Авторизация
 

Куды здаць лішкі прадукцыі

 Верхнядзвінскае райспажыўтаварыства на пастаяннай аснове закупляе ў насельніцтва сельскагаспадарчую прадукцыю, чорны і каляровы металы, другасную сыравіну, мяса буйной рагатай жывёлы. У кожнай гандлёвай кропцы Міёршчыны дзейнічае «Куток здатчыка» з інфармацыяй пра прыёмку, ДАСТы, цэны. Больш падрабязна – на сайце аддзела нарыхтовак Верхнядзвінскага райспажыўтаварыства http://vdvinskkzp.by/. 

Здаць яблыкі і другасную сыравіну можна ў наступных магазінах: «Родны кут» (г. Міёры, вул. Леніна, 66), № 133 (г. Міёры, вул. Юбілейная, 5), № 107 ва Узмёнах, № 108 у Даўгінаве, № 109 у Слабадзе, № 110 у Паташні, № 111 у Павяцці, № 112 у Ідолце, № 114 у Пад’ельцах, № 115 у Чапуках, № 117 у Новым Пагосце, № 116 у Наўгародах, № 118 у Волкаўшчыне, № 119 у Туркове, № 120 у Дрыгучах, № 121 у Пераброддзі, № 122 у Чэрасах, № 130 у Старых Круках.


Апалыя яблыкі можна здаць па адрасе г. Міёры, вул. Вакзальная, 3А. Там цана будзе вышэй.
Другасную сыравіну і металалом прымуць па адрасе г. Міёры, вул. Вакзальная, 2А.

Належную ўвагу надаюць якасці прымаемай прадукцыі. Ёсць правілы.

МАКУЛАТУРА не павінна быць забруджанай хімікатамі, лакафарбавымі рэчамі і масламі. Не дапускаецца дабаўленняў дрэва, жалеза, калькі, канцылярскіх счэпак, пластыкавых файлаў і папак. Не прымуць вельмі забруджаную, гарэлую, вільготную і ламініраваную макулатуру. Нельга здаваць харчовае смецце: абгорткі ад цукерак, вырабы з устойлівага да вільгаці кардону (каробкі з-пад малака, пачкі ад цыгарэт і іншыя ўпакоўкі з лакавым ці поліэтыленавым пакрыццём), ламініраваную і наждачную паперу, а таксама пакрытую фольгай ці тканінай. Пажадана ўвязаць стопку макулатуры шпагатам ці скласці ў каробкі або мяхі.


ПОЛІЭТЫЛЕН мяккі і плёнка павінны быць чыстымі, без бруду і пылу, рэштак прадукцыі. Не прымаюць бутэлькі з полікарбанату, поліпрапілену, ПВХ і іншыя, з-пад алею, малака, тэхнічных вадкасцей. Нельга здаваць непразрыстыя ёмістасці і нестандартных колераў (залаты, сярэбраны, фіялетавы, белы). Унутры не павінна быць вадкасці і ПВХ (трубачак). Крышачкі адкруціце – яны не патрэбны.


Прымаюць ПОЛІЭТЫЛЕНАВЫЯ СКРЫНІ І ЛОМ СКРЫНЯЎ рыбных, гароднінных, малочных, віна-гарэлачных, каўбасных, якія вышлі з ужытку. Не дапускаецца рэштак ежы, тлушчу, бруду і пылу.


ПОЛІЭТЫЛЕНАВЫЯ КАНІСТРЫ з-пад розных вадкасцей павінны быць чыстымі, без напаўнення.


Прымаем ШКЛАБОЙ: шкляныя бутэлькі піўныя, з-пад гарэлкі, безалкагольных напояў, віна, шампанскага, слоікі, слоічкі з-пад дзіцячых кансерваў, стары шкляны посуд, аптычнае шкло, шкляныя трубкі. Пажадана складваць яго ў мяхі. Біць матэрыял не варта, возьмем і цэлую тару. Не падыдуць люстэркі, аконнае і шматслойнае шкло, вырабы з арміруючай сеткай ці тугаплаўкай сыравінай, каленае шкло, бітае з іншароднымі прадметамі (камяні, жалеза, вугаль, кераміка). Шклабой павінен быць сухім.

Да пладоваагародніннай прадукцыі наступныя патрабаванні.

Морква. Караняплоды свежыя, без захворванняў, трэшчын і забруджванняў, пашкоджанняў шкоднікамі. Аднароднай афарбоўкі, акуратнай формы. Памер па найбольшым дыяметры – 2,5 – 6 сантыметраў.


Чырвоныя буракі. Свежыя сухія караняплоды, цэлыя, без захворванняў, трэшчын і пашкоджання сельскагаспадарчымі шкоднікамі. Мякаць сакавітая цёмна-чырвоная. Дыяметр караняплодаў 5 – 12 сантыметраў.


Цыбуля. Спелая, здаровая, сухая і незабруджаная. Шыйка – 2 сантыметры. Памер цыбулі авальнай формы ў 4 см, іншай – 5 см.
Бульба харчовая. Клубні цэлыя, сухія, непрарослыя, без бруду і захворванняў, спелыя са шчыльнай лупінай. Памер – 6 сантыметраў. Не бяром завялыя, маршчыністыя, разрэзаныя, пабітыя і пашкоджаныя.


Капуста. Свежая, цэлая, без хвароб, непрарослая, чыстая, аднаго батанічнага гатунку, без пашкоджанняў. Качаны шчыльныя, не рыхлыя. Вага – не менш за 1,3 кілаграма.


Журавіны. Свежыя, спелыя, чыстыя, без пабочнага паху і пладаножак, без пашкоджанняў і захворванняў. Ягады павінны быць вільготныя, але не цячы. Не прымаем зялёныя, з прымесямі іншых раслін, галінак, моху і лісця.

Фота з архіва рэдакцыі.
Ірына ТАМАШЭВІЧ,
старшыня праўлення Верхнядзвінскага райспажыўтаварыства.
Таццяна МАСЛЯКОВА,
галоўны бухгалтар.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 448
  • 0

Інвестыцыйны форум

  • 23 сентябрь 2011, 10:05
  • 81 479
  • 1

Злавілі рыбку, ды… залатую

  • 28 февраль 2011, 16:16
  • 62 118
  • 0

Пераброддзе 2012. Погляд вучонага

  • 31 август 2012, 15:19
  • 40 947
  • 0

  • 11 февраль 2011, 11:20
  • 39 625
  • 0

Кандыдатамі жадаюць стаць

  • 21 август 2012, 15:30
  • 36 131
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 200
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 сентября 2019
Александр, Алексей, Глеб, Давид, Ефим, Захар, Максим, Федор, Елизавета, Ираида, Раиса, Афанасий

Именины 17 сентября 2019
Александр, Василий, Григорий, Иван, Митрофан, Михаил, Моисей, Николай, Павел, Петр, Степан, Федор, Юлиан, Елена

Госці краін

free counters
Партнеры сайта