Авторизация
 

Атуліць ветэранаў увагай і клопатам. Аргкамітэт па падрыхтоўцы да святкавання 75-годдзя Перамогі прайшоў у Міёрах

 На Віцебшыне каля 4 тысяч ветэранаў, працаўнікоў тылу і пацярпелых ад ваенных дзеянняў, у тым ліку 648 былых франтавікоў, падпольшчыкаў, ветэранаў. Сярод іх 168 адзінокіх і 421 адзінока пражываючы, большасць з іх інваліды першай і другой груп. На пасяджэнні аргкамітэта па падрыхтоўцы да святкавання 75-годдзя Перамогі яго кіраўнік, старшыня абласнога Савета дэпутатаў Уладзімір Цярэнцьеў заўважыў, што трэба кожнага атуліць увагай і клопатам. 

З першага красавіка пачалі выплачваць аднаразовыя матэрыяльныя дапамогі. Хто карыстаецца карткай, грошы пералічваюць у банк. Атрымальнікам пенсіі праз пошту прынясуць дапамогу дадому. Арганізавана дастаўка прадуктаў, лекаў па месцы жыхарства.
З 12 красавіка пачнуць выдаваць медалі. З улікам эпідэміялагічнай сітуацыі папярэдзілі групамі не наведвацца. Візіты нанясуць людзі, якія пройдуць спецыяльны медагляд, каб не нашкодзіць здароўю пажылых. У першую чаргу завітаюць да ўдзельнікаў баявых дзеянняў, ветэранаў Вялікай Айчыннай вайны. З 22 красавіка – пачнуць уручаць медалі пацярпелым ад яе наступстваў. Незалежна ад адраса пражывання з юбілеем Перамогі неабходна павіншаваць усіх, у тым ліку і за межамі вобласці і краіны. Не забыцца пра сем’і загінулых, партызан, падпольшчыкаў.


На Віцебшчыне нямала воінскіх пахаванняў, з якіх 10 самых буйных. Шмат зроблена па іх добраўпарадкаванні, гэтым даручана займацца далей, кансалідуючы намаганні органаў улады, працоўных калектываў, грамадскасці. На парадку дня завяршыць рэканструкцыю мемарыяльнага комплексу «Рыленкі» ў Дубровенскім раёне, добраўпарадкаваць самае масавае воінскае пахаванне ў краіне, што знаходзіцца ў вёсцы Шапуры Віцебскага раёна.


Актуальнае цяпер стварэнне аб’яднанага абласнога зводу воінскіх пахаванняў, а таксама ахвяр вайны, памятных месц і іншых падобных аб’ектаў на Віцебшчыне. Спісы будуць акумулявацца ў абласным музеі Героя Савецкага Саюза Міная Шмырова. Пашырыць доступ да іх размяшчэнне ў сетцы Інтэрнэт. Да 20 красавіка плануюць устанавіць 148 інфармацыйных банераў-указальнікаў да воінскіх пахаванняў. Мінуць памятнае месца ўжо наўрад ці хто зможа.


Актывісты «БРСМ» аб’явілі гарачыя лініі, па якіх прымаюць заяўкі аб аказанні ўсялякай дапамогі не толькі ветэранам вайны, але і пажылым. Валанцёры дзейнічаюць у кожным рэгіёне.


На пасяджэнні раённага штаба па падрыхтоўцы да 75-годдзя Перамогі абмеркавалі парадак візітаў да сваіх франтавікоў, ветэранаў, вязняў канцлагераў. Старшыня раённага Савета дэпутатаў Марыя Баніфатава завастрыла ўвагу на добраўпарадкаванні памятных месц, дзе зрабілі нямала, але яшчэ не ўсё. У планах правесці сумесныя суботнікі. Аддаць даніну павагі загінулым воінам закліканы працоўныя калектывы, шэфскія арганізацыі, прадстаўнікі грамадскасці, маладзёжныя актывісты.

Фота для ілюстрацыі.

Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 апреля 2021
Ефим, Иван, Макар, Сергей, Мария

Именины 13 апреля 2021
Вениамин, Иван, Иннокентий, Иосиф, Анна

Госці краін

free counters
Партнеры сайта