Авторизация
 

- Хай прынясе ўдачу мышка белая, - жадаюць работнікі Міёрскай ветстанцыі

 Год Белага Металічнага Пацука павінен удала скласціся для ветэрынарнай станцыі. Тут жывых сімвалаў 2020-га – дзясяткі. Толькі не пацукі, а мышкі. Гэта не так важна. Усё роўна з аднаго атрада грызуноў.

Ветсанітары Марына Урбановіч і Людміла Масал прыпадымаюць крышку шырокай драўлянай скрыні – маленькія белыя мышкі мітусліва разбягаюцца ў розныя бакі. Здаецца, іх тут безліч. Па суседстве клеткі з сімпатычнымі трусамі і марскімі свінкамі.
У іх доміках пастаянна прыбіраюць. Кормяць тройчы на дзень. Як расказалі ветсанітары, мышкі любяць паласавацца зернем і белым хлебам.


– Мне падабаецца іх даглядаць. Можна сказаць, гэта хобі, бо сама ўжо пенсіянерка, – усміхаецца Людміла.
– І я таксама жывёл люблю. Пяць гадоў тут працую, – гаворыць Марына.
Між тым лёс у гадаванцаў незайздросны.


– Мышы патрэбны для вопытаў, – заўважае вядучы ветэрынарны ўрач-бактэрыёлаг Вераніка Навіцкая. – На іх правяраем уздзеянне вірусаў, якія пасяляюцца ў арганізмах сельскагаспадарчых жывёл, і якасць кармоў.
Такім чынам, невялікія белыя мышкі служаць добрую службу для сельскай гаспадаркі. У пэўнай ступені ад іх таксама залежыць наш дабрабыт. А ў наступным годзе – тым больш.

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта