Авторизация
 

У Завуцці выратавальнікі ліквідавалі пагрозу дому

 Адным дажджлівае і ветранае ліпеньскае надвор’е проста псуе настрой. А іншых прымушае ўсур’ёз пахвалявацца. Пенсіянерка з Завуцця Ніна Пятроўна Пухальская занепакоілася, калі над дваром навісла старое дрэва. Адвялі бяду электрыкі і выратавальнікі.

Парываў ветру не вытрымала высокае дрэва ля лазні ў двары. Навісла над пабудовай, кранаючы галінамі правады электралініі. Ад лазні да жылога дома – некалькі метраў.

У РЭДАКЦЫЮ Ніна Пятроўна патэлефанавала 9 ліпеня ў другой палове дня. З двара толькі паехалі выратавальнікі. Яе дому больш нічога не пагражала.


– Паўдня хлопцы адпрацавалі. Як прыехалі ў дзевяць раніцы, так да двух гадзін нават не перадыхнулі. Вось працаўнікі! – гаворыць у трубку.


На дапамогу сяльчанцы паспяшаліся выратавальнікі з дзісенскага пажарнага аварыйна-выратавальнага паста № 16. Камандзір аддзялення Павел Іваноў, вадзіцель Дзмітрый Гарноўскі разам з начальнікам паста Пятром Конахам і намеснікам начальніка Міёрскага РАНС Пятром Мядзельцам. Узабраліся на дрэва, па частках яго распілоўвалі. Гаспадыня назірала за работай і здзіўлялася іх смеласці і працавітасці.


– Зрабілі ўсё як належыць. Прыбралі, – расказвае Ніна Пятроўна. – Папрасіла паправіць пашкоджаны дрэвам плот. І тут дапамаглі, хоць гэта і не ўваходзіла ў іх службовыя абавязкі.


На шчасце, ад старога дрэва пацярпелі толькі плот і лазня, якую трэба рамантаваць. Дзякуючы аператыўнай і зладжанай рабоце выратавальнікаў, засталіся цэлымі дом і іншыя пабудовы ў двары.


– Пакуль ішлі работы па ліквідацыі, не пакінуў мой падворак старшыня нашага сельвыканкама Аляксандр Качан. Дзякуй яму за ўвагу і падтрымку, – гаворыць пенсіянерка. – Вельмі ўдзячна хлопцам-выратавальнікам. Моцнага здароўя, дабрабыту, усяго найлепшага тым, хто пазбавіў мяне ад сур’ёзнай пагрозы.

Фота прадастаўлена Міёрскім РАНС.

Падрыхтавала
Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта