Авторизация
 

Сустрэча ў Міёрскім ТЦСАН на тэму дэпрэсій і добрага настрою

Відэа з мерапрыемтсва глядзіце тут

Што рабіць, калі разам з вясной прыйшла дэпрэсія? Нежаданую спадарожніцу прагоняць вітаміны D і групы В, іван-чай, журавіны, штодзённыя прагулкі, добрыя фільмы.

У думках негатыў, а на душы шкрабуцца кошкі? Замест зацікаўленасці апатыя? Хутка нападае стомленасць? Значыць, на календары вясна. А ў нас радавацца цёплым дням пасля холаду, дэфіцыту сонца і вітамінаў няма сіл. Адкуль іх узяць, разважалі на сустрэчы ў тэрытарыяльным цэнтры сацыяльнага абслугоўвання насельніцтва.

 ХАРЧАВАННЕ, сон, актыўнасць — асноўныя крыніцы здароўя. Якія прадукты ўключаць у вясенні рацыён, з чаго пачынаць свой дзень і чым запоўніць вольны час, расказвалі наведвальнікам аддзяленняў дзённага знаходжання для інвалідаў, для грамадзян пажылога ўзросту і суправаджальнага пражывання.


Прыводзіць у тонус знясілены за зіму арганізм важна без кардынальных крокаў, папярэдзіла ўрач-тэрапеўт Міёрскай ЦРБ Наталля Бяляцкая. Пакрысе замяняць тлустую і мучную ежу на прадукты, багатыя вітамінамі. Іх засталося няшмат у сырых фруктах і гародніне. Лепш паставіць на стол замарожаныя ці сушаныя. Гэта не адносіцца да журавін, у якіх запас карысных рэчываў не страчваецца. Дадатковая крыніца энергіі — вітаміны з аптэкі.


 УРАЧ на заслужаным адпачынку, валанцёр аддзялення дзённага знаходжання для грамадзян пажылога ўзросту і суправаджальнага пражывання Таццяна Бандарэвіч рэкамендавала ўжываць даступны для кожнага кашалька “Ундэвіт”. Гэты прэпарат утрымлівае неабходныя арганізму вітаміны групы В. Напрыклад, ад вітаміну В12 залежыць стан нервовай і сардэчна-сасудзістай сістэм, ад вітаміну В9 — памяць, сон і настрой. У халадзільніку іх знойдзеце на паліцах з малочнымі прадуктамі і мясам. Доктар раіць уключаць у меню зерневыя кашы, марскую капусту, першую дзікарослую зеляніну. Маладая крапіва, макрыца і шнітка дапоўняць салату мноствам карысных рэчываў.


Выходзьце на вуліцу за вітамінам D. Ён сінтэзуецца ў арганізме пад уздзеяннем прамых сонечных промняў. Але і ў пахмурны дзень не заставайцеся дома. Падчас руху выпрацоўваюцца эндарфіны — гармоны радасці. Па вяртанні заварыце іван-чай. Гэта крыніца жыццёвых сіл і страхоўка ад дэпрэсіі.


Добры дзень пачынаецца з гімнастыкі. Рабіць яе можна прама ў ложку. Размінаць суставы асабліва важна ў пажылым узросце. Рэкамендацыі ўрача для ўсіх — камедыі і пазнавальныя тэлеперадачы, зносіны з людзьмі, абноўка ў гардэробе, новая прычоска, цікавае хобі.


 ПРЫГАЖОСЦЬ і добры настрой пачынаюцца знутры. Чым дапоўніць іх знешне, расказала прадстаўнік кампаніі “Фаберлік” Аліна Ляшук. Азнаёміла з асартыментам прадукцыі. Нагадала,  што ў доглядзе за сабой галоўнае — пастаянства. Як і ў фізічных нагрузках. На заняткі ў фізкультурна-аздараўленчы комплекс запрашала фітнес-інструктар Аксана Шыман. Паплаваць у басейне, пазаймацца на трэнажорах можна індывідуальна і разам. Дзейнічае група для пажылых людзей. Заняткі спортам умацоўваюць здароўе, падцягваюць фігуру, дысцыплінуюць. Выконваць практыкаванні важна з задавальненнем. Таму выбіраць трэба на свой густ.


ПАДЧАС сустрэчы ўдзельнікі частаваліся травяным чаем. На развітанне атрымалі памяткі па здаровым ладзе жыцця ад раённай арганізацыі Беларускага таварыства Чырвонага Крыжа. 

Фота і відэа Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 643
  • 0

Інвестыцыйны форум

  • 23 сентябрь 2011, 10:05
  • 78 151
  • 1

Злавілі рыбку, ды… залатую

  • 28 февраль 2011, 16:16
  • 51 034
  • 0

Пераброддзе 2012. Погляд вучонага

  • 31 август 2012, 15:19
  • 39 965
  • 0

  • 11 февраль 2011, 11:20
  • 38 711
  • 0

Кандыдатамі жадаюць стаць

  • 21 август 2012, 15:30
  • 35 477
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 439
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 мая 2019
Александр, Иван, Леонтий, Макар, Максим, Марк, Никита, Петр, Тихон

Именины 26 мая 2019
Александр, Василий, Георгий, Ефим, Макар, Сергей, Тарас, Юрий, Ирина

Госці краін
free counters
Партнеры сайта