Авторизация
 

Строга па кадастры працуе аддзел землеўпарадкавання райвыканкама ў Міёрах

  Аддзел землеўпарадкавання райвыканкама можна назваць маладзёжным. Узначальвае яго Павел СУШКО, галоўныя спецыялісты – Анастасія ЮРША і Таццяна ГРЭЦКАЯ. Яны сцвярджаюць, што важная задача калектыву – арганізаваць эфектыўнае выкарыстанне і ахову зямлі як асноўнага прыроднага рэсурса з патрабаваннямі Канстытуцыі краіны і іншых заканадаўчых актаў. Што гэта азначае ў адносінах найперш да насельніцтва?

– Па зваротах грамадзян прадастаўляем зямельныя ўчасткі для будаўніцтва жылля і яго абслугоўвання, вядзення асабістай падсобнай гаспадаркі, афармляем дакументацыю і дзяржаўную рэгістрацыю ўгоддзяў, а таксама кансультуем па такіх напрамках дзейнасці, – расказвае Павел Аляксандравіч. – Падчас праверак і маніторынгаў кантралюем выкарыстанне зямель па мэтавым прызначэнні, іх ахову і эфектыўнасць эксплуатацыі, кадастравы ўлік, выкананне заканадаўства пры прадастаўленні ўчасткаў і іх адабранні. Такія ж дзеянні ў адносінах да сялянскіх (фермерскіх) гаспадарак.


Напрыклад, летась задаволена 11 заяў на выдзяленне ўчасткаў для індывідуальнага будаўніцтва і абслугоўвання жылля, у тым ліку тры ў горадзе. Попыт «на пляцы» ў параўнанні з папярэднімі гадамі памяншаецца. Затое фермеры і гаспадары аграэкасядзіб, што выпрабавалі свае сілы ў працы на зямлі, не супраць атрымаць ці павялічыць на- дзелы. Гэтым займаліся ў Заазерцах, Курылавічах, Навалацы.


У адносінах да сельгаспрадпрыемстваў на першым плане выяўленне і ўцягненне ў гаспадарчы абарот невыкарыстоўваемых ці неэфектыўна выкарыстоўваемых зямель. Нагадаю, што агульная плошча зямель раёна складае 178 664 гектары, з іх 44 % ці 77 858 га сельскагаспадарчага прызначэння.


Угоддзі вялікія, яны павінны прыносіць карысць дзяржаве і людзям, неабходнасць кантролю за гэтым ёсць. Толькі за мінулы год пасля сумеснага з сельвыканкамамі абследавання населеных пунктаў накіравалі суб’ектам гаспадарання 53 прадпісанні, з іх 33 юрыдычным асобам, астатнія – фізічным. Складзена 39 пратаколаў па прычынах зарастання ўчасткаў хмызнякамі ці дзікатраўем, неасваення ў вызначаныя тэрміны, самавольнага заняцця зямлі.


У гэтай сувязі лічу патрэбным звярнуць увагу жадаючых займець зямлю на два моманты. Па-першае, калі маеце намер заняцца будаўніцтвам, пралічыце свае фінансавыя магчымасці, каб распачаць узвядзенне жылля на працягу года. Інакш угоддзі могуць адабраць. Летась у адносінах да аднаго забудоўшчыка гэта зрабіў суд, два адмовіліся ад атрыманых участкаў самі, хаця ўжо панеслі пэўныя выдаткі.


Другі момант мае дачыненне не толькі да пачынаючых землеўладальнікаў: угоддзі неабходна заканадаўча аформіць. У іншым выпадку ўзнікаюць цяжкасці з падводам электрычнасці, прыроднага газу і вады. Немагчыма юрыдычна правесці любую здзелку з маёмасцю. Практыка сведчыць, што больш за 80 % зямельных канфліктаў узнікаюць з-за адсутнасці патрэбных дакументаў. Тады ў высвятленне абставін уключаецца суд, на што спатрэбяцца час, нервы і дадатковыя грашовыя выдаткі.


Эфектыўнаму выяўленню невыкарыстоўваемых ці неэфектыўна выкарыстоўваемых угоддзяў садзейнічае не толькі планава-картаграфічны матэрыял, але і дадатак Геапартал Зіс, іншыя сучасныя сродкі. Пэўныя плошчы па прычыне памяншэння сельскага насельніцтва становяцца не патрэбнымі для сенакашэння і выпасу жывёлы. Іх перадаюць сельгасарганізацыям, фарміруюць участкі для будаўніцтва і абслугоўвання жылля. Цяпер, напрыклад, прапануем перспектыўным забудоўшчыкам 269 пляцоў агульнай плошчай у 53 гектары. У найбольш прывабных па прыродных і іншых умовах населеных пунктах сёлета будзе вынесена на аўкцыёны шэсць надзелаў з мэтай узвядзення жылля для набыцця ў прыватную ўласнасць. Плошча кожнага да 25 сотак пры кошце квадратнага метра ад 28 капеек на вёсцы да 4,5 рубля ў горадзе. Ужо 26 лютага выносіцца на таргі ўчастак у Мурашках. Затым настане чарга пляцоў у аграгарадку Язна (два), Міёрах (вул. Ізварына, 20А), Пераброддзі і Снегах. У Дзісне прапануецца пакупнікам участак для размяшчэння гандлёвага павільёна.


У садоўніцкім таварыстве «Вяснянка» плошчай 52 гектары зарэгістраваны 323 члены. Пастаянны попыт на ўгоддзі на беразе возера і паблізу райцэнтра. На пачатак лютага там пуставалі толькі тры ўчасткі.


Адсочваем увядзенне ў абарот угоддзяў пасля зносу старых пабудоў у сельскіх населеных пунктах. Іх не так шмат – летась вёскі пабяднелі на 22 сядзібы, што займалі 4,4 га. Аднак і яны не павінны зарастаць хмызнякамі ці баршчэўнікам.

Адзначаеце, што за мінулы год склалі 39 пратаколаў. Санкцыі дасягнулі 697 рублёў. Якія парушэнні караюцца штрафамі?
– Яны ўжо названы. Гэта найперш зарастанне хмызнякамі, пустазеллем ці шкоднымі раслінамі ўчасткаў, выдзеленых для будаўніцтва або гаспадарчай дзейнасці; неасваенне ўгоддзяў ва ўстаноўленыя тэрміны; самавольнае заняцце зямлі.

Якія першачарговыя задачы стаяць перад аддзелам сёлета?
– Мы з году ў год працуем над выкананнем зямельнага заканадаўства. Цяпер таксама кантралюем выкарыстанне і ахову ўгоддзяў, найперш сельскагаспадарчага прызначэння, у межах населеных пунктаў і садовага таварыства; захаванне заканадаўства пры прадастаўленні і адабранні ўчасткаў; актуалізуем кадастравы ўлік.

Работнікі аддзела маюць асабістыя зямельныя ўгоддзі?
– Я – не, а мае падначаленыя маюць і імкнуцца выкарыстоўваць іх згодна з зямельным заканадаўствам.

Фота Казіміра БЛАЖЭВІЧА.

Гутарыў Леанід МАТЭЛЕНАК.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 июня 2021
Александр, Алексей, Иван, Кирилл, Рафаил, Мария, Марфа, Марианна, Фекла

Именины 21 июня 2021
Василий, Константин, Павел, Федор, Ефрем

Госці краін

free counters
Партнеры сайта