Дапамажыце маленькай Сафіі вылечыцца!

 Просяць дапамогі ў зборы сродкаў для лячэння Сафіі ЖАГУНЬ яе бацькі. Дзяўчынка нарадзілася здаровай 14 лістапада 2019 года. У адзін месяц прайшла планавы агляд ва ўрача-неўролага. Паталогій не выявілі, але маці і тата забілі трывогу. Бачылі: дачушка мала рухае ручкамі і ножкамі, не імкнецца трымаць галоўку.

 Звярнуліся ў бальніцу ў Баранавічах, далей іх накіравалі ў РНПЦ «Маці і дзіця» ў Мінску. Там маленькай паставілі дыягназ «Спінальная мышачная атрафія 1 ступені». Такія дзеткі без неабходнага лячэння не дажываюць да двух гадоў.
У Беларусі гэтае захворванне не лечаць. Ёсць толькі адзін прэпарат, здольны дапамагчы. Яго выпускаюць у ЗША, кошт – 2,5 мільёна долараў. Самастойна сям’і не сабраць такую суму. Разглядаюць альтэрнатыўныя варыянты лячэння і спадзяюцца на нераўнадушных людзей.

Стан Сафіі пастаянна пагаршаецца. Важна не ўпусціць час. Дапамажыце, чым можаце: фінансавымі сродкамі, распаўсюджаннем інфармацыі.

Фотаматэрыял з архіва сям'і ЖАГУНЬ.