Авторизация
 

Мудрасць і радасць крочаць поруч

 Свята мудрых і добрых людзей. Так назвалі дату 1 кастрычніка ўдзельнікі сустрэчы, што адбылася ў гэты дзень у тэрытарыяльным цэнтры сацыяльнага абслугоўвання насельніцтва. Раённая арганізацыя Беларускага грамадскага аб’яднання ветэранаў па традыцыі сабрала разам кіраўнікоў пярвічак.

 

«Не только грусть мои года, мои года – мое богатство…», – гучала фонам вядомая песня. Атмасферу свята сваім пазітыўным настроем стваралі вядучыя – загадчык аддзялення дзённага знаходжання для грамадзян пажылога ўзросту і суправаджальнага пражывання Ганна Ліскова і спецыяліст Юлія Машара, добрыя словы гасцей, усмешкі і нязмушаныя дыялогі ўдзельнікаў.

 
Павіншаваць ветэранскі актыў з Днём пажылых людзей завіталі начальнік упраўлення па працы, занятасці і сацыяльнай абароне райвыканкама Вячаслаў Бялько, намеснік начальніка аддзела ідэалагічнай работы, культуры і па справах моладзі Аксана Ашурка. Адзначалі маладосць іх душы і багаты багаж вопыту і мудрасці, дзякавалі за актыўную жыццёвую пазіцыю, жадалі бадзёрасці духу і цеплыні сямейнага ачага.

 
Старшыня ветэранскай арганізацыі Часлаў Кашкур распавёў, чым жыло аб’яднанне з мінулагодняй сустрэчы. Удзельнічалі ў мерапрыемствах, прысвечаных 80-годдзю Міёрскага раёна, 75-годдзю Перамогі, у кампаніі па выбарах Прэзідэнта Рэспублікі Беларусь. Шкадуюць ветэраны-актывісты, што ўвасабленню многіх ідэй перашкодзіла пандэмія каронавіруса. Не адбыліся агляд-конкурс мастацкай самадзейнасці, раённая спартакіяда, экскурсіі ў Копысь і на Лінію Сталіна. Разам з тым працягваюць будаваць планы.

 
 Кіраўнікі ветэранскіх пярвічак, якія ля руля не першы год, добра ведаюць адзін аднаго, рады сустрэчам і зносінам. Падчас мерапрыемства іх пазнаёмілі з навічкамі. У ААТ «Міёрскі райаграсэрвіс» узначаліў пярвічку Юрый Лагунёнак, у Міёрскім КБА – Ірына Грыцаенка, у цэнтральнай раённай бальніцы – Наталля Капітонава, на мясакамбінаце – Святлана Сцепулёнак.
Сказаць добрыя словы жадалі многія ўдзельнікі сустрэчы і ў кожнага была такая магчымасць.

 
 – Раніцай слухала радыё. У сталых людзей пыталіся, у чым сакрэт маладосці. Думаю, ён у аптымізме. Мы ўмеем радавацца кожнаму новаму дню, – гаварыла былы начальнік упраўлення па працы, занятасці і сацыяльнай абароне і цяперашні кіраўнік ветэранскай пярвічкі арганізацыі Таццяна Рымша.

 
Актыўнасць і запал удзельнікі сустрэчы паказалі ў конкурсах: гатавалі экспрэс-стравы, збіралі на прагулку ўнукаў, выступалі аратарамі, адгадвалі і спявалі песні. Да месца была падрыхтаваная вядучымі скрыначка ўспамінаў, якая натхняла на расповяды пра мінулае.

 

Кацярына РЫНКЕВІЧ

Фотарэпартаж Казіміра БЛАЖЭВІЧА. 

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта