Авторизация
 

Міёршчына гасцям рада!

 Пандэмія сапсавала турыстычныя планы нашых землякоў і іншаземцаў. Сітуацыя на Міёршчыне пачне выпраўляцца ўжо ў верасні – кастрычніку. Развіццё турыстычнай індустрыі на Міёршчыне стала асноўнай тэмай для абмеркавання на прэзідыуме раённага Савета. З лічбамі, планамі і праблемамі пазнаёміла загадчык сектара спорту і турызму райвыканкама Ларыса Малецкая.

 

На сёлета заданне па экспарце турпаслуг даведзена ў 124,2 тысячы долараў – 115,2 % да ўзроўню 2019 года. Паказчык фарміруюць дзіцячы санаторый «Расінка», дамы паляўнічага і рыбака Дзісненскага лясгаса і раённай структуры БТПР, «Абстэрна», гасцініцы ПГУП «Нікафуд» і жыллёва-камунальнай гаспадаркі, а таксама ДПУ «Ельня».

 
На турыстычную галіну краіны і нашага раёна ў прыватнасці паўплывала эпідэміялагічная сітуацыя. За сем месяцаў сёлета гасцей паменела ў параўнанні з леташнім больш чым на 500, з іх 100 – замежныя. З сакавіка па май аб’ёмы экспарту турыстычных паслуг раёна выраслі толькі на 0,1 тысячы долараў. У чэрвені сітуацыя стала паляпшацца: з 8,1 тысячы да 13 тысяч.
За студзень – ліпень чакаемае выкананне планавага паказчыка па экспарце турыстычных паслуг складзе 14,5 тысячы долараў – тэмп росту 27,2 % да мінулагодняга.

 

Перспектыўны на Міёршчыне экалагічны турызм. ДПУ «Ельня» распрацавала пяць турпрадуктаў: экскурсію на экасцежку «Азяраўкі – Ельня», прагулкі на балотаступах, наведванні месцаў, дзе расце чырвонакніжная марошка прыса- дзістая, назіранне за матылькамі, стракозамі і журавамі. Гэтымі прапановамі за сем месяцаў скарысталіся 106 турыстаў (летась – 168, у тым ліку 37 замежных).

 

 За студзень – ліпень 2019 года аб’ём экспарту турыстычных паслуг, якія аказала ДПУ «Ельня», склаў 50 долараў. Сёлета і гэтага няма. Разам з тым, асноўны паток турыстаў чакаецца ў верасні – кастрычніку. Расце колькасць гасцей, якія вандруюць па заказніку самастойна ці звяртаюцца па экскурсіі ў аграэкасядзібы раёна.

 
Турыстычная інфраструктура на тэрыторыі заказніка не стаіць на месцы. Сёлета ў рамках рэалізацыі праекта міжнароднай тэхнічнай дапамогі «Разам для грамады і прыроды: Міёрскі раён», які фінансуецца Еўрапейскім саюзам, запланавана падоўжыць драўляны насціл экалагічнай сцежкі і ўладкаваць месца для кемпінга. У 2021 – 2022 гадах з’явіцца месца яшчэ для аднаго кемпінга і дзве вышкі для назірання за птушкамі.

 
Актыўна развіваецца аграэкатурызм. На 1 жніўня ў раёне налічвалася 55 аграсядзіб, з якіх 11 зарэгістраваны сёлета. Найбольшая колькасць – 16 і 8 – адпаведна ў Перабродскім і Міёрскім сельсаветах, у Мікалаёўскім і Туркоўскім – толькі па адной. За пяць гадоў іх гаспадары прынялі звыш 6 тысяч гасцей, з іх 738 замежных. Найбольш папулярная наша Міёршчына ў жыхароў Расійскай Федэрацыі, былі наведвальнікі з Украіны, Латвіі, Кітая, Эстоніі, Францыі і Італіі.

 
 Вядзецца работа па стварэнні турысцкай інфраструктуры. За кошт асабістых сродкаў у першым паўгоддзі асвоіў 120 тысяч рублёў на мадэрнізацыю дзіцячы санаторый «Расінка». Рашэннем райвыканкама ад 9 красавіка 2020 № 277 зацверджаны план мерапрыемстваў па ўладкаванні зон адпачынку насельніцтва на водных аб’ектах раёна. Добраўпарадкаваны азёры Міёрскае на паўвостраве, Абстэрна з боку Пераброддзя і санаторыя «Расінка», Важа з боку базы адпачынку «Актам». Прыведзены ў належны выгляд месцы адпачынку на азёрах Ідолта, Мядведак, Важа, вадаспадзе на рацэ Вята, рацэ Дзісна.

 
У рамках рэалізацыі праекта міжнароднай тэхнічнай дапамогі «Падтрымка прадпрымальніцтва ў сферы турызму на мясцовым узроўні ў Рэспубліцы Беларусь», які фінансуе Міністэрства замежных спраў Рэспублікі Польшча, для мабільнага кемпінга «Мерэя» набыта спартыўна-гульнёвае абсталяванне – стойкі для пляжнага валейбола і міні-футбольныя вароты, а таксама спартыўны і турысцкі рыштунак. Агульная сума асвоеных сродкаў склала 10 тысяч долараў.

 
Спрыяе стварэнню цэласнага іміджу раёна ў айчынных і замежных турыстаў брэндбук нашага краю. Аднак няма адзінага пазіцыяніравання раёна, якое прапанавалі яго распрацоўшчыкі. Адсутнічае сувенірная прадукцыя, што нагадвала б гасцям пра нашу зямлю. Недастатковая ўвага надаецца ўтрыманню аўтадарог, прыдарожнага гандлю, аб’ектаў гісторыка-культурнай спадчыны. Дзісненскаму лясгасу небходна актывізаваць прасоўванне турыстычных паслуг і прапрымальніцкай ініцыятывы на тэрыторыі кемпінга «Мерэя».
Гасціннасць і прыязнасць уласцівы нашым землякам. Варта дадаць да гэтага спрыяльныя ўмовы для пражывання і адпачынку гасцей.

 

Алена ВАРОНІНА

Фотаматэрыял з архіва рэдакцыі.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 июня 2021
Александр, Алексей, Иван, Кирилл, Рафаил, Мария, Марфа, Марианна, Фекла

Именины 21 июня 2021
Василий, Константин, Павел, Федор, Ефрем

Госці краін

free counters
Партнеры сайта