Авторизация
 

Сустрэча для старшакласнікаў у Міёрскім аддзеле загса

 Утульны свет, дзе цябе прымаюць і любяць такім, які ты ёсць. Вось прыкмета сапраўднай і шчаслівай сям’і. Пра сямейныя каштоўнасці гаварылі ў аддзеле загса райвыканкама 15 мая. Прымеркаванае да Міжнароднага дня сям’і мерапрыемства прайшло па ініцыятыве супрацоўнікаў аддзела і раённага камітэта ГА “БРСМ”.

УДЗЕЛЬНІКІ сустрэчы – дзесяцікласнікі Міёрскай СШ № 2. Азнаёміліся з дзейнасцю аддзела загса, зазірнулі ў архіў, дзе захоўваюцца запісы актаў грамадзянскага стану, пачынаючы з 1944 года, даведаліся пра вясельныя традыцыі.


Начальнік аддзела Вольга Галімбоўская павіншавала гасцей з Міжнародным днём сям’і і падкрэсліла, што першая прыступка сямейнага жыцця – шлюб. Трэба забыцца на паняцце “грамадзянскі шлюб”, пад якім маюць на ўвазе сумеснае пражыванне без рэгістрацыі адносін. Гэта сужыцельства, у ім абодва бакі не маюць ні правоў, ні абавязкаў. У сям’і павінна быць юрыдычнае падмацаванне.


 ПРА вясельныя традыцыі расказала галоўны спецыяліст Вольга Юнок. Народным абрадам і звычаям прысвечаны асобны стэнд з фотаздымкамі і ілюстрацыямі. Многія вясельныя завядзёнкі з даўніх часоў дайшлі да сучаснасці. Напрыклад, выкуп нявесты, абмен заручальнымі пярсцёнкамі, першы танец маладых. Падчас урачыстай рэгістрацыі шлюбу жаніх і нявеста становяцца на рушнік. Згодна з народным павер’ем, гэта азначае ўсё жыццё адно аднаго кахаць. Традыцыя першы дзень вяселля гуляць у нявесты, а другі – у жаніха ў наш час не прыжылася. З’яўляюцца новыя. Так, прагулка пасля рэгістрацыі шлюбу па міёрскай набярэжнай абяцае доўгае жыццё ў згодзе.
ВА ўрачыстай зале рэгістрацый ладзілі аматарскі кінатэатр. Школьнікам паказалі відэаролікі пра сямейны дабрабыт. Мала стварыць сям’ю, важна зрабіць яе шчаслівай. А гэта штодзённая праца. Сустрэць сваё каханне, быць шчаслівымі ў шлюбе і стаць годнымі бацькамі для сваіх дзяцей пажадала моладзі першы сакратар райкама ГА “БРСМ” Вікторыя Пяткевіч.


Гутарку пра сакрэты сямейнага дабрабыту прадоўжылі за чаяпіццем з ласункамі. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 12 апреля 2021
Захар, Иван

Именины 11 апреля 2021
Иван, Исаакий, Кирилл, Корнилий, Марк, Михаил, Филипп

Госці краін

free counters
Партнеры сайта