Авторизация
 

На рэкламу сваіх паслуг швачка Лідзія Урбанчук з Дзісны не трацілася. Напісала ў "Аднакласніках", і гэтага хапіла

 Скарыстаўшыся правам, прадугледжаным ва Указе «Аб рэгуляванні дзейнасці фізічных асоб», жыхарка Дзісны Лідзія УРБАНЧУК занялася рамонтам і пашывам адзення. Яе паслугі запатрабаваныя ў дзісенцаў і жыхароў навакольных вёсак.

Замяніць маланку ў куртцы, падкараціць штаны, залапіць рукавы пінжака… За гэтымі і іншымі паслугамі па рамонце адзення дзісенцы звяртаюцца да мясцовага майстра Лідзіі Урбанчук.
– За дзень чатыры – шэсць заказаў. Адны прыносяць адзенне, якое трэба падправіць. Другія – матэрыял для цюляў ці пасцельнай бялізны. Сама закупаць тканіну для пашыву не маю права, – расказвае майстрыца, якую засталі за ўшываннем маланкі ў куртку.


У невялікім памяшканні камбіната бытавога абслугоўвання, дзе знаходзілася мужчынская цырульня, цяпер весела стракочуць швейныя машынкі. Іх у Лідзіі Іванаўны чатыры. У кожнай свае задачы. На адной абмётку зручней рабіць, на другой лапіны прышываць. На сталах раскладзена верхняе адзенне. Як заўважае майстрыца, замена маланкі ў куртцы – самая актуальная патрэба.
Сваю справу Лідзія Урбанчук распачала ў чэрвені мінулага года. Да гэтага працавала тэхнолагам у мясцовым цэху «Віцябчанкі». Шыць навучылася яшчэ ў дзяцінстве. Скончыла Віцебскі тэхналагічны каледж.


– Швейную справу ведаю і люблю, вопыт маю, таму на свой хлеб пайшла без страху і сумненняў, – гаворыць субяседніца. – Падтрымаў мяне старшыня гарвыканкама Яўген Баран. З арэндай памяшкання праблем не ўзнікла. Адзіны мінус у тым, што ацяплення тут няма. Выручае абагравальнік. Мае паслугі аказаліся запатрабаванымі ў гарадскіх і сельскіх жыхароў.
З Язна, куды едзе наведаць родных, Лідзія Іванаўна пастаянна прывозіць сумкі адзення на рамонт. Звяртаюцца да яе вяскоўцы з Бычыншчына, Мікалаёва, Сіцькова. Нават некаторыя жыхары Полацка аддаюць перавагу паслугам дзісенскай майстрыцы.
Рада Лідзія Іванаўна, што яе ўласная справа прыносіць людзям карысць, а ёй дае магчымасць зарабіць і самарэалізавацца.

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 мая 2021
Иван, Исаакий, Кирилл, Климент, Леонтий, Никита, Николай, Мария, Пелагея

Именины 16 мая 2021
Викентий, Николай, Павел, Петр, Тимофей, Ульяна

Госці краін

free counters
Партнеры сайта