чалавека інсульт:
- пакладзіце яго і стварыце яму поўны фізічны і псіхалагічны спакой;
- расшпіліце каўнер, рэмень, пояс, адчыніце фортку;
- пры рвоце павярніце галаву хворага на бок, ачысціце ротавую поласць ад рвотных мас, каб яны не трапілі ў дыхальныя шляхі;
- тэрмінова выклікайце хуткую дапамогу.

 
Дзіяна ВІТКОЎСКАЯ, урач-неўролаг Міёрскай ЦРБ.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта