Авторизация
 

Ля сядзібнага комплексу Святаполк-Мірскіх у Каменполлі праведзены суботнік

 На мінулым тыдні камянпольеўцы разам з міёрскімі добраахвотнікамі сустрэліся на суботніку. Прыбіралі тэрыторыю ля сядзібнага комплексу Святаполк-Мірскіх і былых панскіх канюшняў.

 За некалькі дзён да суботніка вучні сярэдняй школы № 2 добраўпарадкавалі брацкія могілкі, што знаходзяцца побач. Выграблі лісце, вынеслі смецце. Ідэю прыбраць тэрыторыю сядзібы прапанавалі мясцовыя дзеці. Для кожнага з іх гэтая зямля – родны дом.


Папрасілі дарослых дапамагчы. Звярнуліся да сям’і Богуш, паклікалі і мяне. Узяў з сабой сякеру, граблі, пілу. Патэлефанавалі старшыні Перабродскага сельсавета. Віктар Дзеравянчык падзякаваў за ініцыятыву і арганізаваў прычэп для вывазу смецця, фарбы для агароджы брацкіх могілкаў.


 Нягледзячы на спёку, дзеці на ўборцы актыўнічалі. Са старэйшых найбольш цяжкую працу ўзялі Кацярына і Юрый Богушы, Мікалай Радзішэвіч і я. Мужчыны высякалі кустоўе і насілі смецце. Кацярына фарбавала агароджу ля абеліска. Дзеці завіхаліся з граблямі ў парку.


 Прыбралі прылеглую тэрыторыю сядзібы. Высеклі лазняк вакол былой канюшні і вынеслі смецце ў прычэп. Мэта акцыі – навесці парадак для будучых наведвальнікаў – дасягнута.


– Сядзіба – наша турыстычная каштоўнасць, тут павінна быць чыста, – гаварылі дзеці.
Прыемна, што ў Год малой радзімы менавіта моладзь ініцыявала неабходную справу. Вырашылі праводзіць акцыю штогод. Пасля таго, як прычэп напоўніўся смеццем, сфатаграфаваліся на памяць.


Вялікі дзякуй Кацярыне і Юрыю Богушам, Марыі Паўлаўне Валеўка, Мікалаю Радзішэвічу, Ксеніі Афанасьевай, Івану і Максіму Матэленкам, Анастасіі і Аліне Валеўкам, Карыне і Іллі Шокелям, Уладзіславу Скавародку, Арцёму і Юрыю Харбакам, Багдану Александровічу.

Дзмітрый ВАСІЛЕНКА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта