Авторизация
 

У Дзісенскім аддзяленні кругласутачнага знаходжання не дажываюць, а жывуць весела і актыўна

 Удзельнікаў выязнога пасяджэння прэзідыума раённага Савета дэпутатаў у Дзісенскім аддзяленні кругласутачнага знаходжання пажылых і інвалідаў сустрэлі песняй. Пастаяльцы да канцэртаў звыклыя. Усе святы адзначаюць. Галоўныя вакалісты – удзельнікі клуба «Залаты ўзрост». Яны штодзень у госці заходзяць як падапечныя аддзялення дзённага знаходжання. Нават Ядвіга Ганебная з Полацка наведваецца.

З парога ўдзельнікі прэзідыума зразумелі, што ў бабуль-дзядуль жыццё насычанае. Усюды чыста, праветрана, глядзяць за імі пільна. Адчуваецца цёплая атмасфера, а яна спрыяе доўгаму жыццю. Нездарма ўзрост пастаяльцаў старэй за 80. Цяпер іх 26 у аддзяленні, разлічаным на 35 месц.


Амаль з кожным з іх пазнаёміліся асабіста, калі праводзіла экскурсію дырэктар тэрытарыяльнага цэнтра сацыяльнага абслугоўвання насельніцтва Алена Шамёнак. Яна засяродзіла ўвагу на сацыяльных аспектах.


Па інфармацыі Алены Венядзіктаўны, на 1 кастрычніка ў раёне налічвалася 657 інвалідаў І і ІІ груп, 5 400 пажылых, з якіх 550 – адзінокія. Каля 400 жывуць у аддаленых і маланаселеных вёсках. Усе яны не застаюцца без дзяржаўнай падтрымкі, але многія маюць патрэбу не ў перыядычных візітах сацыяльнага работніка, а ў пастаянным доглядзе.


Састарэлым цяжка прыгатаваць сабе ежу, памыцца, выцепліць печы. Аддзяленне кругласутачнага знаходжання для пажылых і інвалідаў – як выратаванне. Тут ёсць усё, што патрэбна адзінокаму. Пры жаданні можна вярнуцца ў свой дом, звыклае асяроддзе. Але мала хто з пацыентаў мае такі намер. У пакоях па два – тры чалавекі. Яны з гонарам паказваюць свае «кватэры», ахвотна дзеляцца перажытым, расказваюць пра здароўе.


Ганне Гурскай 87. У аддзяленне прыехала з вёскі Гусакі Завуццеўскага сельсавета восем гадоў таму. Рада расказаць кожнаму новаму чалавеку, як ёй тут добра.


 – Што б мы рабілі, каб не гэты дом, – гаворыць Ганна Сяргееўна. – Памерлі б ад тугі, адзіноты. У мяне з родзічаў толькі пляменнік. Што яму дакучаць? Тут я з лю- дзьмі, у цяпле, у чыстым, накормленая. Ніякіх клопатаў.


Марыі Мурашка з Кухаронкаў, што ў Завуццеўскім сельсавеце, 83. Усё жыццё на ферме адпрацавала. Мужа не стала, дзяцей не нажылі, засталася адзінокая. У аддзяленні жыве сёмы год. Усім задаволена. Паслухмяна выконвае рэкамендацыі персанала. Яе захопліваюць заняткі па прафілактыцы дэменцыі. Выкладваць карціны з гузікаў асабліва па душы. З сяброўкай Зінаідай Іванаўнай асвоілі скандынаўскую хадзьбу. Часта на прагулцы прыцягваюць увагу дзісенскіх турыстаў. Марыя Сяргееўна за адно толькі перажывае: каб пастаяльцаў болела, тады б яшчэ весялей жылося.


Міхаілу Пахірку 92 гады. У такім паважаным узросце патрэбны пастаянны догляд. Адзіная дачка жыве ў Бельгіі, быць побач не мае магчымасці. Аднак спакойная за бацьку, наведваецца да яго два разы ў год. Удзячна за клопат і ўвагу аддзяленню, чым можа дапамагае. Дзякуючы яе спонсарству сёлета для аказання своечасовай і экстраннай дапамогі жылыя пакоі абсталявалі кнопкамі выклікаў персаналу, сігнал ад якіх паступае на пункт дзяжурства малодшай медсястры.


Як звярнула ўвагу Алена Шамёнак, за апошнія два гады для ўмацавання матэрыяльна-тэхнічнай базы аддзялення грамадскія, спонсарскія, дабрачынныя арганізацыі, прадпрыемствы і ўстановы выдаткавалі 16 167,62 рубля.


Шэфскую дапамогу па добраўпарадкаванні аказвае СУП «Цітова». Уласнік «Дэмскага сада» Уладзімір Кашкур забяспечвае саджанцамі для азелянення. Таму і дваровая тэрыторыя аддзялення з тэрапеўтычнымі зонамі адпачынку заслугоўвае асаблівай увагі.
У будынку нават намёку на казёншчыну няма. Камфортнаму тэмпературнаму рэжыму паспрыяла замена старых ваконных рам на шклопакеты, – гэта першае, з чаго пачынаўся рамонт былой школы-інтэрната. Цёплыя пакоі, акуратныя калідоры, неабходная мэбля. Вясёлая каляровая гама. На падлозе дыванкі. У распараджэнні пастаяльцаў сталовая, куды наведваюцца чатыры разы на дні. Свая малельная, дзе сустракаюцца са святарамі, удзельнічаюць у богаслужэннях. Утульна ў «хатцы ўспамінаў», аформленай у духу даўніны. Пазітыўныя эмоцыі атрымліваюць у кабінеце рэлаксацыі, фітабары. Пастаянна трымацца ў тонусе дапамагаюць пажылым спартзала, пляцоўка для прафілактыкі дэменцыі. Усяго на паляпшэнне ўмоў пражывання за 2012 – 2017 гады затрацілі 105 685 дэнамінаваных рублёў мясцовага бюджэту.


Публіка ў аддзяленні творчая. Спяваюць, майструюць. Задумалі аформіць пакоі ў розных стылях. Гасцям прадэманстравалі джынсавы інтэр’ер. Па душы пажылым разнастайныя гурткі, любяць плесці з газетных трубачак. А яшчэ чытаюць. У пашане перыёдыка, нават класіка і вершы. Іх выдатна дэкламуе па памяці заўзяты актывіст Іван Ісаковіч. У час канцэртнай праграмы да слёз расчуліў гасцей паэтычным радком пра маці. Здзівіла дэкламатарскім майстэрствам Зіновія Талічан. У свой 91 год вершаваным творам яна бадзёра павучала, як старэць дастойна. На светлым, добрым твары амаль няма маршчын. Яшчэ жанчына цудоўная рукадзельніца, прыгожа вяжа.


Кожны з жыхароў аддзялення хоча ўвагі, душэўнага ўдзелу і спакою. Персанал стараецца іх абагрэць, заспакоіць. З хваробамі дапамагае змагацца Дзісенская бальніца сястрынскага догляду. І сюды зазірнулі ўдзельнікі прэзідыума. Як расказала галоўны ўрач Святлана Палячэнка, тут ёсць адзінокія пажылыя і састарэлыя, якія маюць патрэбу больш у доглядзе, чым у лячэнні. Цяпер з 40 ложкаў заняты 33. Самай старэйшай пацыентцы 97 гадоў, не на шмат маладзейшыя астатнія. Многія не могуць абслугоўваць сябе, ляжачыя. Выхаджаных пацыентаў, якія яшчэ на сваіх нагах і пры здаровым розуме, медыкі ўпэўніваюць пасяліцца ў аддзяленне кругласутачнага знаходжання. На жаль, згаджаюцца не ўсе, хоць дома ніхто не чакае.


Як заўважыла старшыня райсавета дэпутатаў Марыя Баніфатава, пад дахамі наведаных устаноў жыве міласэрнасць – клапатлівая, цярплівая, надзейная. Людзей, якія на пярэднім плане ўвагі сацыяльнай службы і медыкаў, шмат. Дайсці да кожнага пажылога, аказаць неабходную дапамогу, адрасна, у тэрмін – задача ўсіх служб на тэрыторыі кожнага сельсавета.

ДАВЕДКА
Аддзяленне кругласутачнага знахо- джання пажылых і інвалідаў дзейнічае на Міёршчыне з 2004 года. Адкрылі спачатку на базе Дзісенскай бальніцы на 20 ложка-месцаў. У 2013 годзе Дом без адзіноцтва, а менавіта так называюць аддзяленне сацыяльныя работнікі і самі пастаяльцы, размясціўся ў былым будынку школы-інтэрната. Дзеляць яго з аддзелам па адукацыі: на трэцім паверсе сацыяльны прытулак. На двух першых – усё для пажылых.

У ТЭМУ
На пражыванне, харчаванне, іншыя паслугі з пенсіі пастаяльцаў штомесяц вылічваюцца 85 %. На ўмовах частковай аплаты па рашэнні райвыканкама паслугі атрымліваюць пяць чалавек. На ўсе выдаткі адлічэнняў не хапае. Толькі на 33,5 % імі пагашаюць расходы на ўтрыманне аднаго ў месяц, што на 1 кастрычніка склала 844,74 рубля. Астатнія датуе дзяржава.

Фотаматэрыял Казіміра БЛАЖЭВІЧА.

Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 14 мая 2021
Герасим, Ефим, Игнатий, Макар, Нина, Тамара

Именины 13 мая 2021
Василий, Игнатий, Климент, Максим, Никита, Яков, Ефрем

Госці краін

free counters
Партнеры сайта