Авторизация
 

Салодкія навінкі да навагодняга стала прапанавалі на Міёрскім хлебазаводзе

 Святочнае меню без торта – як Новы год без снегу. Колькі б ні паставілі талерак з «Аліўе» і «Селядцамі пад шубай», упрыгожвае стол менавіта салодкі ласунак. Адны гаспадыні выпякаюць самі, іншыя спяшаюцца ў магазін.

Звычайны рабочы дзень у кандытараў хлебазавода пачынаецца ў сем раніцы. Перад святамі бяруцца за справу раней. Свой пост не пакінуць, пакуль не выканаюць усе заяўкі.
– Да Каляд прыгатавалі 190 тортаў. Справіліся ў тэрмін. Частка салодкай прадукцыі адправілася ў Верхнядзвінскі раён, астатнія – на паліцы міёрскіх магазінаў, – расказвае вядучы інжынер-тэхнолаг Ганна Іванова (на здымку). – Працуем па заяўках. Паступаюць яны, як правіла, за некалькі дзён да свята. Выпякаем торты і па індывідуальных заказах.


«Букет руж», «Правінцыялка», «Казка дзяцінства», «Элегія», «Калінкавіцкі», «Міёрскі з арахісам». Так называюцца салодкія прапановы. Прывабныя знешне і фантастычныя на смак. Падобныя толькі тым, што ў аснове бісквіт. Акрамя «Калінкавіцкага». У ім мядова-заварныя каржы, праслоеныя варанай згушчонкай. Гэта абумоўлівае працяглы тэрмін прыдатнасці – да 30 сутак. Зручны варыянт для тых, хто збіраецца далёка ў госці і хоча прывезці ў падарунак мясцовы ласунак.


У міярчан, заўважае Ганна Іванова, карыстаецца попытам «Правінцыялка». Праслойка – раслінныя вяршкі і шакаладная глазура, на паверхні – люстраная карамель. Рэцэпт «Міёрскага з арахісам» прыдумалі на хлебазаводзе. Бісквітныя каржы прамазва-
юць расліннымі вяршкамі з вішнёвым джэмам, затым шчодра пасыпаюць арахісам.


Каманда кандытараў невялікая і зладжаная. Наталля Шульга і яе дачка Караліна, Лілія Чалала і Наталля Заяц да перадсвяточнага рэжыму прывыклі. Укладваюцца ў аб’ёмы і тэрміны, не забываючыся на творчы падыход. Упрыгожванне для тортаў прыдумваюць самі. У перадкалядным дэкоры пераважалі свечкі і яловыя галінкі. Гатовы прыступіць да навагодняй тэматыкі.

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 13 апреля 2021
Вениамин, Иван, Иннокентий, Иосиф, Анна

Именины 12 апреля 2021
Захар, Иван

Госці краін

free counters
Партнеры сайта